YOHANIS 20:16 - Susula Malalaok Hehelu Palak Ma Hehelu Beuk

¹⁶ Boema Yesus nafa'dan nae, “Maria!” Tutika Maria lipa leo Yesus neu de, ana kokolak ninik dede'a Ibrani nae, “Rabuni!” (Fo sosoa na nae, “Mesen.”)

YOHANIS 20:16 ပူးပေါင်းရင်းမြစ်များ

KEJADIAN 22:1

Basa teuk de'ubee boema, Manetualain fola Abraham namahehelen-na. Manetualain naloo nae, “Abraham!” Boema Abraham nataa nae, “Ou Manetualain.”

KEJADIAN 22:11

Tehu Manetualain ata nusa so'dan-na, naloo bou-bou neun neme lalai mai nae, “Abraham, Abraham!” Boema, Abraham nataa nae, “Ou Manetualain!”

KEJADIAN 45:12

Yusuf nafa'da seluk nae, “Besak ia, emi mita matam, boeo o Benyamin, mae te'e-te'e Yusuf nde au.

KELUARAN 3:4

Manetualain, nita Musa neu deka no mamanak ndia, boema naloo bou-bou neme makatemak ndia tala'da mai, ma nae, “Musa! Musa!” Boema, Musa nataa nae, “Au nde ia.”

KELUARAN 33:17

Manetualain nafa'da Musa nae, “Neukose Au tao atetu o nonokem-ma, nana Au alelak o, ma Au daleng-nga nandaa no o.”

KIDUNG AGUNG 3:4

Besak-ka au la'o elas tutik-ka au atongo o au touana susueng-nga. Au ho'u-an, de au ta po'i fan losa au on leo au inang uman neu, au on leo hataholi manabongi au-a, kaman dale neu.

KIDUNG AGUNG 5:2

Au sungu, tehu au daleng-nga kame'dak. Mamanene te, au touana susueng-nga dedelu lelesu-a. Soi lelesu fa'ding-ngo, au inaana susueng-nga, au manupui kaluang-nga, au susueng-nga; Au langa doong-nga nakadoe dinis le'odaek-ka.

YESAYA 43:1

Israel, Manetualain nafa'da nae leo ia, “Au nde akadada'dik, ma Au tao-ala o manuu lupak, boso bii, te tao leo bee-o, Au soi-tefa ala o! Au aloo basa o, nenik o na'dem-ma so, o nde been-na, Au nuung.

MATEOS 14:27

Tehu Yesus nataa tutik nae, “Boso bii! Te Au ia Yesus. Dale mala tesa-tama leona!”

MARKUS 10:51

Yesus natanen nae, “O nau Au tao o le'e?” Hataholi pokek ndia nae, “Ama Mesen, au hii au ita.”

LUKAS 10:41

Lamatua ka nataa nae, “Marta, Marta! O dale ma falahaa, ma o su'ba ka'da dudu'a-dodoo ia ma naa;

YOHANIS 1:38

Yesus lipa leo dea neu boema, nita duas tungan. Boema natanes nae, “Emi dua sanga beek?” Boema duas lataa lae, “Mesen, Mesen leo nai bee?” (Dede'a Rabi ndia, sosoa na nae, Mesen.)

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

YOHANIS 10:3

Boema neukose manamanea lelesu a, ana soi fen lelesu fo metema nalo bi'i la esa-esak na'de na soona, lalelak hala na. Basa soona, ana foo bi'i la leo deak leu.

YOHANIS 11:28

Marta kokolak basa nae leondia boema, neu nalo Maria fo tolanoo na, de namakukutu kana nae, “Ama Mesen mai nai ia, de natane o.”

YOHANIS 13:13

Emi malo Au mae, Mesen ma Lamatuak. Memak tete'e ka leondiak.

YOHANIS 20:28

Boema Tomas nafa'da Yesus nae, “Au Lamatua nga ma au Manetualai nga!”

YOHANIS 3:2

Le'odaek esa boema, neu leo Yesus neu, de natanen nae, “Ama Mesen, ami bubuluk Manetualain nde nadenu Ama mai. Nanahu hataholi ta hapu tao manda'di beuk, sama na leo Ama tao kala fa, metema Manetualain ta nok hataholi ndia fa.”

YOHANIS 5:2

Nai Yerusalem hapu lifu esa ana deka no “Lelesu Bi'ilopo.” Tunga dede'a Ibrani soona, lifu ndia na'de, Betesda. Nai ndia hapu kama lima.

YOHANIS 6:25

Hataholi sila la leu de latongo lo Yesus neme dano selik boema, latanen lae, “Ama Mesen, Ama losa ia ndek fai hi'da ka?”

HATAHOLI 10:3

Faik esa boema, fafa'kama la'e li'u telu lele'do na, boema nita no mangale'dok nai ninitak esa dalek, Manetualain ata nusa so'dan esa mai de nalon nae, “Kornalius!”

HATAHOLI 9:4

Tutika ana bala neu dae, boema namanene halak esa nafa'dan nae, “Saulus, Saulus! Tao le'e de o tuni-ndeni Au?”

SEMUEL SUSULAK-KA ESAN-NA 3:10

Basa boema, Manetualain mai, de napadeik neu mamanak ndia, boema naloo seluk nae, “Semuel, Semuel!” Boema Semuel nataa nae, “Kokolak leon Manetualain fo atam-ma namanene.”

SEMUEL SUSULAK-KA ESAN-NA 3:6

Basa boema, Manetualain naloo seluk Semuel, tehu Semuel ta bubuluk nae Manetualain nde manamalook ndia fa, nana Manetualain beita kokolak nita no fan. Hu ndia de, ana fo'a, boema neu leo Eli neu, de natane nae, “Te beek Ama? Tao le'e de, Ama maloo?” Eli nataa nae, “Au ta aloo o fa anang-ngo; muu sungu seluk.”