YOHANIS 7:37 - Susula Malalaok Hehelu Palak Ma Hehelu Beuk

³⁷ Losa feta ndia fai mate'e na fo faik ndia, fai masosoak, boema Yesus neu napadeik neu Manetualain Uman dale de nalo napane'e nae, “Hei hataholi mana maa ma'da kala lemin, ela leo bee na emi mai leo Au mai, fo minu leona.

YOHANIS 7:37 ပူးပေါင်းရင်းမြစ်များ

NEHEMIA 8:18

Ala tao feta faik hitu dalen-na. Tunga faik, Ezra lees Manetualain susula Hoholo-lalanen neme baba'ek leo baba'ek neu. Neu fai ka falun-na boema, feta nate'e, nandaa no Hoholo-lalanek nakaneneten-na.

MAZMUR 143:6

Au so'uk au limang-nga, fo au hule-haladoi neu O; au samaneng-nga, nahiik nanseli, natongo no O, sama leo dae tuuk-ka.

MAZMUR 42:2

Sama leo nusa nahiik oe lee-a, leondiak boe au samaneng-nga nahiik O, ou Manetualain.

MAZMUR 63:1

Dauk kokoa-kikiok, nai lelek nai moo solokaek Yehuda.

AMSAL 1:20

Mamanene leon-na, te manatee-tenok-ka naloo nai enok-kala lain, ma ana nggasi nai mook-kala!

AMSAL 8:1

Mamanene! Manatee-tenok-ka naloo bou-bou, manatee-tenok-ka botik halan-na.

AMSAL 8:17

Au sue lai sila fo lahik neu au; manasanga au-a, neukose latongo lo au.

AMSAL 8:3

Nai lelesuina fo enok masok leo kota neu-a, nai ndia halan-na nananamanenek.

AMSAL 9:3

Nadenu malalau-maoono inak-kala, soaneu laloo bou-bou neme mamana madema-la fo manai kota,

KIDUNG AGUNG 5:1

Au u leo au osing dale u, fa'ding-ngo, au saoinang-ngo, au hehele akabubua au ai daa tuung-ngala, ma au bumbung-ngala; au u'a au fani popolang-nga, ma au inu au fanioeng-nga, au inu kapoe, ma au angol-la. Mi'a-minu leon, tia-laing-ngala lemin, Minu losa mafuk hu kande susue tou-ta'ek.

YESAYA 12:3

Sama leo oe makasufuk-ka, ana tao namahoko hataholi manamaa ma'dak-ka, neukose emi mamahoko-setelee leondiak, nanahu Manetualain soi-tefan.”

YESAYA 40:2

Matetesa-matatama, hataholi Yerusalem-mala dalen-nala, mafa'das leon, mae ala ta da'di ata so'on. Sila salan-nala hapu do'o do ampon so. Au huku basa sila sala-singon, didikuk la'i dua so.”

YESAYA 40:6

Hapu halak nafa'da nae, “Tui-benga leona!” Au atane ae, “Au muse tui-benga beek?” “Tui-benga leona, mae hataholi daebafak-ka, sama leo na'u-a, sama leo bunga, fo lole-napun ka'da hatematak esa mesak-kana.

YESAYA 44:3

Nana, neukose Au fe oe leo dae tuuk-ka neu, ma Au fe lee-la, ala faa lai dae tokotik-kala. Neukose, Au fe Au koasang-nga, neu o tititi-nonosim, ma Au fe o upu-anam, baba'e-papalak.

YESAYA 55:1

Manetualain nafa'da nae, “Mai leon, basa emi fo, manamaa ma'dak-kala, fo minu oe nanasadiak-ka leona. Mai leon, emi fo doi tak-kala, sipo gandum, te ta bae fa, fo mi'a leona! Angol ma kapaoe-a, nanasadiak, sipon no ta bae fa.

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

YEREMIA 2:2

po'a-benga halak ia neu basa hataholi manai Yerusalem-mala nae, “Hai Israel, Au afandele, o lilineka manseli, nai lelek o bei muli-solum-ma; o susue-lalaim ba'un-na seli nai lelek ita da'di manaka'bing beuk-ka. Au u leo moo solokaek-ka u, boeo o tunga o la'ok tunga dae fo, nanasele-nggali taak-ka.

YESKIAL 47:9

Lee ia, ana faa leo bee neu boe, hapu i'ak mata-matak-kala, ma bana fe'ek-kala lai ndia boe. Lee ndia oen-na, ana tao-na Tasi Mates-sa oen-na, da'di mamin, ma lee ndia oen-na, ana faa su'di leo bee neu boe, neukose hapu maso'dak-ka nai ndia.

IMAMAT 23:39

Ketu-kolu basa, fo mulai hataholi Yahudi-la, bula ka hitun-na, fain sanahulu lima soona, emi muse tao feta faik hitu dalen-na. Fai makasososan-na, ma fai ka falun-na nde been-na, fai hehelik soaneu fai hahaeaok.

MIKHA 6:9

Manatee-tenok-ka nde been-na soaneu bii neu Manetualain. Naloo bou-bou neu laun manai kota nae, “Mamanene leon, hai emi fo manamakabubua manai kota lemin!

