YOHANIS 20:19 - Susula Malalaok Hehelu Palak Ma Hehelu Beuk

¹⁹ Bei nai mamasok ndia dalen-na boe, tehu la'e le'odaek, boema Yesus ana manatunga nala lakabubua leme uma esa dalek, de ala nggoelisa basa lelesu la, nana ala bii manakoasa Yahudi la. Tehu nggenge te Yesus mai de napadeik nai basa-basas tala'da, boema nafa'das nae, “So'da-molek ba'eneu emi.”

YOHANIS 20:19 ပူးပေါင်းရင်းမြစ်များ

MAZMUR 122:8

Hu kande au tolanoo ka'a-fa'ding, ma au tia-laing-ngala, de au afa'da ae, “Ela leo bee-na, o so'da-molek!”

MATEOS 10:13

Makanaema hataholi manai uma ndia dalek, ala sipok emi soona, emi nate'am ndia nahele nos. Tehu makanaema, ala ta sipok emi fa soona, hela falik emi nate'am ndia.

MATEOS 18:20

Nanahu nai bee hataholi dua do telu lakabubua nanahu Au, soona Au nai hataholi sila la tala'da.”

MARKUS 16:14

Neu mate'ena boema, Yesus natu'du aoina na neu ama manatungan sanahulu esa, nai lelek fo la'a-linu. Yesus nabengas nana namahehele nala beita dai fa, boema langa batu nala seli, de nalosa ta lamahele hataholi manita matan Yesus naso'da fali ka tutui na fa.

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

YOHANIS 16:22

Emi boeo leondiak: Besak ia emi dale ma he'di sa, tehu metema Au atongo seluk o emi soona, emi mamahoko-setelee, fo ta hapu hataholi esa boen, hapu ho'i na namahoko-seteleek ndia neme emi dalem dale mai so'on.

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

YOHANIS 20:21

Boema Yesus nafa'da la'iesa selukasa nae, “So'da-molek ba'eneu emibasamala. Sama na leo Ama ka nadenu Au, leondiak boe, Au adenu emi.”

YOHANIS 20:26

Basa mamasok esa seluk boema, Yesus ana manatunga nala lakabubua seluk nai mamanak ndia, tehu ia soona, Tomas nai ndia boe. Ala nggoe lisa basa lelesu la. Tehu Yesus mai de napadeik neu basas tala'da, boema nafa'das nae, “So'da-molek ba'eneu emi.”

YOHANIS 21:1

Basa ndia boema, Yesus natu'du ao na la'i esa seluk neu ana manatunga nala neme Dano Tiberia sa. Dede'ak ndia dada'di na leoiak.

YOHANIS 21:14

Ia soona, Yesus natu'du ao na neu ana manatunga nala, soaneu kala'i telu na, nai lelek fo naso'da falik neme mamate sa mai.

YOHANIS 7:13

Tehu ta hapu hataholi napalani kokolak mangale'dok no fan, nanahu ala bii manakoasa Yahudi la.

HATAHOLI 1:3

Mate basan de naso'da falik boema, nai faik hahulu dale na, nasi'a natu'du aoina na no le'do-le'dok neu hataholi nadedenu nala nae, tete'e ka naso'da falik so. Hataholi nadedenu nala litan de Ana kokolak nos la'eneu Manetualain Ana paleta leo Mane ka.

ROMA 15:33

Ela leo been-na Manetualain, fo manafe mole-dame neu hataholi daebafa ka, no emi basa-basa mala. Amin.

1 KORINTUS 15:5

Au tui-benga neu emi boe, au afa'da ae Kristus fo naso'da falik ndia, natu'du aoina na neu Petrus boe, ma basa boema neu hataholi nadedenu kasanahulu dua nala.

EFESUS 2:14

Nana Kristus nde bee na, ita mana mole-dame na. Ana tao nakabubua hataholi Yahudi la lo hataholi ta Yahudi la, da'dileona esa. Kota batu, mana ta'da kofe'e kasa, fo nde esa musu no esa, besak ia Kristus tao nakalulutu kana, ninik Ana tunu-hotu ao ina na.

EFESUS 6:23

Ela leo bee na Amak Manetualain, ma Lamatuak Yesus Kristus soi enok fe basa hataholi kamahehelek lala'e na, soaneu ala da'di esa ma lasue-lalai ao. Boema lamahele lahele Kristus.

FILIPI 1:2

ami dua mamahena ela leo bee na, ita Aman Manetualain ma Lamatuak Yesus Kristus, fe baba'e-papalak ma so'da molek neu emi.

2 TESALONIKA 3:16

Lamatua ka nde bee na, ita oe mata so'da-mole na. Ela leo bee na, Ana fe so'da-molek neu emi, nai basa dede'ak lala'ena dalek. Ela leo bee na, Lamatua ka no emi basa-basa mala.

IBRANI 7:2

Boema Abraham fe Melkisedek baba'ek esa neme baba'ek sanahulu neu Melkisedek neme basa hata lala'en fo ana loso ninis neme musu dale mai. (Melkisedek na'de na, sosoa-ndandaa makasososa ka nae, “Mane Ndoos Matetuk”; ma hu ka nde Melkisedek ia manek neme Salem mai, soona na'dek ndia boeo sosoa-ndandaan nae, “Mane Mole-Dame”.)

3 YOHANIS 1:14

Au amahena, ita dua hapu tatongo nai fai lalai anak ia, fo ita dua kokolak matak no matak.

NINITAK 1:4

Tolano-tolanoo salani kahituk fo manai nusa Asia la lemin! Au, Yohanis, amahena emi nanaba'e-bati baba'e-papalak neme Manetualain fo nde, Ndia fo nai ia, fo nai ia so, ma nai ia nakandondoo henin, ma boeo neme dula dale kahituk fo manai Manetualain kandela mane na matan,