YOHANIS 4:48 - Susula Malalaok Hehelu Palak Ma Hehelu Beuk

⁴⁸ Tehu Yesus nafa'da manapaleta, hataholi mana'a ngga'din ndia nae, “Leo uni ka o ta mita Au tao manda'di beuk fa soona, o ta mamahele fa.”

YOHANIS 4:48 ပူးပေါင်းရင်းမြစ်များ

DANIAL 4:2

Au ahiik tui la'eneu manada'di beuk, ma ta'du-tana matabeuk fo Manetualain Mademaina, Ana tao basan soaneu au so.

DANIAL 6:27

Au fe paleta neu basa hataholi manai au nusang-nga dalek, fo ela ala bii ma fe ha'da-holomata neu Manetualain fo Danial sene-do'ok-ka! Ndia nde been-na Manetualain fo maso'dak losa dodoon-na neu, Paletan-na manaketu basa tak. Tao leo bee-o, nusan-na ta mopo-mate fan. Koasan-na manaketu basa tak.

BILANGAN 14:11

Manetualain nafa'da Musa nae, “Hataholi ia-la, la'ban Au losa faihi'da? Losa faihi'da seluk bai, fo hataholi ia-la ta nau lamahele Au fa, leomae Au tao basa manada'di beuk makadotok nanseli, nai sila matan so?

MATEOS 16:1

Hapu hataholi Farisi de'ube ma hataholi Saduki ala mai leo Yesus mai, fo ala sanga lakahihi kana. Ala loke Yesus tao manda'di beuk fo ana da'di buti nae, Ana mai neme Manetualain mai.

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

MATEOS 27:42

“Ana soi-tefa hataholi fe'ek, te se'ko na ta nalak soi-tefa na ao ina na fa! Metema hataholi Israe la mane na nde ndia soona, besak ia boe, Ana kona neme ai nggangek ndia lain mai, fo besa ka ami mamahelen.

MARKUS 13:22

Nana manafe so'dak masapepeko kala ma nabi pepeko kala neukose ala mai. Neukose ala tao tatao-nono'i matuaina la, ma manada'di beu kala fo ala ke'dindiu hataholi, fo metema da'di soona, ala ke'dindiu Manetualain hataholi kamahehele nala boe.

LUKAS 10:18

Boema Yesus nafa'das nae, “Au ita Nitu a tu'da neme lalai sama leo ndela sa.

LUKAS 16:31

Tehu Abraham nae, ‘Metema ala ta taoafik neu Musa ma nabi la paleta na fa soona, tao leo bee o neukose ala ta lamahele boen, leomae hapu hataholi manamatek naso'da falik fo nafa'das boe.’ ”

YOHANIS 12:37

Leomae Yesus tao basa manda'di beuk ba'u ka nai sila matan so, tehu ala ta nau lamahele fan.

YOHANIS 15:24

Leo uni ka, nai sila dalek, metema Au beita tao dede'ak fo hataholi fe'e kala beita tao lita fan soona, ta lasala-lasingo fa. Tehu besak ia, lita basa hata fo Au tao ka so, tehu bei lakamu-lakadau Au o Au Amang.

YOHANIS 2:18

Basa manakoasa Yahudi la, ala la'ban Yesus lae, “So'ba O tao fe ami manda'di beuk esa, fo ana da'di buti nae, O hapu hak tao leo iak.”

YOHANIS 20:29

Boema Yesus nafa'dan nae, “Hu ka nde o mita Au, de besaka o mamahele hetu do? Tehu maua-manalek ba'eneu hataholi fo namahele, leomae beita nita Au fa!”

YOHANIS 4:49

Boema manapaleta, hataholi mana'a ngga'din ndia nae, “Tuan, teu lai-lai leona, beidai au ana nga beita mate fan ia.”

