YOHANIS 21:7 - Susula Malalaok Hehelu Palak Ma Hehelu Beuk

⁷ Boema Yesus ana manatunga susue na nafa'da Petrus nae, “Lamatua ka nde ndia!” Simon Petrus namanene dede'ak ndia boema, ana o'du ba'du na neu, nana ndia te (ana ta pake ba'du) fa tutika ana palaboku leo oe dale neu.

YOHANIS 21:7 ပူးပေါင်းရင်းမြစ်များ

MAZMUR 118:23

Manetualain tatao-nono'in nde ndia, tete'ek-ka, ita dodoo doak-kana.

KIDUNG AGUNG 8:7

Faa oek-ka ta bisa tao nakamate susue tou-ta'ek-ka fa ma faa ta bisa ba'u neni fan. Metema hataholi esa fe basa hata-heton lala'en-na fo ana asa susue tou-ta'ek soona, tao leo bee-o ana hapu ka'da nakadadaek.

MARKUS 11:3

Metema hataholi natane emi nae, tao le'e de emi se'ima keledei ndia soona, mafa'dan mae, ‘Lamatua ka sanga paken, fo basa soona nini fali kana no lai-laik.’ ”

LUKAS 12:35

“Manea fo masasale matak mo basa dede'ak lala'ena. Emi muse maheheleaom tataas esa ma emi banu ma manapilak nahele,

LUKAS 2:11

Faik ia nai Dauk kota na, bongi basa Mane Mana Fe So'da ka, fo nde Kristus fo Lamatua ka so.

LUKAS 7:47

Te'e-te'e, susue-lalain fo matuainan ndia, natu'du nae sala-singo makadoto nala, nanafe do'o do ampon so! Metema hataholi a nanafe do'o do ampon faa anak soona, neukose susue-lalain faa anak boe.”

YOHANIS 13:23

Yesus ana manatungan fo Yesus sue-lai ka, nangatuuk nai Yesus boboa na.

YOHANIS 19:26

Yesus nita inan no ana manatungan fo Ana sue-lai ka lapadeik lai ndia boema, nafa'da inan nae, “Ina, Ina ana ma nde ndia.”

YOHANIS 20:2

Boema nalai fali de neu sanga Simon Petrus ma Yesus ana manatunga susue na de nafa'das nae, “Ala ko'o lini Lamatua ka neme lates dale mai so, tehu au ta bubuluk ala pe'dan nai bee a fa.”

YOHANIS 20:20

Nafa'da basa nae leondia boema, natu'dus lima na ma kaisu na. Lita Lamatua ka boema, lamahoko laanseli.

YOHANIS 20:28

Boema Tomas nafa'da Yesus nae, “Au Lamatua nga ma au Manetualai nga!”

YOHANIS 21:20

Basa boema, Petrus lipa leo dea neu te, nita Yesus ana manatunga susue na, nai dea na. (Ndia nde nangatuuk deka no Yesus ndek la'a, boema natane Yesus nae, “Lamatuak, see ka nde ke'dindiu Lamatua ka?”)

YOHANIS 21:24

Yesus ana manatungan ndia, nde tui-benga basa manda'dik ia la. Ndia nde sulak basa dede'ak ia la boe. Hu ndia de ita bubuluk basa, nafa'da basa dede'ak ia la, memak tete'e ka.

YOHANIS 21:8

Ana manatunga fe'e kala, lakabuik lo ofa ka leo ma'dak lain leu, ma ala hela dala, henuk no i'a ka. Ala nafu ofa ka ta doo ka neme solokae ka mai, fafa'kama ka'da metel natun esa.

HATAHOLI 10:36

Tolanoo kala bubuluk basa, halak fo Manetualain nanduku-nalosa kana neu leoina Israe la, isi na so. Halak ndia nde Hala Malole la'eneu mole-dame tunga Yesus Kristus, fo nde Lamatuak soaneu hataholi lala'ena.

HATAHOLI 2:36

Hu ndia de basa hataholi Israe la muse ala bubuluk te'e-te'e, te Yesus fo emi lona nggangek ndia, Manetualain taon da'di Lamatuak, ma Mane Mana Fe So'dak!”

1 KORINTUS 15:47

Adam makasososa ka, da'di neme dae a mai, tehu Adam kadua da'di neme nusa so'da ka mai.

2 KORINTUS 5:14

Kristus susue-lalain nde koasa na ami a, nalosa ami bubuluk metema hataholi esa mate basa soaneu hataholi lala'ena soona, dede'ak ndia sosoa na nae, mate basa hataholi lala'ena so.

YAKOBIS 2:1

Tolano-tolanoo ngala lemin! Da'dileo hataholi fo namahele Lamatuak Yesus Kristus, Lamatuak fo Mandela masa'ak ndia, emi boso bibinga-baba'e hataholi a, tunga ao paa ka.