YOHANIS 2:24 - Susula Malalaok Hehelu Palak Ma Hehelu Beuk

²⁴ Tehu Yesus ta namahele fas, nanahu Yesus nalelak basa hataholi lala'ena, dale nala.

YOHANIS 2:24 ပူးပေါင်းရင်းမြစ်များ

1RAJA-RAJA 8:39

sa'di leo been-na, O nai O mamana leleom manai nusa so'dak-ka mamanene boema fe do'o do ampon ma tulu-falis. Ka'da O mesam-ma nde bubuluk hataholi daebafak-ka dale bobongo anan-na. Hu ndia de, tao hataholi esa-esak nandaa no tatao-nono'i nala,

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

1 TAWARIKH 29:17

Au bubuluk O fola hataholi-a esa-esak dalen ma O mahiik hataholi fo dalen-na isik. No dalek-katematuak ma dalen-namahokok, au fe basa ia-la neu O. Au sakasii basa, tao leo beek de O anam fo manamakabubuak manai ia-la leni fe O sila tutunu-hohotun no dalek-katematuak.

YEREMIA 17:9

Hataholi daebafak-ka dalen-na ta hapu neuk mala fan, malelahik lena basa hata-hata lala'en-na ma he'di-laun matuina nanseli.

MATEOS 9:4

Yesus bubuluk mesen sila la dale nala, de nafa'das nae, “Te tao le'e de emi mape'da dudu'a-aafi mangalauk leondia ka?

MARKUS 2:8

Nai lelek ndia boe, Yesus bubuluk mese agama sila la dudu'a-aafin. Boema nae, “Tao le'e de emi matane leondiak nai emi dalem dale?

YOHANIS 1:42

Boema Anderias no Simon leu leo Yesus leu. Yesus mete tetee Simon boema nafa'dan nae, “O Simon, Yona anan. Neukose loke o soona lae, Kefas.” (Kefas sama leo Petrus, fo sosoa na nae, lete batu.)

YOHANIS 16:30

hu ndia de, ami bubuluk Manetualain bubuluk basa hata lala'ena. Ta paluu hataholi esa boen, natane Manetualain hata-hata so'on. Hu ndia de, ami mamahele Lamatua ka mai neme Manetualain mai.”

YOHANIS 21:17

Yesus natanen neu kala'i telu na nae, “Simon, fo Yona anan, ade o sue-lai Au do ta?” Boema Petrus dale na he'di sa, nana Yesus natanen losa la'i telu, Boema Petrus nataa seluk nae, “Lamatuak, Lamatua ka bubuluk basa hata lala'ena. Lamatua ka bubuluk, au sue-lai Lamatua ka!” Boema Yesus nafa'dan nae, “Makaboboi Au bi'ilopo ngala.

YOHANIS 4:16

Tehu Yesus naen nae, “Muu malo o saotou ma fo mon leo ia mai leona.”

YOHANIS 5:42

Nana Au alelak basa emi so. Au bubuluk emi ta sue-lai Manetualain nai emi dalem dale fa.

YOHANIS 6:15

Yesus bubuluk hataholi sila mamain ndia nde bee soona, ala sanga lakasetin fo Ana da'di sila mane na. Hu ndia de, Ana la'oheok leo nggolok manai lete kala neu.

YOHANIS 6:64

Tehu emi hataholim nggelok ta nau mamahele fa.” Yesus bubuluk basa, neme makasososan mai a, see ka nde ta nau namahele fa, boema neukose see ka nde ke'dindiu nana.

HATAHOLI 1:24

Boema ala hule-haladoi lae, “Ou Lamatuak, O bubuluk basa hataholi daebafa ka dale na. Yudas ia, Lamatua ka hataholi nadedenun, tehu ana tu'da neme kandela nagatutuu na mai, de maten so. Hu ndia de, matu'du fe ami, nai hataholi kaduak ia la, see ka nde Lamatua ka helen, soaneu nakalala'ok bela-ba'uk ndia nggati Yudas.”

HATAHOLI 15:8

Boema Manetualain fo mana bubuluk basa hataholi daebafa ka dale na, nafa'da basa nae, Ana sipok hataholi sila la. Nafa'da dede'ak ndia ninik Ana fe Dula Dale na neu hataholi sila la sama leo Ana fe basan neu ita so.

ULANGAN 31:21

ma neukose, susa-soe matuaina makadotok, ala tuni-ndeni lalas. Tehu neukose, lakamee lahele nakameek ia, ma ala paken da'di leo, sakasii soaneu sila. Nakalenak besak ia, Au beita oos leo nusak fo, Au heluk-ka neu fa, te bubuluk sila dudu'a-aafin, tetee-tutu'dan so.”

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”