YOHANIS 20:25 - Susula Malalaok Hehelu Palak Ma Hehelu Beuk

²⁵ Basa boema, Yesus ana manatungan sila la lafa'da Tomas lae, “Ami mita Lamatua ka so!” Tehu Tomas nae, “Metema au beita ita paku mamana ka nai lima na, fo au beita tao au lima ku'u nga neu bisu piik sila la, ma beita tao au lima nga neu kaisu na fa soona, au ta nau amahele makandondook fa.”

YOHANIS 20:25 ပူးပေါင်းရင်းမြစ်များ

AYUB 9:16

Leouni'ka, Ana nataa au nai lelek au aloo bou-bou soona, au daleng-nga naba'e, ade tete'ek-ka, Ana nau namanene au halang-nga do ta?

MAZMUR 22:16

Au botolii koko'dong-nga namatuu sama leo fale fangik-ka, au maang-nga nakadita-na, au tanalaing-nga. Manetualain, O la'oela au nai daesopuk lain, sama leo hataholi manamate basak-ka so.

MAZMUR 78:32

Leomae leondiak boe, anan-nala lasala-lasingo lakandoo, Ana tao manada'di beuk-kala, tehu ta lamahele fa.

MATEOS 27:42

“Ana soi-tefa hataholi fe'ek, te se'ko na ta nalak soi-tefa na ao ina na fa! Metema hataholi Israe la mane na nde ndia soona, besak ia boe, Ana kona neme ai nggangek ndia lain mai, fo besa ka ami mamahelen.

MARKUS 16:11

Lelek fo lamanene Yesus naso'da falik ma Maria nitan so, tehu ala ta lamahele fa.

MARKUS 16:13

Boema ala fali ma'is de lafa'da manda'dik ndia neu nonoo fe'e nala. Tehu ala ta nau lamahele fa.

MARKUS 16:14

Neu mate'ena boema, Yesus natu'du aoina na neu ama manatungan sanahulu esa, nai lelek fo la'a-linu. Yesus nabengas nana namahehele nala beita dai fa, boema langa batu nala seli, de nalosa ta lamahele hataholi manita matan Yesus naso'da fali ka tutui na fa.

LUKAS 24:25

Boema Yesus nafa'das nae, “Hei, emi ia beita malelak ma emi dale ma tea na seli soaneu mamahele basa hata fo nabi la lafa'da basa ka so!

YOHANIS 1:41

Tutika Anderias lai-lai neu sanga Simon, fo tolanoo na, de nafa'dan nae, “Ami matongo mo Mesias so!” (Mesias sama leo Kristus, fo nde: Mane Mana Fe So'da ka.)

YOHANIS 20:27

Basa boema Yesus nafa'da Tomas nae, “Mete Au lima nga, fo tao o lima ku'uma neu bisu piik ia la leona. Boema lok o lima ma mai fo taon neu Au kaisu nga, fo o dalem-ma boso boe naba'e bai, tehu mamahele leona!”

YOHANIS 21:7

Boema Yesus ana manatunga susue na nafa'da Petrus nae, “Lamatua ka nde ndia!” Simon Petrus namanene dede'ak ndia boema, ana o'du ba'du na neu, nana ndia te (ana ta pake ba'du) fa tutika ana palaboku leo oe dale neu.

YOHANIS 6:30

Boema lae, “Metema leondiak soona, Ama ka fe ami ta'du-tana beek, fo ami mita ma mamahele Ama ka?

IBRANI 3:12

Tolano-tolanoo ngala lemin! Masanene'dak, fo boso nalosak nai emi dalek, hapu hataholi esa dale na mangalauk ma namahehelen ta, nalosa ana fali deak ma nadook ao ina na neme Manetualain fo maso'da ka!

IBRANI 3:18

Lelek fo Manetualain soo-supa nae leo ia, “Neukose ala ta masok leo nusak ndia dalek leu, soaneu ala hapu hahae ao nala sama-sama lo Au fa.” Fo Manetualain dudu'a ka nde see ka? Fo nanadudu'a ka nde hataholi-hataholi fo mana la'ban Manetualai na hetu?