YOHANIS 19:24 - Susula Malalaok Hehelu Palak Ma Hehelu Beuk

²⁴ Boema solda'du la lakokolaok lae, “Ata boso kee ba'du manalu ia. Te malole lenak, ata tu'u batu fo naketu fe ita, see ka nde hapu nana.” Dede'ak ia ana da'di, fo ela ana tao natetu hata fo nanasulak nai Susula Malalaok dale nae: “Ala baba'e Au bua papake nga, tehu ala tu'u batu soaneu Au ba'du manalu nga.” Memak tete'e ka, solda'du la ala tao leondiak.

YOHANIS 19:24 ပူးပေါင်းရင်းမြစ်များ

MAZMUR 22:18

Basa au duing-ngala hapu au leke as, musu-a mete au, sama leo natutu'duk esa.

KELUARAN 28:32

Taom-matea ba'du lesuha'in-na nenik temak nanatenuk fo ela boso siba'en lai-lai.

YESAYA 10:7

Tehu mane Asyur-ra, nanuu dale tutu'u mesan. Naketu basa nai dalen dale soaneu ana pake balakaik fo ana tao namopo-namate leoina makadotok.

MATEOS 27:35

Basa boema ala lona nggangen ma ala tu'u batu fo ala baba'e bua papake na.

MARKUS 15:24

Basa boema, ala lona-nggangen de ala baba'e bua-papake na. Ala tu'u batu fo sue ka nde laketu esa-esak baba'en.

LUKAS 23:34

Boema Yesus hule-haladoi nae, “Ama, fe do'o do ampon neu hataholi sila la! Te ala ta bubuluk hata fo ala tao fa.” Basa boema ala tu'u batu fo ala baba'e Yeus bua papake nala.

YOHANIS 10:35

Ita bubuluk basa, hata fo nanasulak nai Susula Malalao ka dalek, ana da'di losa dodoo na. Hu ndia de, metema Manetualain foi basa hataholi ta manasipok dede'a-kokola na, na'de ‘lamatua daebafak’,

YOHANIS 13:18

Au afa'da basa dede'ak ia la, ta soaneu emi basa-basa mala fa. Ninik Au bubuluk basa, see ka nde Au hele nana. Tehu hata fo nanasulak nai Susula Malalao ka dalek, muse ana da'di, fo nde ‘Hataholi fo na'a sama-sama no Au a, neukose ana la'ban Au.’

YOHANIS 19:28

Yesus bubuluk nae, besak ia basan lala'ena natetu-nandaa so, boema fo ela hata fo nanasulak nai Susula Malalaok dale ana da'di, boema nae, “Au maa nga ma'da ka.”

HATAHOLI 13:27

nana hataholi fo mana leo nai Yerusalem mala lo sila mauli-malanga nala ta lame'da fa te, se'kona Hataholi ndia nde mana soi-tefa. Ala ta lalelak nabi la nanolin fo nanalees tunga-tunga fai Saba ta fa, de nalosa ala huku Yesus. Tehu se'ko na no tatao-nono'i leondia ka de ala tao la hata fo nabi la lafa'da ela ka, ana da'di.