YOHANIS 7:35 - Susula Malalaok Hehelu Palak Ma Hehelu Beuk

³⁵ Boema basa manakoasa Yahudi la esa kokolak no esa nae, “Te Hataholi ia, ana sanga neu leo bee neu, de nalosak nae, ita ta hapu tatotongo ton so'on? Ade, Ana sanga neu leo hataholi Yahudi manaleo nai nusadea, fo nai hataholi Yunani la dalek, fo sue ka nde nanoli hataholi Yunani sila la do?

YOHANIS 7:35 ပူးပေါင်းရင်းမြစ်များ

MAZMUR 147:2

Neukose, Manetualain tao nabebeu Yerusalem; neukose, no falik hataholi nanatu'u-tapak-kala.

YESAYA 11:10

Neukose fain-na losa, leoina-la tao matak neu manek esa, neme Dauk tititi-nonosin mai. Neukose ala mai neun, ma ala koa-kio mamana leleon-na.

YESAYA 11:12

Neukose Manetualain nasa'e dedeo esa, soaneu leoina-la. Ta'du-tanan nde ndia, foo nae Ana tao nakabubua falik leoina Israel ma Yehuda, fo manatapasasalak lai daebafak-ka bu'un lala'en-na, fo no falik-kasa.

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YESAYA 56:8

Manetualain Fo Mademaina, fo no falik hataholi Israel-la, neme mamana ookak-ka mai, nafa'da nae leoia, “Neukose Au o hataholi fe'ek-kala mai, fo ala da'di esa lo sila fo, nanatao nakabubua basak-kala so.”

ZEFANYA 3:10

Nakalenak, Au anang fo manatapasasalak manai Sudan fo nai dook-ka ndia, neukose ala mai, fo ala tunu-hotu tutunu-hohotuk fe Au.

MATEOS 12:21

Neukose basa leoina lala'ena, tao namahehena nala neun.”

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”

YOHANIS 12:20

Nai hataholi manamaik leme Yerusalem fo nai lelek fai malole ndia, hataholi Yunani de'ubee lai dalek boe.

YOHANIS 7:1

Basa ndia boema, Yesus neu leo basa mamanak lala'ena, nai Galilea. Ana ta nau neu leo Yudea neu fa, nana basa manakoasa Yahudi manai Yudea la lape'da dalek lon fo ala sanga taolisan.

YOHANIS 8:22

Boema manakoasa Yahudi la beekola lae, “Fafa'kama Ana sanga do'do aon ia, nanahu nafa'da nae, ‘Neu leo mamana ka, emi ta hapu losa fan.’ ”

HATAHOLI 11:18

Lamanene Petrus kokolan dede'ak ndia boema ta lase'i so'on. Boema ala koa-kio Manetualain leona. Lafa'da lae, “Metema leondiak soona, hataholi ta Yahudi la boeo, Manetualain fes fai loak soaneu ala tukatei-saledale leme sala-singo nala mai, ma ala hapu lame'da lita so'da matetu ka!”

HATAHOLI 11:20

Tehu nai hataholi kamahehelek sila la dalek, fo hataholi maleme Siprus ma Kirene mai a, sila de'ubee leu leo Antiokia leu, fo ala tui-benga Hala Malole la'eneu Lamatuak Yesus neu hataholi ta Yahudi la boe.

HATAHOLI 14:1

Paulus no Barnabas la'ola'di dede'ak matak esa nai Ikonium. Duas leu leo hataholi Yahudi la uma mamason dale leu de duas kokolak de kokola nala malole hiik, de nalosa hataholi Yahudi ma hataholi ta Yahudi makadotok lamahele Yesus.

HATAHOLI 17:4

Hataholi de'ubee lamahele, boema ala tunga Paulus no Silas. Leondiak boe, hataholi Yunani mana bii Manetualain makadotok nan seluk bai.

HATAHOLI 18:4

Tehu tunga-tunga fai Saba ta soona, Paulus neu kola-kola nai uma mamasok dale, de nalosa nau hataholi Yahudi do hataholi Yunani boeo lamahele Yesus.

HATAHOLI 21:21

Ma besak ia lamanene lae, tolanoo ka nanoli hataholi Yahudi fo mana leo nai leoina fe'e kala tala'da, fo daenga ala boso tunga Musa hoholo-lalanen. Boema tolanoo ka mafa'das fo ala boso sunat ana nala, ma ala boso tunga hataholi Yahudi la ha'da na.

HATAHOLI 22:21

Tehu Lamatua ka nafa'da seluk au nae, ‘Ka'da mu leona, nana Au sanga adenu o mu leo mamana dook mu, fo nde hataholi ta Yahudi la.’ ”

ROMA 1:16

Au amahele Hala Malole ndia nana Hala Malole ndia nde bee na, Manetualain be'i-balakain nde ndia, soaneu Ana fe so'dak neu basa hataholi kamahehele kala lala'ena; makasososa na hataholi Yahudi a, boema leoina fe'e kala boe.

EFESUS 3:8

Nai basa Manetualain hataholi kamahehele nala dalek, au nde nai dae anak naan seli a. Tehu Manetualain fe au baba'e-babati hehelik ia fo nde: bela ba'uk soaneu tui-benga neu hataholi ta Yahudi la, Hala Malole la'eneu Kristus su'i-beten fo mana basa taa ka fa;

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

1 TIMOTIUS 2:7

Hu ndia de, nadenu au u leo hataholi ta Yahudi la, fo au tui-benga fes, halak la'eneu namahehele ka, ndo na. Fo au afa'dak ia nde bee na, tete'e ka, au ta pepeko fa.

2 TIMOTIUS 1:11

Soaneu tui-benga Hala Malole ndia de, Manetualain so'u au da'di Lamatua ka hataholi nadedenun ma mesen.

YAKOBIS 1:1

Tolano-tolanoo Salanik fo mana makapepela manai daebafa ka lala'ena lemin! Nate'ak neme au, Yakobis fo Manetualain ma Lamatuak Yesus Kristu sata na.

1 PETRUS 1:1

Tolano-tolanook fo Manetualain hataholi kamahehele susue-lalain fo manai dae sepo-danga nai nusa Pontus, Galatia, Kapadokia, Asia ma Bitinia la lemin! Au, Petrus, fo Yesus Kristus hataholi nadedenu na, au amahena ela leo bee na, Manetualain baba'e-papalan ma so'da-mole mana sasikao-kao na, Ana fen neu emi basa-basa mala. Emi nanahele basak da'di Manetualain hataholi kamahehelen, fo nandaa no Amak Manetualain dale tutu'u na. Ma Manetualain Dula Dale na, nakadada'dik basa emi, da'di hataholi kamahehele malalaok ma susuek, soaneu Manetualain mesa kana, fo ela emi tunga Yesus Kristus, fo manatao nalalao emi ninik daa na.