YOHANIS 19:29 - Susula Malalaok Hehelu Palak Ma Hehelu Beuk

²⁹ Ndia te, mango esa nai ndia, henuk no oe angol makeis. Boema ala ho'i la bue bunak esa, de ala dopen leo oe angol ndia dalek neu, boema ala kofun neu ai hisop matane esa, de ala lo kana leo Yesus difadoo na neu.

YOHANIS 19:29 ပူးပေါင်းရင်းမြစ်များ

1RAJA-RAJA 4:33

Ana tui nalelak ai la ma bubu'u-palusa tutuin-na – neme ai kaiou Libanon nala losa na'u hisop fo ana moli nai batu papala kala. Ana kokolak nalelak la'eneu bana manu boe, sama na leo manupui, bana manalo'do lae ka ma i'a kala.

MAZMUR 51:7

Tete'ek-ka, au hataholi mangalauk neme lelek bongi au-a, ma au inang nailu au-a nai sala-singok-ka dalek.

KELUARAN 12:22

Ho'i-ma na'u hisop puputuk esa, fo dopen leo bokol fo bi'ilopo ndia daa-na nai dalek-ka, fo losen neu emi umam-ma lelesun-na diin duas, ma neu netes manai lelesu-a lain. Ta bole emi hataholim esa boen, la'oela uman-na, losa fafaik fa.

BILANGAN 19:18

Nai dede'a makasososak-ka dalek, fo nde metema mate hataholi esa nai lalaa temak dale soona, hataholi balisi-a, muse ho'in-na hanoe ndanak esa, fo ana dopen leo oe ndia dalek neu, fo basa soona, ana pisin neu lalaa temak ndia, ma neu basa hata lala'en fo manai dalek-kala, ma hataholi manai sila-la boe. Nai dede'a ka dua dalek, fo nde metema hataholi esa, aon-na la'e mamates, lates do hataholi manamatek duin-na soona, hataholi balisi-a, muse pisi hataholi manggenggeok ndia, sama leo hataholi makasososak-ka boe.

MATEOS 27:34

Nai mamanak ndia, ala fe Yesus ninu angol nanasese'do bana he'duoe. Tehu Yesus nalamei nita angol ndia boema Ana ta nau ninu fa.

MATEOS 27:48

Boema hataholi esa neme hataholi sila la tala'da mai, lai-lai neu ho'i na bue esa de ana dopen leo angol makeis dale neu. Basa boema ana kofun neu ai esa pe'da na, de ana lo kana leo Yesus difadoo na neu.

MATEOS 27:50

Basa boema Yesus nalo napene'e seluk, boema ketu hahae na.

MARKUS 15:36

Boema hataholi sila la esa lai-lai neu ho'i buebunak, de ana dopen leo angol makeis dale neu. Basa boema ana ko'fu bue bunak ndia neu ai ndanak esa pe'da na, de ana lo kana leo Yesus difadoo na neu, ma nae, “Tahani fo, ata mete su'dik fafa'kama, Elia mai nakonan neme ai nggangek lain mai do.”

LUKAS 23:36

Solda'du la boeo hakinonolin. Leu deka lon de ala fen angol makeis,