YOHANIS 19:7 - Susula Malalaok Hehelu Palak Ma Hehelu Beuk

⁷ Tehu hataholi Yahudi la lae, “Tunga ami hoholo-lalanem soona, muse hukunisa hataholi ndia, nana nafa'da aon nae, Manetualain Anan ndia.”

YOHANIS 19:7 ပူးပေါင်းရင်းမြစ်များ

YESAYA 53:4

Tunga ndoon-na, ana lu'a-lepak ndia, nde ita he'di-laun-na, ma doi-doson ndia, nde ita doi-doson-na, te se'kona, ita taedaeng-nga, doi-doson ndia, Manetualain hukun nde ndia.

IMAMAT 24:16

ma hukunisan. Su'di see, fo ana soo-supa Manetualain soona, basa salanik-kala lala'en-na tapan nenik batu losa maten. Hoholo-lalanek ndia nanapakek soaneu hataholi Israel-la, ma hataholi nusa dea manaleo lahele nai Israel-la boe.

MARKUS 15:39

Malanga solda'du matua fo napadeik nai ai nggange ka mata na, nita Yesus mate tao leo beek. Boema malanga solda'du matua ndia nae, “Memak tete'e ka, Manetualain Anan Hataholi ia!”

YOHANIS 19:8

Pilatus namanene hataholi Yahudi la lafa'da lae leondia boema, ana boetai bibii ka.

YOHANIS 5:18

Dede'a-kokolak sila la nde tao la basa manakoasa Yahudi la sanga enok lakandoo, fo ala taolisa Yesus. Ala tao enok ndia, nana ta ka'da Yesus la'olena agama nakanenete na la'eneu fai Saba ta fa, te hu ka nde Yesus nafa'da nae, Ndia Aman nde Manetualain, fo dede'ak ndia sosoa na nae, Yesus nakasasamak aoina na no Manetualain.

HATAHOLI 18:13

Ala kalaak Paulus lae, “Hataholi ia, ana dudungu-papau hataholi makadotok, fo daenga lamahele Manetualain, ninik eno-dalak fo ta nandaa no Musa hoholo-lalanen fa!”

ROMA 1:4

tehu tunga Dula Dale ka soona, Manetualain Anan Yesus Kristus ndia. Fo ta'du-tanan nde, no Manetualain koasa matuaina na de, naso'da falik neme mamate sa mai.

ULANGAN 18:20

Tehu metema, nabi esa, ana napalani nanduku-nalosak hala-heheluk esa, fo ana pake Au na'deng-nga, te se'kona, Au ta adenun ana tao leondiak fa soona, muse taonisan; leondiak boe, ba'eneu nabi fo, ana kokolak pake lamatua daebafak fe'ek-kala na'den-nala soona, muse hukunisas.’