ZAKHARIA 9:15

Tao leo bee-o, Ana fe anan-nala nasulu-nahapak, nalosa ala hapu sengi basa musu lala'en-na. Sama leo hataholi mana mafuk nininuk-ka, ana eki, leondiak boe, ala eki nai natee-natatik-ka dalek. Sama leo bana tutunu-hohotuk-ka daan-na, nanapo'ak leo mei tunu-hotuk lain neu leondiak boe, ala ta'ti heni musu daan-na.

BILANGAN 29:35

Neu faik-ka falun-na, emi muse makabubua, fo makaluku-makatele, ma ta bole maue-male'di ue-le'dis mabela fa.

MATEOS 11:28

Mai leo Au mai leona, emi fo mana sota-mangu kala, ma mana lu'a-lepa mabela la lemin; neukose Au fe emi namahoko-sete leek.

MATEOS 3:3

Yohanis ia nde hataholi fo Nabi Yesaya nafa'da ka. Nabi Yesaya nafa'da nae, “Hapu hataholi esa nalo bou-bou nai mo solokae ka nae, ‘Sadia enok soaneu Lamatua ka leona; tao matetu eno kala ba'eneu Lamatua ka.’ ”

MATEOS 5:6

Maua-manalek neu hataholi fo nahiik tao-no'i Manetualain hihii-nanaun; nanahu neukose Manetualain fes hata fo lahii kana!

YOHANIS 1:23

Boema Yohanis nafa'das nae, “Au nde hataholi fo Nabi Yesaya nafa'da ka nae: ‘Hataholi fo nalo bou-bou neme mo solokae ka nae: Tao matetu eno kala soaneu Manetualain.’ ”

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

YOHANIS 4:10

Tehu Yesus naen nae, “Leo uni ka o bubuluk Manetualain baba'e-babatin, boema o bubuluk see nde mananoke o oe ia soona, tao leo bee o, o nde moke masafali hataholi ndia oe, soona neukose Ana fe o oe maso'da ka.”

YOHANIS 4:11

Boema inak ndia nae, “Tuan hai dodolun ta, nate ka oe dolu ia dema na seli, na Tuan hapu oe maso'dak ndia neme bee mai?

YOHANIS 4:14

tehu metema see ninu oe fo Au fe ka soona, neukose ana ta maa ma'da so'on, losa dodoo na. Nanahu Au fe oe ndia, neukose ana da'di oe mata nai aon dale, fo ana faa leo deak mai. Oe ndia nde nini so'da matetu ka, ma manaketu basa ta ka.”

YOHANIS 5:40

Tehu emi ta nau mai leo Au a mai, fo emi hapu maso'da manaketu basa tak ndia fa.

YOHANIS 6:35

Tehu Yesus nafa'das nae, “Au nde loti manafe so'dak ndia. Hataholi see mai leo Au mai soona, neukose ana ta namala'a so'on losa dodoo na. Ma see namahele Au soona, neukose ana ta maa ma'da so'on losa dodoo na.

YOHANIS 6:37

Ama ka fe basa Au hataholi la, neukose ala mai leo Au mai. Boema see mai leo Au mai soona, Au ta tipa esa boen.

YOHANIS 6:55

Nana Au ao paa nga, ma Au ao daa nga nde bee na, nana'a nininu matetuk.

YOHANIS 7:28

Makabui na te, Yesus bei nanoli nai Manetualain Uman dale de nalo napane'e nae, “Da'di emi bubuluk see Au ia, boema Au da'di eme mai so hetu? Au mamaing ia, ta tunga Au hihii-nanau mesa nga fa. Tehu Ndia fo ita tamahele nana, nde nanuu hak nadenu Au a. Tehu emi ta malelak Hataholi ndia fa.

1 KORINTUS 10:21

Emi ta bole minu neme Lamatua ka nggala ango la, ma minu neme dula dale mangalau kala nggala ango la mai boen. Emi ta bole mi'a nai Lamatua ka mei na ma nai dula dale mangalau kala mei na fa.

1 KORINTUS 10:4

ma linu nininu salanik matak esa. Basa-basas linu neme lete batu salanik fo sama-sama no sala; lete batu ndia nde Kristus mesa kana.

1 KORINTUS 11:25

Leondiak boe, la'a basa boema Ana ho'i na nggalaa ango la ma nae, “Angol ia, nde bee na Manetualain hehelu-balataa beu na, fo nanapakunisak ninik Au daa nga. Nai fai-faik fo emi minu angol ia soona, tao-no'in soaneu masanene'dak Au.”

1 KORINTUS 12:13

Leondiak boe, ita basa-basa tala. Nau hataholi Yahudi do ta Yahudi, ata do hataholi ao laok; ita basa-basa tala nanasalani basak neme Dula Dalek fo sama ndia, boema nakadiditak ita neu Kristus ao paa na, fo ela ita da'di esa to Kristus. Dula Dalek ndia nananakona nai ita basa-basa tala dalen dale so boe.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

NINITAK 22:1

Ata nusa so'dak ndia boeo natu'du au lee fo oe na ana fe maso'dak. Lee ndia mangadilak sama leo titino ka, ma ana faa neme Manetualain ma Bi'ilopo Ana ndia kandela mane na mai,

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.