YOHANIS 8:17 - Susula Malalaok Hehelu Palak Ma Hehelu Beuk

¹⁷ Nai Musa hoholo-lalanen dale nanasulak nae leo ia: Metema hataholi dua sakasii soona, sakasii matetu ka nde ndia dei.

YOHANIS 8:17 ပူးပေါင်းရင်းမြစ်များ

1RAJA-RAJA 21:10

Madenu hataholi manatao tatao-nono'i mangalauk dua langatuuk lasasalematak loon, fo kalaa kana mae ana soo-supa basa Manetualain ma manek-ka so. Soona moon leo kota deak neu fo tapan nenik batu losa maten!”

BILANGAN 35:30

Nai dede'a kanisak-ka dalek, bole kee hataholi kanisak-ka nasala fo huku nisan, sa'di metema hapu sakasii dua, do lena neme dua mai, fo ala bisa fe buti la'eneu tatao-nono'ikanisak ndia. Metema sakasii ka'da esa soona, beita dai, soaneu ana bisa fe buti nae kalaak ndia tete'ek-ka.

MATEOS 18:16

Tehu metema ta soona, mo seluk hataholi esa do dua. Nanahu nai Susula Malalaok dale, nanasulak nae, ‘Paluu, nai dae, hataholi dua do telu sakasii, fo lafa'da hataholi nanakalaak esa sala na.’

YOHANIS 10:34

Boema Yesus nae, “Ade nai emi Susula Hoholo lalanem dale, ta nanasulak nae, Manetualain nafa'da nae, ‘Emi ia lamatua daebafak hetu’?

YOHANIS 15:25

Tehu muse ana da'di tao leondiak, fo ela hata fo nanasulak nai sila Susula Hoholo lalane na dalek, ana da'di leona nae: ‘Lakamu-lakadau Au, tehu ne'en ta.’

2 KORINTUS 13:1

Ia nde bee soona soaneu kala'i telu na au ne'i donge-dama emi. Nai Susula Malalaok dale nanasulak nae, “Dede'a kala esa-esak muse hapu manasakasii dua do telu fe sakasii na, fo besa ka dede'ak ndia nanapakek.”

GALATIA 3:24

No enok ndia, agama hoholo-lalanen da'dileo ita mana manean, losa Kristus mai, fo Ana tao na ita malole falik to Manetualain, nanahu ita tamahele Kristus.

GALATIA 4:21

Tolano-tolanook fo ala nau laso'da nai agama hoholo-lalanen koasa na dae, so'ba mamanene su'dik au dei! Au sanga afa'da emi, hata fo tunga ndo na, nanasulak nai Musa Susula Hoholo-Lalanen dale.

ULANGAN 17:6

Tehu bole hukunisa hataholi ndia, metema hapu sakasii dua, do lena neme dua mai; ta bole hukunisa hataholi esa fa, metema hapu ka'da sakasii esa.

ULANGAN 19:15

“Sakasii esa maesak-kana soona, beita dai soaneu nafa'da hataholi nanakalaak esa salan-na fa; muse paluu sakasii dua, nai dede'ak ndia dalek.

IBRANI 10:28

Hataholi fo ana ta tunga hoholo-lalanek fo Musa fe ka fa soona, neukose nanahuku nisak ta no ampon fa, metema no sakasii dua do telu sakasii na tete'e ka hataholi ndia tao salak.

1 YOHANIS 5:9

Ita tamahele neu hataholi daebafak sakasiin, tehu Manetualain sakasii na, balakai na ba'u lena seluk bai. Leondiak Manetualain sakasii na, la'eneu Ana na.

NINITAK 11:3

Neukose Au adenu Au sakasiing dua fo ala pake bua-lo'a fafaluk. Neukose ala po'a-benga Manetualain hala na faik lifun esa natun dua nehulu.”