YOHANIS 19:6 - Susula Malalaok Hehelu Palak Ma Hehelu Beuk

⁶ Lelek fo malanga ima mala lo manamanea sila la lita Yesus boema ala eki lae, “Lona nggangen leona! Lona nggangen leona!” Boema Pilatus nafa'das nae, “Hela man fo emi lona nggange aom, te au ta hapu hataholi ia salan esa boen.”

YOHANIS 19:6 ပူးပေါင်းရင်းမြစ်များ

MATEOS 26:58

Petrus tunga Yesus neme doo ka mai, losa imam matua ina uma na so'da na. Boema Petrus neu de nangatuuk sama-sama no mana manea la. Ana nau bubuluk dede'ak ndia, losa mate'e na laketu taon tao leo beek.

MATEOS 27:22

Boema Pilatus natanes nae, “Metema leondiak soona, au muse tao Yesus fo loken lae Kristus ia le'e?” Boema basa-basas lataa lae, “Lona-nggangen!”

MATEOS 27:24

Mate'e na Pilatus name'da nana, ana ta hapu enok so'on, ma fafa'ka ma hataholi makadotok sila la ala tao tasibu. Da'di noke oe de nafui neu hataholi makadotok sila la matan ma nae, “Au ta lu'a-lepa Hataholi ia mamate na fa! Emi ito-atom ndia!”

LUKAS 23:4

Boema Pilatus nafa'da malanga ima mala ma hataholi makadotok sila la nae, “Au ta hapu Hataholi ia salan faanak boen soaneu huku fan.”

YOHANIS 18:3

Boema Yudas boeo neu leo mamanak ndia neu. Tehu no solda'du Romawi bubuak esa, ma hataholi manamanea Manetualain Uman de'ubee, fo malanga ima mala lo hataholi Farisi la nde ladenu sala. Lini tee-tafa, banu lantela ma pele.

YOHANIS 18:31

Boema Pilatus nafa'das nae, “Mo fali kana, fo maketu-mala'din tunga emi hoholo-lalanem!” Tehu hataholi Yahudi la lataa lae, “Ami ta bole hukumisa hataholi fa.”

YOHANIS 18:38

Boema Pilatus natanen nae, “Ndoos ndia, sosoa na nae leo bee?” Boema Pilatus leo deak mai seluk de nafa'da hataholi Yahudi la nae, “Au ta hapu hataholi ia salan esa boen.

YOHANIS 19:15

Tehu ala eki lakandoo lae, “Tao misan! Tao misan! Lona-nggangen!” Boema Pilatus natanes nae, “Ade au muse lona-nggange emi mane ma do?” Tehu malanga ima mala lataa lae, “Ami manem ka'da esa mesa kana, fo nde Kese la!”

YOHANIS 19:4

Basa ndia boema, Pilatus fali seluk leo deak neu, de nafa'da hataholi makadotok sila la nae, “Mete dei! Te au on leo deak mai, fo au fen leo emi ne'i, fo ela emi bubuluk te au ta hapu hataholi ia salan esa boen.”

HATAHOLI 2:23

Manetualain naketu basa nae, Ana fe emi Yesus fo dede'ak ndia nandaa no dale tutu'u na. Tehu nai lelek fo Ana fen mai, boema emi taomisan, nana emi po'ilotak hataholi mangalau kala, ala lona nggange lisan.

HATAHOLI 7:52

Ade emi bei ba'ikai mala ta fepa-li'u nabi esa boen do? Ala taolisa Manetualain hataholi nadedenun fo makahulun eli ala tui-benga lae, Manetualain Atan fo ndoos ndia, neukose Ana mai. Ma besak ia emi ta mo kana fa, nakalenak bai emi taomisa Manetualain Atan ndia.