YOHANIS 9:17 - Susula Malalaok Hehelu Palak Ma Hehelu Beuk

¹⁷ Boema hataholi Farisi la latane seluk hataholi ndia lae, “Te o hahapu ma leo beek, la'eneu Hataholi manatao na o mita seluk ndia?” Boema hataholi fo besa ka nita ndia nae, “Hataholi ndia Nabi ndia.”

YOHANIS 9:17 ပူးပေါင်းရင်းမြစ်များ

MATEOS 21:11

Boema hataholi makadotok fo mana tunga Yesu sa lafa'das lae, “Ndia nde Nabi Yesus neme Nazaret fo nai Galilea.”

LUKAS 24:19

Boema Yesus natanes nae, “Manda'di beek ndia?” Boema lataa lae, “Manda'dik fo ana da'di neu Yesus fo hataholi Nazaret ndia. Hataholi ndia Nabi esa. Hala-kokolan ma tatao-nono'in nanuu koasa matuaina, nau tunga Manetualain mata memete na, do tunga basa hataholi daebafa ka mata memete na boe.

YOHANIS 4:19

Boema inak ndia nae, “Besa ka au bubuluk, Tuan nde bee na, nabi esa.

YOHANIS 6:14

Hataholi makadotok sila la lita Yesus tao manda'di beuk ndia, boema bekola lae, “Tete'e ka, Nabi fo ita tamahena Ana mai leo daebafa ka mai a, nde Hataholi ia so!”

YOHANIS 9:15

Ala losa boema, latanen tao leo beek de ana hapu nita. Boema nae, “Ana tao tane neu au mata nga, de basa boema, au u alou oe, tutika au ita leona.”

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

HATAHOLI 2:22

Tolano-tolanoo Israel ngala lemin! Mamanene hata fo au afa'dak ia la. Manetualain fe basa bela-ba'uk neu Yesus fo hataholi Nazaret ndia, soaneu tolanoo kala so. Ita titan no mangale'dok nai manda'di beu kala ma dede'a matua ina la dalek, fo Manetualain taon nai emi tala'da tunga Yesus ndia. Emi bubuluk basa dede'ak sila la so.

ULANGAN 18:15

Nasafalin-na, neukose Ana fe emi nabi esa, sama leo au, fo emi muse tungan.