HATAHOLI 14:3

Hu ndia de Paulus no Barnabas leo laladoo ka leme kota ndia. Ma no napalanik, duas kokolak la'eneu Lamatua ka. Boema Lamatua ka boeo Ana fe buti nae, duas tutuin la'eneu Lamatua ka susue-lalain ndia, tete'e ka; Ana fes koasa, fo ala tao manda'di beuk, ma dede'a matua ina la.

HATAHOLI 15:12

Boema basa hataholi mana makabubuak manai sila la, basa-basas bedenge. Basa boema, ala nenene Paulus no Barnabas tui seluk basa manda'di beuk ma dede'a matuaina, fo Manetualain taon tunga sila, nai leoina fe'ek fo hataholi ta Yahudi la tala'da.

HATAHOLI 2:19

Neukose Au tao manda'di beu kala nai lalai, ma dede'a matua ina la nai daebafa ka; neukose hapu daak, ha'i, boema masuk.

HATAHOLI 2:22

Tolano-tolanoo Israel ngala lemin! Mamanene hata fo au afa'dak ia la. Manetualain fe basa bela-ba'uk neu Yesus fo hataholi Nazaret ndia, soaneu tolanoo kala so. Ita titan no mangale'dok nai manda'di beu kala ma dede'a matua ina la dalek, fo Manetualain taon nai emi tala'da tunga Yesus ndia. Emi bubuluk basa dede'ak sila la so.

HATAHOLI 2:43

Hataholi kamahehele kala tao manda'di beuk makadotok nan, de basa hataholi la ala bee doo hiik ma ala bii lanseli.

HATAHOLI 4:30

Fe O tutulu-fafalim mai, fo ela hataholi kamahe'dis ala lea-hai, ma manda'di beu kala boema dede'a matua ina la ala da'di tunga O atam Yesus fo malalao-malalafuk ndia na'de na.”

HATAHOLI 5:12

Hu ka nde Lamatua ka hataholi nadedenu la lau-onon de manda'di beu kala ma dede'a matuaina la ala da'di nai lau nala tala'da. Basa hataholi kamahehele kala lakabubua no teikesa-dalekesa nai Serambi Salomo, fo nai Amak Manetualain Uman.

HATAHOLI 6:8

Manetualain ba'e-pala Stefanus ba'u na seli, de nalosa ana tao manda'di beuk makadotok, ma dede'a matua ina la nai lau nala tala'da.

HATAHOLI 7:36

Musa ia nde hela-nole leoina Israe la kalua leme Masir mai, ninik ana tao manda'di beuk, ma dede'a matuaina la neme Masir, neme Tasi Pila sa, ma neme mo maloa teuk hahulu dale na.

ROMA 15:19

ma ninik manda'di beu kala ma dede'a matua ina la; basa sila la leme Manetualain Dula Dale na koasa na mai. Hala Malole la'eneu Kristu sa, au tui-benga basa-basan neu hataholi la, mulai neme Yerusalem losa Ilirikum.

1 KORINTUS 1:22

Hataholi Yahudi la loke lakaseti manda'di beuk, fo ana da'di buti, ma hataholi Yunani la paluu ka'da manatee teno daebafa ka.

2 KORINTUS 12:12

Manda'di beu kala, ma dede'a matuaina la, boema tatao-nono'i matua la nananatu'duk no au ta haelai amanasa emi fa, fo ela ana da'di buti esa nae, au ia hataholi nadedenuk esa.

2 TESALONIKA 2:9

Neukose Hataholi Mangalauk ndia, ana mai no koasa matua ina esa, neme Nitu a mai. Neukose ana tao manda'di beu mata-mata kala, ma dede'a matua ina fo, henuk no ke'dindiu ka.

IBRANI 2:4

Fe'ek neme ndia mai, Manetualain boetai tao natetea-nahehele hataholi sila tutui-bebengan, ninik Ana tao manda'di beu matak-mata kala, ma dede'a matua ina la, boema Ana baba'e fee-feek maneme Dula Dale ka, tunga hihii-nanau mesa na.