YOHANIS 8:43 - Susula Malalaok Hehelu Palak Ma Hehelu Beuk

⁴³ Hu bek de, emi ta malelak Au nanoli-nafa'dang fa? Hu ka nde emi ta makataka mamanene Au nanoli-nafa'dang fa.

YOHANIS 8:43 ပူးပေါင်းရင်းမြစ်များ

AMSAL 28:5

Hataholi malelesik-ka, ta nalelak natalolole ndoos ma matetuk-ka fa, tehu hataholi fo, ana sene-do'ok neu Manetualain-na, te'e-te'e nalelak-kana.

YESAYA 44:18

Te'e-te'e, hataholi leo sila-kala, nggoan-na seli! Ala potiketu matan-nala, ma dalen-nala, nalosa ta lalelak hata esa boen.

YESAYA 6:9

Boema nadenu au la'o, fo au uni hala heheluk ia soaneu hataholi-la nae, “Neukose emi mamanene makandoo, tehu emi ta malelak fa. Neukose emi taoafik makandoo, tehu emi ta bubuluk hata fo ana da'di fa.”

YEREMIA 6:10

Boema au ataa ae, “Manetualain, au muse kokolak o see, ma au muse fe nasanene'dak neu see? Hataholi sila, langabatu lanseli, de ala ta nau taoafik fa. Ala hika ma ala ta hii O hala hehelum, fo au anduku-alosak-kana neus fa.

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”

MIKHA 4:12

Tehu leoina sila ta bubuluk hata fo Manetualain tutu'uk-ka fa. Ala ta lame'da lae sila nanatao nakabubuak basak soaneu nanahukuk, sama-na leo tao nakabubua gandum-ma fo aa'in.

MATEOS 13:15

Nanahu hataholi ia la, dudu'a-aafin nala pa'an so, di'idoo nala pakes so, ma mata nala lasusungu kana so. Dede'ak ia ana da'di, fo ela mata nala boso lita, ma di'idoo nala, boso lamanene, dudu'a aafin nala, boso lamatane, fo ela, ala boso fali leo Au mai, fo Au boso tao ahais.’ ”

YOHANIS 5:25

Mamahele leona, te neukose fai na losa, nakalenak fai na losa so, soaneu hataholi manamate kala, neukose lamanene Manetualain Ana na hala na. Boema see namanenen soona, neukose naso'da.

YOHANIS 5:43

No Au Amang koasa na de Au mai, tehu emi ta nau sipok Au fa. Tehu metema hataholi fe'ek ana mai no koasa na soona, emi nau sipo kana.

YOHANIS 6:60

Lamanene Yesus dede'a-kokolan sila la boema, Yesus ana manatunga makadoto nala lae, “Nanolik ia bela na seli. See ka nde nalelak nanolik ndia!”

YOHANIS 7:17

Hataholi fo ana tunga Manetualain hihii-nanau na, neukose ana bubuluk, ade Au nanoling sila la neme Manetualain mai, do neme Au a mai.

YOHANIS 8:27

Tehu ala beita bubuluk Yesus kokolak nos la'eneu Ama ka nde ndia fa.

YOHANIS 8:33

Tehu lafa'da Yesus lae, “Ami ia, Abraham tititi-nonosin. Beita la'iesa fo ami da'di ata neu hataholi esa boen! Te O dudu'a tao leo beek, de O mafa'da mae, ‘Neukose emi nanase'i po'ik’?”

YOHANIS 8:39

Boema lataa Yesus lae, “Ami amam nde Abraham.” Tehu Yesus nafa'das nae, “Leo uni ka, tete'e ka emi amam nde Abraham soona, tao leo bee o, emi tao-no'i hata fo Abraham tao-no'i ka.

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

ROMA 3:11

ta hapu hataholi malelak esa boen, ma ta hapu hataholi esa boen, ana sene-do'ok neu Manetualain.