YOHANIS 6:68 - Susula Malalaok Hehelu Palak Ma Hehelu Beuk

⁶⁸ Boema Simon Petrus nae, “Lamatuak, ami meu leo see meu bai? Nanahu Manetualain dede'a-kokolan nini maso'da matetuk ma manaketu basa ta ka,

YOHANIS 6:68 ပူးပေါင်းရင်းမြစ်များ

MAZMUR 73:25

See kande, au anuun nai nusa so'dak-ka, fe'ek neme O mai? Fe'ek neme O mai, ta hapu hata fo, au ahiik-kana nai daebafak-ka.

MATEOS 16:16

Simon Petrus nae, “Ama nde Mane Mana Fe So'da ka, ma Manetualain Anan fo Maso'da ka.”

MARKUS 8:29

Yesus natanes nae, “Tehu tunga emi soona, Au ia see?” Boema Petrus nataa nae, “Ama nde Mane Mana Fe So'da ka!”

LUKAS 9:20

Yesus natane nae, “Tehu tunga emi soona, Au ia see?”. Petrus nataa nae, “Ama nde bee na Mane Mana Fe So'dak fo Manetualain helu ka.”

YOHANIS 12:49

Nanahu Au ta kokolak unik Au hihi-nanau mesa nga fa, te Amak fo manamadenu Au a, Ndia nde paleta Au, hata fo Au muse afa'dan, ma anduku-alosa kana.

YOHANIS 12:50

Ma Au bubuluk basa paletan ndia nini so'da matetu ka ma manaketu basa ta ka. Hu ndia de, Au anduku-alosa kana, sama leo Ama ka nanoli basan neu au a so.”

YOHANIS 17:8

Ama ka fe Au dede'a-kokola kala, Au afa'da basa-basas neu hataholi la, de ala sipo lalan so. Ala bubuluk basa, tete'e ka Au mai eme Ama ka mai, de lamahele Ama ka nde nadenu Au a.

YOHANIS 5:24

Au dede'ang ia la tete'e ka la'en: See taoafik neu Au hala-kokolang, boema namahele Ndia fo manamadenu Au a soona, ana hapu maso'da matetu ka ma manaketu basa ta ka. Neukose ana ta hapu huhukuk fa, te nanapo'i basak neme mamate sa mai so, boema ana hapu maso'da ka.

YOHANIS 6:40

Fo memak dede'ak ndia nde nandaa no Au Amang hihii-nanau na. Au Amang hihii-nanaun nde, metema see nita Ana ka fo namahelen soona, ana hapu maso'da matetu ka, ma manaketu basa ta ka, boema Au tao aso'da fali kasa nai Fai Mate'e ka.”

YOHANIS 6:63

Manetualain Dula Dale na, nde ana fe hataholi daebafa ka naso'da. Nanahu hataholi daebafa ka be'i-balakain sosoa-ndandaan ta. Au afa'da emi dede'a-kokolak sila la nde bee na, Manetualain Dula Dale na dede'a-kokolan, fo dede'a-kokola manafe maso'da ka.

HATAHOLI 13:26

Tolano-tolanoong fo Abraham tititi-nonosin, ma basa tolano-tolanoo fe'ek manai ia fo mana mamahele Manetualai na lemin! Manetualain haitua fe ita halak fo manini maso'dak ndia so;

HATAHOLI 4:12

Ka'da tunga Yesus mesa kana de hataholi a hapu so'dak. Hu ndia de nai daebafak ia lala'ena, fo nai basa hataholi daebafa ka tala'da, ta hapu hataholi fe'ek esa boen, ana hapu koasa neme Manetualain mai, fo ana fe so'dak neu ita.”

HATAHOLI 5:20

“Meu mapadeik meu Amak Manetualain Uman dale, fo tui-benga neu basa hataholi la la'eneu so'da beuk ia.”

HATAHOLI 7:38

Musa ia nde nai leoina Israe la tala'da fo neme mo solokae ka, ana da'di lelete soaneu ata nusa so'dak fo mana kokolak non neme Lete Sinai, ma no ita bei ba'ikai nala. Ndia nde mana sipo hala maso'dak maneme Manetualain mai fo nanduku-nalosa kana neu ita.

HATAHOLI 8:37

Boema Felipus nae, “Metema Tuan namahele no dale katematuak soona, bole salani Tuan leona.” Boema pegawi matua-madema Etiopia ndia nae, “Au amahele Yesus Kristus nde bee na Manetualain Anan.”