YOHANIS 9:39 - Susula Malalaok Hehelu Palak Ma Hehelu Beuk

³⁹ Boema Yesus nafa'dan nae, “Au mai leo daebafa ka mai, fo Au aketu-ala'di, fo ela hataholi poke kala hapu lita, ma hataholi mananita kala pokes.”

YOHANIS 9:39 ပူးပေါင်းရင်းမြစ်များ

YESAYA 29:10

Manetualain taon-na emi matam-ma nduak, fo sungu mamanee. Ana poti ketu basa nabi-la matan-nala, ma Ana babaa ketu basa mananitak-kala mata-panan.

YESAYA 44:18

Te'e-te'e, hataholi leo sila-kala, nggoan-na seli! Ala potiketu matan-nala, ma dalen-nala, nalosa ta lalelak hata esa boen.

YESAYA 6:9

Boema nadenu au la'o, fo au uni hala heheluk ia soaneu hataholi-la nae, “Neukose emi mamanene makandoo, tehu emi ta malelak fa. Neukose emi taoafik makandoo, tehu emi ta bubuluk hata fo ana da'di fa.”

YESKIAL 12:2

“Hai hataholi daebafak fo, manasapu-manalalok-konei, o leo nai hataholi malenalanga-masa'ba sook-kala tala'da heon. Sila mamatak, tehu ta lita fa; madi'idook, tehu ta lamanene fa, nana ala nau lalenalanga-lasa'basoo.

MATEOS 11:5

Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.

MATEOS 15:14

Lokopae hataholi Farisi sila tao. Sila mauli-malanga poke kala; de metema hataholi poke ka hela-nole seluk hataholi poke ka soona, neukose duas tu'da leo oe lolok dale leu.”

MATEOS 6:23

Tehu metema emi mata ma keluha'bu ka soona, emi ao paa ma makiu-makahatuk. Da'di metema banuk manai emi ao paa ma dalek ndia, makahatuk soona, makahatuk ndia ba'u na seli!”

LUKAS 1:79

leondiak boe, Ana fe mangale'do na neu basa hataholi fo laso'da nai makahatu ka dalek ma bibii-namata'u ka. Ana hela-nole ita leo enok fo manaleo mole-dame neu.”

LUKAS 13:30

Tete'e ka, hataholi fo mate'e ka, neukose ana da'di hataholi makasososak, ma hataholi fo makasososa ka, neukose ana da'di hataholi mate'ek.”

LUKAS 2:34

Simeon fes baba'e-papalak, boema nafa'da Maria, fo Ni'iana ndia inan nae, “Ni'iana ia, Manetualain hele basan soaneu Ana tao namopo-namate, ma Ana soi-tefa na hataholi Israel ba'u ka. Neukose Ana da'di ta'du esa neme Manetualain mai, ma neukose hataholi ba'u ka ala la'ban nana,

LUKAS 4:18

“Lamatua ka Dula Dale na nai Au dalek, nana Ana so'u basa Au, soaneu tui-benga Hala Malole neu hataholi nuu ta-hata ta ka. Nadenu Au soaneu po'a-benga soi-po'i ka neu hataholi nanahuku kala ma nakahahai ka ba'eneu hataholi poke kala; soaneu soi-po'i hataholi nanatuni-ndeni kala

LUKAS 7:21

Lelek ndia Yesus nakahahaik hataholi makadotok, ma Ana usiheni dula dale mangalauk makadotok, boema Ana tao na hataholi pokek makadotok hapu lita.

YOHANIS 12:31

Besak ia, fai na losa soaneu daebafak ia nananaketu-nala'dik. Besak ia, manakoasa daebafa ka nanalolihenik so.

YOHANIS 12:46

Au mai leo daebafak ia mai fo da'di mangale'dok, fo ela basa hataholi fo lamahele Au a, ala boso leo nai makahatu ka dalek.

YOHANIS 3:17

Nana Manetualain ta haitua Ana na mai, fo naketu-nala'di daebafak ia fa, te Ana mai nini so'dak fe daebafa ka.

YOHANIS 3:19

Ala kalaa kana nanahu dede'a ka nde ia: Mangale'dok ndia, ana mai leo daebafa ka mai so, tehu hataholi daebafa ka hii ka'da makahatu ka, te ana ta nau mangale'do ka fa, hu ka nde tatao-nono'i nala, mangalauk.

YOHANIS 8:12

Yesus kokolak seluk no hataholi makadotok sila la nae, “Au nde mangale'do daebafa ka. Metema see tunga Au soona, neukose ana ta la'ok nai makahatu ka dalek fa, tehu ana hapu mangale'do manafe maso'da ka.”

YOHANIS 8:15

Emi maketu-mala'di hataholi, ninik hataholi daebafa ka naketu-nala'din. Tehu Au ta aketu-ala'di hataholi esa boen.

YOHANIS 9:25

Tehu nataa nae, “Ade hataholi ndia masala-masingok do ta o, au ta bubuluk fa. Au bubuluk ka'da dede'ak esa mesa kana, fo nde makahulu na au pokek, tehu besak ia au ita so.”

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

2 TESALONIKA 2:10

Ana pake basa ke'dindiu mangalauk lala'ena, fo ana ke'dindiu hataholi fo, ala ta nau sipok hala ndoos maneme Manetualain na mai. Neukose mate basa hataholi sila la, nana ala ta nau lamahele halak fo manini so'dak ndia fa.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

1 YOHANIS 2:11

Tehu hataholi fo nakamuu-nakadau tolano na, hataholi ndia so'da na, bei nai makahatuk dale, de ana ta bubuluk, ana la'ok leo bee neu fa, nana makahatu ka de ta nita lo dae so'on.