YOHANIS 19:17 - Susula Malalaok Hehelu Palak Ma Hehelu Beuk

¹⁷ Lo Yesus leo deak neu te, Yesus lu'a aon ai nggange na, de lon leo mamana ka na'de, “Mamana Langaduik.” (Fo nai dede'a Ibrani dalek soona loken lae, Golgota.)

YOHANIS 19:17 ပူးပေါင်းရင်းမြစ်များ

KEJADIAN 22:6

Abraham fua ai, fo soaneu tutunu-hohotu nanatunuk sila, neu Isak alun lain, ma ndia ho'u dope, ma ha'ikaak, soaneu hotu ai-la. Lelek duas beela'o boema,

1RAJA-RAJA 21:13

Hataholi manatao tatao-nono'i mangalauk dua langatuuk lasasalematak loo Nabot, de ala kalaa kanan-nai lea matan lae ana soo-supa basa Manetualain ma manek-ka so. Hu ndia de, loon leo kota deak neu, boema ala tapan nenik batu losa maten.

IMAMAT 24:14

“Moo hataholi ndia leo mamana ofuk-ka deak neu. Basa hataholi fo lamanenen ana soo-supa, muse ala lalaa liman-nala neu hataholi ndia langan lain, fo ala sakasii, lae hataholi ndia nasala. Soona basa hataholi-la tapan nenik batu, losa maten.

MATEOS 10:38

Ma hataholi fo ana ta nau lu'a ai nggange na, fo ana tunga Au fa soona, hataholi ndia ta nandaa da'di Au ana mana tungang fa.

MATEOS 16:24

Basa boema Yesus nafa'da ana mana tunga nala nae, “Hataholi fo ana nau tunga Au soona, muse nafandele heni basa ndia paluun lala'ena fo ana lu'a ai nggange na, ma ana tunga nahele Au.

MATEOS 27:37

Ala pasak susula liik la'eneu ala kalaa kana neu langa na ndandaan lain nae: “Ia nde bee na hataholi Yahudi la Mane na”.

MARKUS 10:21

Yesus mete hataholi ndia no susue-lalaik, boema nafa'dan nae, “Bei ela ka'da dede'ak esa mesa kana, fo o paluun. Mu leona, fo mase'oheni basa o hata-heto mala, fo fe doi na neu hataholi nuu ta kala, te neukose o hapu hata-heto nai nusa so'da ka. Basa ndia soona, mai fo tunga Au.”

MARKUS 15:26

Nai Yesus ai nggange na nisilai na, ala pasak papak esa, de ala sulak susula kalaak neu Yesu sa isi-liin nae, “Hataholi Yahudi la, Mane na.”

MARKUS 15:32

Metema hataholi Israe la mane na nde Ndia, fo Mane Mana soi-tefa ka soona, malolelenak besak ia, Ana kona neme ai nggangek ndia lain mai, fo ela ami mita ma ami mamahelen leona!” Hataholi nanalona-nggangek sama-sama lo Yesus sila la boeo, lakamumulu-lakama maek Yesus.

MARKUS 8:34

Basa boema, Yesus nalo hataholi makadotok manai sila la ma ana mana tunga nala de nafa'das nae, “Hataholi mananau tunga Au a, muse nafandeleheni hihii-nanaun fo basa soona, ana lu'a ai nggangena, fo ana tunga nahele Au.

LUKAS 14:27

Hataholi fo ana ta nau lu'a ainggange na fo ana tunga Au fa soona, ana ta hapu da'di Au ana manatungang fa.

LUKAS 23:26

Boema malanga ima mala, mauli-malanga nala lo Yesus fo leu lona-nggangen. Nai eno tala'dak, latongo lo hataholi esa na'de Simon fo neme Kirene mai, ndia te ana sanga masok leo kota neu. Boema solda'du la tahan lan de lakasetin fo ana lu'a ai nggange ka tunga Yesus dea na.

LUKAS 23:33

Ala losa mamanak fo loken lae, “Langadui ka”, boema ala lona-nggange Yesus no hataholi mangalauk kaduak sila la, de esa nai Yesus boboa kona na, ma esa seluk nai boboa kii na.

LUKAS 23:38

Nai Yesus ai nggange na nisi lai na ala sulak dede'a ka nde ia nae, “Hataholi Yahudi la Mane na nde Ia.”

LUKAS 9:23

Basa boema Yesus nafa'da basa hataholi manai sila la nae, “Hataholi fo ana nau tunga Au a, muse nafandele heni basa paluu nala, fo ana lu'a ai nggange na tunga faik fo ana tunga nahele Au.

YOHANIS 19:13

Pilatus namanene dede'ak ndia boema, no Yesus leo deak neu. Boema nangatuuk neu kandela kekee-fufulan lain, fo nai mamana ka na'de, Lantai Batu. Nai dede'a Ibrani dalek soona, na'de Gabata.

YOHANIS 5:2

Nai Yerusalem hapu lifu esa ana deka no “Lelesu Bi'ilopo.” Tunga dede'a Ibrani soona, lifu ndia na'de, Betesda. Nai ndia hapu kama lima.

HATAHOLI 7:58

Ala lele'a-loloso Stefanus leo kota deak neu, basa boema ala tapan ninik batu. Basa hataholi fo lita matan manda'dik ndia, ala pe'da ba'du manalu nala neu touana muli-soluk esa na'de Saulus ei na.