YOHANIS 20:29 - Susula Malalaok Hehelu Palak Ma Hehelu Beuk

²⁹ Boema Yesus nafa'dan nae, “Hu ka nde o mita Au, de besaka o mamahele hetu do? Tehu maua-manalek ba'eneu hataholi fo namahele, leomae beita nita Au fa!”

YOHANIS 20:29 ပူးပေါင်းရင်းမြစ်များ

MATEOS 13:16

Boema Yesus nafa'da ana mana tunga nala nae, “Tehu emi maua-manalek manseli, nanahu emi mita ma mamanene te'e-te'e.

LUKAS 1:45

Maua-manalek neu o, hu ka nde o mamahele mae hata fo Manetualain nafa'dan neu o a neukose ana da'di!”

YOHANIS 20:28

Boema Tomas nafa'da Yesus nae, “Au Lamatua nga ma au Manetualai nga!”

YOHANIS 20:8

Basa boema, ana manatungan fo manalosa nakahuluk late sa ndia, ana kona leo dalek neu de nitan boema namahele. (

YOHANIS 4:48

Tehu Yesus nafa'da manapaleta, hataholi mana'a ngga'din ndia nae, “Leo uni ka o ta mita Au tao manda'di beuk fa soona, o ta mamahele fa.”

2 KORINTUS 5:7

Nana ami maso'da tunga ka'da ami mamahele neu Kristus. Ami ta tunga hata fo nananita ka fa,

IBRANI 11:1

Namahehele ka sosoa na nae, tamahele te'e-te'e neu dede'ak fo nananamahena ka, ma tanuu nakeketuk neu dede'ak fo ta nananita ka fa.

IBRANI 11:27

Hu ka nde namahehela ka, de Musa la'oela Masir no ta name'da bii bii-namata'uk soaneu Mane Masi ra nasa-melun fa. Musa la'ok nakandoo tunga dale tutu'u na, nono'ka bai, nita basa Manetualain fo nananita tak ndia.

IBRANI 11:39

Basa hataholi sila la hapu sesengi matua ina nanseli, hu ka nde namahehele nala! Tehu ala ta sipo hata fo Manetualain helu ka fa,

1 PETRUS 1:8

Leomae makahulu na emi ta mita fan, tehu emi sue-lain. Besak ia boeo, emi ta mita fan, tehu emi mamahelen boe. Hu ndia de emi mamahoko matua ina manseli, de nalosa ta tafa'da talelak emi namahokom ndia fa.