YOHANIS 19:28 - Susula Malalaok Hehelu Palak Ma Hehelu Beuk

²⁸ Yesus bubuluk nae, besak ia basan lala'ena natetu-nandaa so, boema fo ela hata fo nanasulak nai Susula Malalaok dale ana da'di, boema nae, “Au maa nga ma'da ka.”

YOHANIS 19:28 ပူးပေါင်းရင်းမြစ်များ

MAZMUR 22:15

Au be'i-balakaing basan, sama leo po'a heni oe-a, basa au duing-ngala latasesu leme sesesun-nala mai, au daleng-nga noe, sama leo lilik-ka.

MAZMUR 69:21

Nakamumulu-nakamamaek-ka, tao nakalulutuk au daleng-nga, ma ketu au namahehenang-nga. Au sanga susue-lalaik, tehu manada'di tak, au sanga kokoe-nanasik, tehu au ta hapu fa.

LUKAS 12:50

Bei hapu doidoso matuaina, fo Au muse la'ola'din. Ma Au dale nga ta tesa tama nanseli, metema dede'ak ndia beita da'di fa.

LUKAS 18:31

Yesus tao nakabubua ana manatunga kasanahulu dua nala mesa kasa boema nae, “Taoafik leona! Te besak ia ita teu leo Yerusalem teu. Nai naa, basa hata fo nabi la sula kana la'eneu Ana Hataholi ka, neukose ana da'di.

LUKAS 22:37

Nana, mamahele leona, te Susula Malalao ka lalane na nde ia nalii nae leo ia, ‘Lafa'da lae, Ana da'dileo hataholi mangalauk esa,’ dede'ak ndia muse ana da'di neu Au aoinang lain. Nana hata fo nanasulak nai Susula Malalaok dale la'eneu Au, besak ia ana da'di.”

YOHANIS 13:1

Bei ela ka'da faik esa bai soona, besa ka Fai Matua Paskah losa, tehu Yesus bubuluk basa, fai na losa soaneu Ana la'oela daebafak ia, fo Ana fali ne'un leo Aman neu. Ana sue-lai Ndia hataholin manai daebafa ka. Ana sue-lai naheles, losa mate'e na.

YOHANIS 17:4

Au amatutua-amadedema Ama ka nai daebafak ia ninik Au tao akababasak tatao-nono'ik, fo Ama ka paletan neu Au a.

YOHANIS 18:4

Tehu Yesus bubuluk basa, hata fo neukose ana da'di neu aoina na so. Hu ndia de, neu leo hataholi sila la mata na neu de natanes nae, “Emi sanga se?”

YOHANIS 19:24

Boema solda'du la lakokolaok lae, “Ata boso kee ba'du manalu ia. Te malole lenak, ata tu'u batu fo naketu fe ita, see ka nde hapu nana.” Dede'ak ia ana da'di, fo ela ana tao natetu hata fo nanasulak nai Susula Malalaok dale nae: “Ala baba'e Au bua papake nga, tehu ala tu'u batu soaneu Au ba'du manalu nga.” Memak tete'e ka, solda'du la ala tao leondiak.

YOHANIS 19:30

Yesus nalamei nita oe angol ndia, boema nafa'da nae, basa basan “Dai so!” Tutika Ana pelu neu de maten.

YOHANIS 19:36

Dede'ak ndia anda'di, fo ela ana tao natetu hata fo nanasulak nai Susula Malalaok dale nae “Ala ta helula'di duin esa boen.”

YOHANIS 4:34

Tehu Yesus nafa'das nae, “Au nana'a-nininung nde Au tunga Hataholi mana madenu Au a, hihii-nanaun, boema Au tao akababasak ue-le'dis fo Ana fen neu Au a.

HATAHOLI 13:29

Ala tao letetu basa hata fo nanasulak nai Susula Malalaok dale la'e neun, boema lakona la popola na neme ai nggangek lain mai de latoin.