YOHANIS 8:15 - Susula Malalaok Hehelu Palak Ma Hehelu Beuk

¹⁵ Emi maketu-mala'di hataholi, ninik hataholi daebafa ka naketu-nala'din. Tehu Au ta aketu-ala'di hataholi esa boen.

YOHANIS 8:15 ပူးပေါင်းရင်းမြစ်များ

AMOS 5:7

Soe ba'eneu emi fo manaputa-balek ndoos ma matetuk-ka, ma manatipu-dai hataholi baba'en-na!

AMOS 6:12

Ndala bisa nalaik nai pupuku batu lain do? Hapu hataholi nakauuk tasi nenik sapi do? Tehu emi puta-paik eno ndoos ma matetuk-ka, fo da'di laso maneni mamates, ma ndoos-sa da'di salak.

HABAKUK 1:4

Ala heheta-aa'i hoholo-lalanek, ndoos ma matetuk-ka ta nanaho'un-nahelek la'iesa boen. Hataholi mangalauk-ka sengi hataholi manatao tunga ndoon-na, de ala puta-pai ndoos ma matetuk-ka.

LUKAS 12:14

Yesus nataa nae, “Tolanoo ei, see ka nde so'u Au da'di manamaketu-mala'di, do manaba'e hata pusaka neu emi dua?”

YOHANIS 12:47

Hataholi fo lamanene Au nanoli nga, tehu ana ta tao tunga fan soona, Au ta nde huku nana fa. Nana Au ta mai aketu-ala'di daebafak ia fa, tehu Au mai fo Au fe so'dak neu daebafa ka.

YOHANIS 18:36

Boema Yesus nae, “Au nusa nga ta neme daebafak ia mai fa. Leo uni ka Au nusa nga neme daebafak ia mai soona, neukose Au hataholi ngala sanga enok lakandoo, fo daenga ala boso fe Au leo manakoasa Yahudi la neu. Tehu memak Au nusa nga ta neme daebafak ia mai fa!”

YOHANIS 3:17

Nana Manetualain ta haitua Ana na mai, fo naketu-nala'di daebafak ia fa, te Ana mai nini so'dak fe daebafa ka.

YOHANIS 7:24

Boso maketu-mala'di hataholi tunga hata fo emi mitan, te maketu-mala'di tunga ka'da matetu na.”

YOHANIS 8:11

Boema ina ka nae, “Ta, Ama,” Boema Yesus nafa'dan nae, “Naa, malole so, Au boeo ta huku o boen. Besak ia, fali mu'u ma leona, fo boso boe tao sala-singok seluk bai.”]

ROMA 2:1

Hu ndia de, tolano-tolanoo ngala lemin, see tolanoo ka, de nalosa tolanoo ka nau fe salak neu hataholi? Tolanoo ka ta hapu enok faaanak boen soaneu masala'e aoina ma fa! Nana metema tolano ka fe salak neu hataholi fe'ek, te se'kona tolanoo ka tatao-nono'im boeo bei sama leo hataholi sila la, soona tolanoo kala nde maketu aom tolanoo kala huhukum ndia.

1 KORINTUS 2:15

Hataholi fo Manetualain Dula Dale na nai dale soona, ana bubuluk basa hata lala'ena, tehu dede'ak ndia, ta hapu hataholi esa boen, nalela kana fa.

2 KORINTUS 5:16

Hu ndia de, ami ta uku-dou hataholi ninik hataholi daebafa ka uuku-dodoun fa. Memak ami uku-dou hai Kristus ninik hataholi daebafa ka uuku-dodoun, tehu besak ia soona, ta so.

YAKOBIS 2:4

No emi tatao-nono'im leondia ka, emi bibinga-baba'e emi nonoo hataholi ma, boema emi mete hataholi a, tunga emi dudu'a-aafi mangalau ma.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”