YOHANIS 3:32 - Susula Malalaok Hehelu Palak Ma Hehelu Beuk

³² Fo Ana kokolak hata fo nitan ma namanenen, tehu hataholi esa boen, ta nau namahele hala-kokolan fa.

YOHANIS 3:32 ပူးပေါင်းရင်းမြစ်များ

YESAYA 50:2

Tao le'e de, neme Au anang-ngala mai, hataholi esa boen, ta hapu nataa, nai lelek, Au mai aloos? Ade, ka'da ala bedenge, nanahu laedaenga. Au ta soi-po'i, ma soi-tefa abe'i fas do? Te'e-te'e, no Au paletang-nga, de tasi ma'dan, Au tao lee-la, da'di moo solokaek, nalosa i'ak-kala mates, de laboo mami.

YESAYA 53:1

Leoina ndia nataa nae, “Neukose see, namahele hata fo, ami mamanene basan so? Nafa'da basa Manetualain koasan-na, neu see so?

MATEOS 7:8

Nanahu see noke soona, neukose ana sipo; see sanga soona, neukose ana hapu; ma see dedelu lelesu a soona, neukose lelesu a nanasoik.

YOHANIS 1:11

Ana mai leo nusa na mai, tehu hataholi nala ta sipo kana fa.

YOHANIS 15:15

Au ta alo emi ae, ata so'on, ninik ata ta bubuluk lamatua na tatao-nono'in fa. Au alo emi ae tolanook, nana basa hata fo Au amanenen neme Au Amang mai a, Au afa'dan neu emi so.

YOHANIS 18:37

Boema Pilatus natane Yesus nae, “Metema leondiak soona, manek O do?” Yesus nae, “O nde mafa'da mae, Au ia manek. Au ia, nanabongik boema Au mai leo daebafa ka mai, no dudu'ak ka'da esa mesa kana, fo nde Au tui-benga eno ndo sa. Hataholi see da'di neme ndoos ndia mai soona, namanene Au.”

YOHANIS 3:11

Mamahele leona: te ami kokolak ka'da hata fo ami bubulu kana, boema ami mitan leo beek soona, ami mafa'dan leondiak; tehu leondiak boeo, emi ta nau mamahele ami hala nafafa'dam sila fa.

YOHANIS 3:26

Boema leu lafa'da Yohanis lae, “Ama Mesen, ade Ama bei mafandendelek makahulu na, Ama neme Lee Yarden-na, Ama matu'du ami hataholi a do? Besak ia, Ana salani hataholi boe!”

YOHANIS 3:33

Hataholi fo lamahele hala-kokola na nde hataholi fo, te'e-te'e lamahele Manetualain nde bee na, ndoos.

YOHANIS 5:20

Hu ka nde Ama ka sue-lai Ana ka, de natu'du fen basa hata fo Ana tao-no'in. Lena-lenak, neukose Ama ka natu'du fen tatao-nono'i matuaina la, ba'u lenaheni sila la bai, fo nalosa emi dodoo doa kana.

YOHANIS 8:26

Au bei sanga kokolak o emi dede'a ba'u, boema Au afa'da Au nakeketung soaneu emi a. Nana Ndia fo manamadenu Au a, hapu tamahelen. Hu ndia de, Au amanene beek neme Ndia mai soona, Au afa'dan neu daebafa ka.”