YOHANIS 19:41 - Susula Malalaok Hehelu Palak Ma Hehelu Beuk

⁴¹ Nai mamanak fo Yesus nanalona-nggange ka, hapu osi esa. Nai osi ndia dalek, hapu bolo mamate beuk esa, fo beita latoi lita mamates neme bolok ndia dalek fa.

YOHANIS 19:41 ပူးပေါင်းရင်းမြစ်များ

YESAYA 22:16

“O maedaenga, see o ia? O manuu haak hata, nalosa o kali o bolo mamatem-ma, nai pupuku batu lain?

MATEOS 27:60

Boema neu natoi Yesus popola na nai ndia laten esa dalek, fo ana kali memak bolok ndia nai pupuku batu esa lain. Basa ndia boema, ana loli na batu matua ina esa, de ana tatanan neu late sa bafa na, boema ana fali leona.

LUKAS 23:53

Basa boema neu nakona na Yesus popola na neme ai nggangek lain mai de ana popotin ninik tema fula mamates. Basa ndia boema, neu natoin nai bolo mamates esa, ana kalin nai pupuku batu esa lain. Bolo mamates ndia nanapake beitak.

YOHANIS 19:42

Nana bolo mamates ndia ana deka, ma fai Saba ta sanga deka so, boema latoi Yesus neme ndia leona.

YOHANIS 20:15

Boema Yesus natanen nae, “Ina, te tao le'e de, ina kii? Ina sanga see?” Tehu Maria naedaenga manamanea osi a nde ndia de nafa'dan nae, “Ama, metema Ama nde pe'da heo kana neme ia mai soona, ama sue na mafa'da au, Ama pe'dan nai bee, fo daenga au u ho'i fali kana.”