YOHANIS 9:24 - Susula Malalaok Hehelu Palak Ma Hehelu Beuk

²⁴ Boema lalo seluk hataholi fo besa ka nita ndia de lafa'dan lae, “Supa-soo leona mae, o mafa'da tunga ndo na. Te ami bubuluk hataholi mana makahahaik o ndia, hataholi masala-masingok ndia.”

YOHANIS 9:24 ပူးပေါင်းရင်းမြစ်များ

EZRA 10:11

Hu ndia de, manaku emi sala-singom neu Manetualain fo ita bei-ba'i kain-nala sene-do'ok-ka, ma tao hata fo, nanda no Manetualain dalen-na. Madook emi aoinam-ma, neme hataholi nusa dea, fo manaleo nai ita nusan-na, ma usiheni basa saoinak maneme nusa dea sila.”

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

MARKUS 15:27

Ala lona-nggange Yesus sama-sama no hataholi manabonga uma dua, de esa nai Yesus boboa kona na ma esa nai Yesus boboa kii na.

LUKAS 15:2

Hataholi Farisi la ma mese agama la mulai lakamumu lae, “Awe, hataholi ia sipok hataholi ta malole la, bai te na'a sama-sama nos!”

LUKAS 19:7

Basa hataholi fo mana lita dede'ak ndia, mulai lakamu mu. Lafa'da lae, “Awe! Neu leo lalai nai hataholi ta malole la uman!”

LUKAS 7:39

Lelek hataholi Farisi fo mana ka'i Yesu sa nita dede'ak ndia, boema ana dodoo nai dalen dale nae, “Leo uni ka hataholi ia nabi soona, tao leo bee o Ana bubuluk, see inak fo mana koila'e nana, ma nae inak ndia naso'da nai sala-singo ka dalek!”

YOHANIS 14:30

Au ta kokolak ba'u ka o emi so'on, nana manakoasa daebafak ia fai na losa, de ala mai so. Tehu sila ta nde koasa Au aopaang ia fa.

YOHANIS 16:2

Neukose ala usiheni emi neme uma mamaso kala dalek mai. Boema losa fai na te, hataholi mana taonisa emi a, neukose naedaenga ndia tao malole soaneu Manetualain nde ndia so.

YOHANIS 18:30

Boema lae, “Leo uni ka ta nasala fa soona, neukose ami ta mon leo Ama gobelno la mai fa.”

YOHANIS 19:6

Lelek fo malanga ima mala lo manamanea sila la lita Yesus boema ala eki lae, “Lona nggangen leona! Lona nggangen leona!” Boema Pilatus nafa'das nae, “Hela man fo emi lona nggange aom, te au ta hapu hataholi ia salan esa boen.”

YOHANIS 5:23

Ama ka tao leondiak, fo ela basa hataholi la fe ha'da-holomata neu Ana ka, sama leo ala fe ha'da-holomata neu Ama ka. See ta fe ha'da-holomata neu Ana ka fa soona, ana ta fe ha'da-holomata neu Amak fo manamadenu Ana ka.

YOHANIS 8:46

Nai emi dalek, see ka nde napalani nafa'da nae, Au masala-masingok? Metema Au afa'da ndoos, na tao le'e de emi ta mamahele Au fa?

YOHANIS 8:49

Tehu Yesus nae, “Hataholi nitu sa'ek ta Au fa. Au fe ha'da-holomata neu Au Amang, tehu emi makamumuluk-makamamaek Au.

YOHANIS 9:16

Boema hataholi Farisi sila la nggelok lae, “Hataholi manataok ia, ana ta mai neme Manetualain mai fa, nana hataholi ndia, ana ta tao papakek neu fai Saba ta fa.” Tehu hataholi Farisi nggelok soona lae, “Hapu nai bee, hataholi masala-masingo ka hapu tao manda'di beuk leo ia ka?” Boema ala mulai lale'a leona.

YOHANIS 9:25

Tehu nataa nae, “Ade hataholi ndia masala-masingok do ta o, au ta bubuluk fa. Au bubuluk ka'da dede'ak esa mesa kana, fo nde makahulu na au pokek, tehu besak ia au ita so.”

ROMA 8:3

Hata fo agama hoholo-lalanen ta hapu tao nala fan, hu ka nde ita hataholi daebafa ka tapandoe na, Manetualain tao basan so. Manetualain sengi sala-singo ka koasa na nai hataholi daebafa ka ha'da-tatao na dalek, ninik Ana haitua Ana na mai no heheo-hihilun sama na leo hataholi daebafa masala-masingo ka, fo Ana kokaheni sala-singo ka.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

YOSUA 7:19

Yosua nafa'da Akhan nae, “Anang-ngonei, makaheik, fo mafa'da no mangale'dok nai ia, nai Manetualain fo Israel Manetualain-na matan, o taon beek so. Mafa'dan neu au, fo boso mafunin.”

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.