YOHANIS 8:21 - Susula Malalaok Hehelu Palak Ma Hehelu Beuk

²¹ Boema Yesus nafa'da selu kasa nae, “Metema Au la'o soona, neukose emi sanga Au, tehu neukose emi mate nai emi sala-singo ma dalek. Nanahu Au u leo mamana ka, emi ta hapu losa fan.”

YOHANIS 8:21 ပူးပေါင်းရင်းမြစ်များ

1RAJA-RAJA 18:10

No o Amam Manetualain fo maso'dak-ka na'den-na, au afa'da ae manek-ka nadenu basa au sanga Ama nai mamanak lala'en-na. Metema nai nusak esa manakoasan-nala lafa'da lae Ama ta nai naa fa soona, Ahab nakasetis fo ela nusak ndia manakoasan-nala soo lae memak Ama ta nai ndia fa.

AYUB 20:11

Leomae ndia muli-soluk ma makadelek, ta doo be ana esa boen te ana da'dik dae sopuk so.

AMSAL 11:7

Metema hataholi mangalauk-ka maten soona, namahehenan-na boeo maten; mamahena neu be'i-balakai mesam-ma soona, sosoa-ndandaan ta.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

YESAYA 65:20

Anan-nala ta mate, nai lelek bei anan-nala, ma neukose, touinak-kala, laso'da losa lamalasi. Hataholi fo, teun natun esa, neukose lafa'da lae, bei muli-soluk, ma manamate makahuluk sila-la, lafa'da lae, Au huhukung-nga la'es.

MATEOS 23:39

Bubuluk leon te, mulai besak ia, neukose emi ta mita Au so'on losa emi mafa'da mae, ‘Nanaba'e-palak ba'eneu Ndia fo Ana mai no Manetualain na'de na.’ ”

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

MATEOS 25:46

Soona neukose hataholi sila la nanahukuk ninik huhuku mana ketu basa ta ka, tehu hataholi mana tao tunga Manetualain hihii-nanau na, neukose ala hapu maso'da matetu ka, ma mana ketu basa ta ka.”

YOHANIS 12:33

Ana kokolak nae leondia nana sanga natu'du eno na tao leo beek, de Ana mate.

YOHANIS 12:35

Boema Yesus nae, “Ka'da ba'ihanak mesa kana, mangale'dok ndia nai emi tala'da. Hu ndia de, leo la'ok beidai mangale'dok ndia bei hapun, fo ela makahatu ka boso tuni na emi. Hataholi manaleo la'ok nai makahatu ka dale ka, neukose ana ta bubuluk leo bee neu fa.

YOHANIS 13:33

Ana ngala lemin, neukose Au ta leo ala doo ka o emi so'on. Neukose emi sanga Au, tehu sama na leo hata fo Au afa'da basan neu manakoasa Yahudi la, leondiak boe Au afa'da neu emi. Au u leo mamana ka, emi ta hapu losa mamanak ndia fa.

YOHANIS 7:34

Neukose emi sanga Au, tehu emi ta hapu matongo mo Au so'on. Nanahu emi ta hapu meu leo mamanak ndia meu fa.”

YOHANIS 7:36

Ana dudu'a tao leo beek de nalosa nae, neukose ita sangan, tehu ita ta hapu tatongo to fan, ma nae, neu leo mamana ka neu a, ita ta hapu teu leo mamanak ndia teu fa?”

YOHANIS 8:24

Hu ndia de, Au afa'da emi te, neukose emi mate nai emi sala-singo mala dalek. Boema memak neukose emi mate nai emi sala-singo mala dalek, metema emi ta mamahele, ‘Au Nde Ndia, fo lafa'da lae, AU NDE NDIA.’ ”

EFESUS 2:1

Makahulu na emi mate tunga samane ka, nana emi masala-masingo ma emi la'o lena Manetualain paleta nala.