YOHANIS 9:31 - Susula Malalaok Hehelu Palak Ma Hehelu Beuk

³¹ Ita bubuluk basa, Manetualain ta nau namanene hataholi masala-masingo ka huhule-haladoin fa, te namanene ka'da hataholi manafe ha'da-holomata ma manatao tunga hihii-nanau na, huhule-haladoin dei.

YOHANIS 9:31 ပူးပေါင်းရင်းမြစ်များ

KEJADIAN 19:29

Leondiak, lelek Manetualain tao namopo-namate kota sila-la nai bafak fo nai bee, Lot leo, Manetualain nafandele neu Abraham, ma Ana tulu-fali Lot, fo nalai.

KEJADIAN 20:7

Tehu besak ia, fe falik-kana leo saon-na neu. Saon-na nabi esa, de neukose ana hule-haladoi soaneu o, fo ela boso mate o. Tehu metema, o ta nau fe falik-kana fa soona, mafandendelek te, neukose mate o moo basa o laum-mala lala'en-na!”

AYUB 35:12

Hataholi nanatuni-ndenik sila-la, laloo bebou, tehu Manetualain denge-denge, hu kande sila hataholi mangalauk, ma dalen-nala henuk no koao-ndaeaok-ka.

AYUB 35:13

Ala nggasi lapane'e lanseli, tehu manada'di tak; Ndia Fo Manakoasa, ta mete do namanene fas.

AYUB 42:8

Nah, besak ia, pa'a-ma sapi mane 7 ma bi'ilopo mane 7, fo muu leo Ayub. Basa soona, tunu-hotu bana sila-la, da'di leo tutunu-hohotu nanatunuk, soaneu o aoinam-ma. Neukose, Ayub hule-haladoi ba'eneu emi, de neukose, Au sipok huhule-haladoin. Leomae emi mandaa sipo huhukuk, tehu neukose, Au ta akamamaek emi fa. Emi ta mafa'da tunga ndoon-na, la'eneu Au aoinang-nga fa, tehu Ayub nafa'dan tunga ndoon-na.”

MAZMUR 106:23

Boema, Manetualain tutu'u, sanga tao namopo-namate anan-nala, tehu Musa fo, hataholi hehelen-na, ana ka'in. Musa da'di hataholi tala'dak soaneu sila, de nalosa Manetualain nasan-na tenak.

MAZMUR 143:10

Manoli au, fo au akalala'ok O hihii-nanaum, nana au Manetualaing-nga nde O. O dale malole, de neukose, O hela-nole au, leo eno matetuk-ka neu.

MAZMUR 145:19

Ana tao namahoko hataholi kamahehelek-kala dalen-na; Namanene sila hala naloloon-na, de Ana soi-tefa-nalas.

MAZMUR 18:41

O taom-ma, au musung-ngala lalai leme au mai; hataholi fo ala lakamuu-lakadau au-a, au tao amopo-amates.

MAZMUR 40:8

Boema au afa'da ae, “Au nde ia, nai susula nanalunuk fo nanasulak la'eneu au.

MAZMUR 99:6

Musa ma Harun, nanalekek nai Ndia imam-mala dalek, Semuel nde bee-na, hataholi esa fo, ana hule-haladoi neun, Ala laloo bou-bou neu Manetualain, de Ana fe natataak.

AMSAL 15:29

Metema hataholi malole-a hule-haladoi soona, Manetualain namanene, tehu Ana ta taoafik neu hataholi malelesik-ka fa.

AMSAL 21:13

See ta nau namanene hataholi manato'a-taak-ka haladoin-na fa soona, metema noke tutulu-fafalik soona, neukose hataholi ta taoafik neu fa.

AMSAL 28:9

Metema, o ta tunga Manetualain hoholo-lalanenfa soona, neukose Manetualain boeo, malua o huhule-haladoim.

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.

YESAYA 58:9

Metema emi hule-haladoi soona, neukose Au sipok-kana. Metema emi maloo bou-bou neu Au soona, neukose Au ataa. Boso tuni-ndeni seluk, emi nono hataholim-ma, hahae tao musu, ma hahae kokolak manggenggeo hataholi na'den.

YEREMIA 11:11

Hu ndia de, Au, fo Manetualain, fe nasanene'dak ae, neukose Au eni fe sila susa-soe de sila ta hapu laladeak fa. Metema ala lalo bebou, loke tutulu-fafalik neme Au-a mai soona, Au ta nau amanene fa.

YEREMIA 14:12

Leomae ala oka aon-nala boeo, Au ta nau taoafik neu sila nalolou fo loke tutulu-fafalik fa; ma leomae ala fe Au tunu-hotu nanatunuk ma tunu-hotu gandum, boeo neukose Au ta amahoko neu hataholi sila-la fa. Nasafalin-na neukose Au tao amate-amopos nenik natee-natatik, la'a-ndoes ma he'di-laus.”

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YESKIAL 8:18

Neukose, ala lame'da lita, Au nasa-melung matuainang-nga! Neukose, Au ta fes do'o do ampon fa. Leomae ala nggasi, fo besak-ka ala hule-haladoi neu Au boe, Au ta nau amanene sila hule-haladoin ndia fa.”

MIKHA 3:4

Neukose fain-na losa, emi nggasi moke tutulu-fafalik neu Manetualain, tehu Ana ta nau nataa fa. Neukose Ana ta namanene emi huhule-haladoim fa, nanahu emi tao tatao-nono'i mangalauk so.

ZAKHARIA 7:13

Au ta ataa huhule-haladoin-nala fa, nanahu sila boeo ta lamanene Au, nai lelek Au kokolak fa.

YOHANIS 11:22

Leomae leondiak boeo, au bubuluk basan besak ia boe, neukose Manetualain ka'da fe beek fo Lamatua ka noke neun.”

YOHANIS 15:16

Emi ta nde hele Au fa. Te Au nde hele emi, boema Au adenu emi meu, fo maboa ba'u ka, boak fo ta hapu mopo-mate fan. Boema neukose Ama ka fe emi, su'di hata fo emi moken minik Au na'de nga.

YOHANIS 4:34

Tehu Yesus nafa'das nae, “Au nana'a-nininung nde Au tunga Hataholi mana madenu Au a, hihii-nanaun, boema Au tao akababasak ue-le'dis fo Ana fen neu Au a.

YOHANIS 7:17

Hataholi fo ana tunga Manetualain hihii-nanau na, neukose ana bubuluk, ade Au nanoling sila la neme Manetualain mai, do neme Au a mai.

YOHANIS 9:30

Boema hataholi ndia nataa nae, “Dodoo doak la'iesa kana, emi mafa'da mae, emi ta bubuluk hataholi ndia, Ana mai neme bee a mai fa, te nateka Ana tao na au hapu ita so.

YOHANIS 9:32

Neme daebafa ka ana mulai da'di a, ita beita tamanene la'iesa fo, hapu hataholi nakahahaik hataholi fo bongin te pokek so.

ULANGAN 1:45

Basa boema, emi fali ma'im-ma, de emi maloo bou-bou neu Manetualain fo moke tutulu-fafalik, tehu Ana ta nau namanene, do taoafik neu emi fa.”

IBRANI 10:7

Soona Au afa'da ae ‘Au nde ia, ou Manetualain! Au mai soaneu Au tao-no'i O hihii-nanaum, sama leo nanasulak basak la'eneu Au, nai Susula Malalaok dale so.’ ”