YOHANIS 4:20 - Susula Malalaok Hehelu Palak Ma Hehelu Beuk

²⁰ Ami bei-ba'ikai mala, sene-do'ok neu Manetualain nai letek ia lain, tehu Tuan hataholi nala lafa'da lae, hataholi a sene-do'ok neu Manetualain, ka'da nai Yerusalem mesa kana.”

YOHANIS 4:20 ပူးပေါင်းရင်းမြစ်များ

1RAJA-RAJA 9:3

Manetualain nafa'dan nae, “O hule-haladoim Au amanenen so, ma no uma fo o mapadedeik basan ia, Au aketu ana da'di mamana hehelik soaneu hule-haladoi neu Au losa dodoon-na. Neukose Au taoafik ma anea mamanak ia tataas esa.

1 TAWARIKH 21:26

Boema Dauk napadedeik mei tunu-hotuk esa neu dia soaneu Manetualain, de ana fe tutunu-hohotuk nanatunuk, ma tutunu-hohotuk mole-dame. Basa boema ana hule-haladoi de Manetualain nataa hule-haladoin ndia nenik Ana haitua ha'i neme lalai mai de na'aheni tutunu-hohotuk manai mei tunu-hotuk ndia lain.

1 TAWARIKH 22:1

Boema Dauk nae, “Nai mamanak ia nde nafofo'a Manetualain Uman na. Ma nai mei tunu-hotuk ia nde hataholi Israel-la fe sila tutunu-hohotu nanatunun na neu Manetualain.”

2TAWARIKH 7:12

Manetualain natu'du seluk aoinan-na neun nai fai le'odaek. Manetualain nafa'dan nae, “Au amanene o huhule-haladoim so ma Au sipok uma ia da'di leo mamana hehelik soaneu fe tutunu-hohotuk ba'eneu Au.

2TAWARIKH 7:16

Basa sila-la, neukose Au taon nanahu Au hele basa mamanak ia ma Au taon da'di mamana makaluku-makatele hehelik neu Au losa dodoon-na. Neukose Au taoafik-kana ma Au asulu-ahapan neme doon losa doon-na.

MAZMUR 132:13

Nana Manetualain hele basa Sion so; Ana nahiik-kana, soaneu da'di mamana leleon-na.

MAZMUR 78:68

Fo Ana helek-ka nde, leo Yehuda, ma Ana sue-laik-ka nde, Pupukuk Sion-na.

YESAYA 66:1

Manetualain nafa'da nae, “Lalai-a nde been-na, Au kandela maneng-nga, ma daebafak-ka, Au ei tata'bung-nga. Da'di, uma matak leo beek-ka nde, o sanga mafofo'an soaneu Au, ma mamana matak leo beek-ka nde, o sanga taon da'di Au mamana leleong-nga?

LUKAS 9:53

Tehu hataholi manai nggolok ndia, ta nau sipok Yesus fa, nana litan, Ana bei la'o-la'o leo Yerusalem neu.

YOHANIS 4:12

Ami ba'i-kaim Yakob, nde fe ami oe dolu ia. Fo no ana nala ma bana manun linu oe nai oe dolu ia. Ade Tuan maedaenga, Tuan ba'ulena Yakob do?”

ULANGAN 11:29

Emi Manetualaim-ma, no basa emi masok leo nusak fo, neukose emi leo nai dalek ndia neu soona, emi muse kokolak baba'e-papalak ndia, neme Letek Gerizim-ma poin-na mai, ma emi muse kokolak soo-supak ndia, neme Letek Ebal-la poin-na mai. (

ULANGAN 27:12

“Metema, emi lena-mala Lee Yarden-na selik, fo nai lelek baba'e-papalak-ka, nanakokolak ba'eneu leoina ia soona, leo Simeon, Lewi, Yehuda, Isakhar, Yusuf ma leo Benyamin-na, muse lapadeik leu Letek Gerizim-ma poin-na.