YOSUA 1:15 - Susula Malalaok Hehelu Palak Ma Hehelu Beuk

¹⁵ Emi muse tulu-falis, losa langatuu-la dae manai Lee Yarden-na boboan muli ia, dae fo emi Manetualaim-ma, fen neu sila. Metema Manetualain fe basa leoina Israel-la lala'en-na laso'da no nee-nee lino-linok soona, besak-ka emi bole fali me'um-ma leo emi daem manai Lee Yarden-na boboan dulu ia, fo Musa Manetualain atan ndia ana fen neu emi.”

YOSUA 1:15 ပူးပေါင်းရင်းမြစ်များ

1 KORINTUS 12:26

Metema limak-eik esa doidoso soona, basa lima-ei fe'e kala boeo doidoso; ma metema lima-eik esa nanakoa-kiok soona, basa lima-ei fe'e kala boeo tunga namahokok.

1 KORINTUS 13:5

Ana ta namatutua-namadedema ao na, ta laka-nakaseti hataholi fe'ek fo tunga hihii-nanaun fa, ta namanasa lai-lai, ma ta nape'da dalek boen.

GALATIA 5:13

Tolanoo kala nananalo basak, soaneu da'di hataholi ao loak so. Tehu emi boso pake emi ao loam ndia, fo tao makandoo su'di bee ka, fo emi mahiik tao-no'in. Dede'a nasafali na, emi muse masue-malai ao, ma esa nalalau-naoono esa.

GALATIA 6:2

Ela leo bee na, emi matulu-mafali ao nai hataholi toto'a-tataa na dalek, fo ela no enok ndia de, emi tao tunga Kristus paleta na.

ULANGAN 3:18

Nai lelek ndia, au fes paleta nde ia: emi Manetualaim-ma fe emi dae manai Lee Yarden-na boboan dulu da'di emi mamana leleom-ma. Tehu emi solda'dum-mala, ala muse ho'u tafa-sisilo, fo ala lena lakahuluk leme leo Israel fe'e-fe'ek-kala leo selik leu.

ULANGAN 3:20

Tulu-fali hataholi fo emi leoina esa, losa langatuu-la dae fo emi Manetualaim-ma fen leo sila neu, fo nde dae manai Lee Yarden-na boboan muli, ma losa Manetualain fes laso'da no mole-dame nai naa, sama leo Ana fe emi maso'da no mole-dame nai ia boe. Basa ndia soona, besak-ka emi bole fali me'um-ma leo emi dae pusakam fo au fe emi-ka.

ULANGAN 9:1

“Tolano-tolanoong-ngala lemin, mamanene te! Faik ia, emi lena Lee Yarden-na, fo meu mangatuu-ma leoina fo ba'u lena em ma balakain-na lena heni emi ndia, daen-na. Sila kotan-nala matuaina mesa-mesan, ma papala nanadaman-nala mademaina-la losa lalai.

FILIPI 2:4

Taoafik neu hataholi fe'ek paluu na; boso paluu ka'da ao ina ma mesa kana.

YOSUA 1:1

Mate basa Musa, fo Manetualain atan ndia boema, Manetualain kokolak no Musa limaboa konan-na, fo nde Yosua fo Nun anan-na.

YOSUA 1:14

Basa emi sao-anam ma emi bana-manum-mala, bole leo lai ia, tehu emi hataholim manamatee-matatim-mala, muse laheheleaon soaneu latee-lata'ti, ma ala lena lakahuluk leo Lee Yarden-na selik leu.

YOSUA 1:16

Boema leo Ruben, Gad ma leo Manasye seli sila-la lataa lae, “Leomae o paleta ami tao beek ndia boeo, neukose ami taon, ma o madenu ami meu leo su'di bee meu boeo, neukose ami meu.

YOSUA 22:1

Basa boema Yosua naloo hataholi-la leme leo Ruben, Gad ma leo Manasye manai Lee Yarden-na boboan dulu,