YOHANIS 19:30 - Susula Malalaok Hehelu Palak Ma Hehelu Beuk

³⁰ Yesus nalamei nita oe angol ndia, boema nafa'da nae, basa basan “Dai so!” Tutika Ana pelu neu de maten.

YOHANIS 19:30 ပူးပေါင်းရင်းမြစ်များ

KEJADIAN 3:15

O ma inak ndia, neukose esa musu no esa, ma tititi-nonosin ma o tititi-nonosim, neukose esa musu no esa. Neukose tititi-nonosin, tutu lakabebelak o langam-ma, ma neukose, o kaan neu sila eitingan-nala.”

MAZMUR 22:15

Au be'i-balakaing basan, sama leo po'a heni oe-a, basa au duing-ngala latasesu leme sesesun-nala mai, au daleng-nga noe, sama leo lilik-ka.

YESAYA 53:10

Manetualain nde nahiik, nae ana doi-doso-a, ma ana fe aoinan-na neu, fo da'di leo tutunu-hohotuk fo, sala singok hapu do'o do ampon. Boema, neukose teun-na namanalu, fo nita tititi-nonosin, Neukose Manetualain hihii-nanaun nanatao natetuk, tunga ndia.

YESAYA 53:12

Ana fe heni so'dan-na, no dale hihii-nanau mesan-na, de nanalekek nai hataholi mangalauk-kala, dede'un-na dalek. Ana nasaa, hataholi makadotok sala-singon, ma ana hule-haladoi, fo ela hataholi sila, hapu do'o do ampon. Boema Au fen hataholi makadotok, da'di leo bua palsen, ma ana hapu baba'ek sama-sama no hataholi ndoos-sala.”

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

DANIAL 9:26

Nai tepo-lelek ndia mate'en-na, mauli-malangan fo Manetualain helek sila-la, neukose nanataonisak, te se'kona salan ta. Soona mane mabe'i-balakaik esa solda'dun-nala mai, boema ala tao lakalulutuk kota Yerusalem-ma ma Manetualain Uman-na. Neukose tepo-lelek ndia mate'en-na, ana mai sama leo faa matuaina, fo neni natee-natatik, ma nakalulutuk, sama leo Manetualain naketu basan so.

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

MATEOS 20:28

Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

MATEOS 27:50

Basa boema Yesus nalo napene'e seluk, boema ketu hahae na.

MATEOS 3:15

Tehu Yesus nae, “Neme na fo basa sila lala'ena, ala da'di. Nanahu no enok ndia de, ita tao tatetu Manetualain hii-nanaun.” Boema Yohanis salani Yesus leona.

MARKUS 15:37

Boema Yesus nggasi tutika maten.

LUKAS 22:37

Nana, mamahele leona, te Susula Malalao ka lalane na nde ia nalii nae leo ia, ‘Lafa'da lae, Ana da'dileo hataholi mangalauk esa,’ dede'ak ndia muse ana da'di neu Au aoinang lain. Nana hata fo nanasulak nai Susula Malalaok dale la'eneu Au, besak ia ana da'di.”

LUKAS 23:46

Boema Yesus nggasi napane'e nae, “Ama! Au fe Au ao paa samaneng leo O limam dale neu!” Ana kokolak basa nae leondia boema maten.

YOHANIS 10:11

Au nde manafoo malole. Manafoo malole a ana fe basa so'da na neu bi'ilopo nala.

YOHANIS 10:18

Ta hapu hataholi esa boen, hapu ho'i fali kana neme Au mai fa. Nana Au fen tunga Au hihii-nanau mesa nga. Au anuu koasa soaneu Au feheni Au maso'da nga, ma anuu koasa soaneu ho'i fali kana. Bela-ba'uk ndia, Au sipon neme Ama ka mai.”

YOHANIS 17:4

Au amatutua-amadedema Ama ka nai daebafak ia ninik Au tao akababasak tatao-nono'ik, fo Ama ka paletan neu Au a.

YOHANIS 19:28

Yesus bubuluk nae, besak ia basan lala'ena natetu-nandaa so, boema fo ela hata fo nanasulak nai Susula Malalaok dale ana da'di, boema nae, “Au maa nga ma'da ka.”

YOHANIS 4:34

Tehu Yesus nafa'das nae, “Au nana'a-nininung nde Au tunga Hataholi mana madenu Au a, hihii-nanaun, boema Au tao akababasak ue-le'dis fo Ana fen neu Au a.

ROMA 10:4

Kristus tao natetu agama hoholo-lalanen so. Da'di, hataholi see namahele Kristus soona, tututi-nanaton no Manetualai na, malole falik.

ROMA 3:25

Manetualain feheni Kristus Yesus, fo ela no mamaten ndia, hataholi daebafa ka nanafa'dak natapo'i neme sala-singo ka mai, metema lamahele neun. Manetualain tao leondiak soaneu natu'du ndo matetu na. Nana nai tepo lele makahulu na, Manetualain ta haelai namanasa hataholi daebafa ka sala-singo nala fa, de nalosa Ana ta huku fas.

1 KORINTUS 5:7

Tu'u-tapaheni makahuluk lalutei palaak ndia, fo nde lalutei sala-singo ka, fo ela emi dadi ha'de sopu nanakame beuk fo balisi neme lalutei sala-singo palaa ka mai, fo daenga au bubuluk ae, memak emi leondiak. Nana ita feta Paskah na nanasadia basak, hu ka nde Kristus nde da'dileo ita bi'ilopo Paskah na, fo nanatunu-hotu basak so.

FILIPI 2:8

Nakaloe-nakadae ao ina na, boema naso'da tunga Manetualain paleta na, losa Ana mate neme ai nggangek lain.

IBRANI 12:2

Ela leo bee na ita mata memete na nasale leo Yesus neu, nana Ndia nde nafofo'a ita namahehele na, ma nakaboboin neme makasososa na losa mete'e na. Yesus nakatatakak doidoso ka neme ai nggangek lain! Ana ta nafaduli nae, mate nai ai nggangek lain ndia nde bee na, hata esa fo nini mamaek. Ka'da nafandele neu namahokok fo neukose name'da nitan nai fai makabuin. Besak ia, nangatuuk nai Manetualain kandela mane na boboa kona na, ma Ana paleta sama-sama non.

IBRANI 9:22

Memak tunga agama Yahudi a hoholo-lalanen soona, hihii nae basa hata lala'ena, ala tao lalalaos linik daak; sala-singo ka hapu do'o do ampon, metema hapu daa ka ana faa.