YOHANIS 21:16 - Susula Malalaok Hehelu Palak Ma Hehelu Beuk

¹⁶ Yesus natanen neu kala'i dua na nae, “Simon fo Yona anan, ade o sue-lai Au do ta?” Boema Petrus nae, “Tete'e ka, Lamatuak. Lamatua ka bubuluk, au sue-lai Lamatua ka.” Yesus nafa'dan nae, “Makaboboi Au bi'ilopo ngala.”

YOHANIS 21:16 ပူးပေါင်းရင်းမြစ်များ

MAZMUR 100:3

Mafandele mae Amak ndia Manetualain. Ana nakadada'dik ita, de Ndia nuun ita; ita ia, Ndia anan, leoina fo nakaboboin.

MAZMUR 95:7

Nana Ndia nde, ita Manetualain-na, fo Ndia ana nakaboboin ita, sama leo Ana foo bi'ilopo-a. O mamanene halan-na, nai faik ia soona,

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

MATEOS 2:6

‘Hai, basa hataholi manai Betlehem, fo nai nusa Yehuda, Ade o nusa ma, ta nusa anak nanseli fa, Nanahu neme o hataholi mala dalek, neukose mauli-malangan esa, nanabongik, fo nasulu-nahapa Au hataholi Israel ngala.’ ”

MATEOS 25:32

Neukose nalo nakabubua basa leoina lala'ena neu mata na. Boema Ana ta'da ba'es neu bubuak dua, sama leo mana foo a ta'da fe'e bi'ilopo neme bi'ihii ka mai.

MATEOS 26:72

Boema Petrus nalelesi seluk ma ana supa-soo nae, “Te'e-te'e au ta alelak hataholi ndia fa!”

LUKAS 19:10

Ana Hataholi ka Ana mai soaneu sanga ma soi-tefa hataholi manala'ok sala eno ka.”

YOHANIS 18:17

Malalau inak fo manamanea lelesu ndia, nafa'da Petrus nae, “Hei, ade hataholi ndia, ana manatungan esa nde o hetu?” Boema Petrus nae, “Ta.”

YOHANIS 18:25

Simon Petrus bei napadeik namanelu ha'i nai ndia boe. Boema hataholi la latanen lae, “Ade hataholi ndia, ana manatungan esa nde o hetu?” Tehu Petrus nalelesi nae, “Ta ma!”

YOHANIS 21:17

Yesus natanen neu kala'i telu na nae, “Simon, fo Yona anan, ade o sue-lai Au do ta?” Boema Petrus dale na he'di sa, nana Yesus natanen losa la'i telu, Boema Petrus nataa seluk nae, “Lamatuak, Lamatua ka bubuluk basa hata lala'ena. Lamatua ka bubuluk, au sue-lai Lamatua ka!” Boema Yesus nafa'dan nae, “Makaboboi Au bi'ilopo ngala.

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

1 PETRUS 2:25

Makahulu na, emi sama leo bi'ilopo mana mopo ka, tehu besak ia, Ana sanga emi de, no falik emi leo Manafoo ma Mana Makaboboi emi samane ma neu so.

1 PETRUS 5:2

fo ela emi foo-lolo matalolole bi'ilopo fo Manetualain fe emi a. Foo-lolo bi'i sila la no dale namahokok, tunga Manetualain dale hihii na, ma boso no dale bibia-seselik. Boso sanga hahapuk neme emi ue le'dim ndia mai, te emi tao-no'ik ndia, nana memak te'e-te'e, emi hii malalau-maoono.

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”