YOHANIS 18:33 - Susula Malalaok Hehelu Palak Ma Hehelu Beuk

³³ Boema Pilatus fali leo uma manek dale neu, de natane Yesus nae, “Ade hataholi Yahudi la mane na nde O do?”

YOHANIS 18:33 ပူးပေါင်းရင်းမြစ်များ

YEREMIA 23:5

Manetualain nafa'da nae, “Neukose losa fain-na te, Au so'u-a manek esa fo ndoos ma matetuk neme Dauk tititi-nonosin-na mai. Manek ndia neukose ana paleta no ndolu ma malelak, ma ana tao beek soona, ndoos ma matetuk nai basa nusak-kala.

ZEFANYA 3:15

Nana, Manetualain Ana hahae huku emi. Ana usi heni basa emi musum-mala lala'en-na so, Mane Israel, fo emi Manetualaim-ma, nananasulu-nahapa emi. Besak ia, ta paluu emi mame'da bibii-namata'uk so'on.

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

MATEOS 27:11

Lelek fo lo Yesus neu nataa Pilatus fo nusak ndia gobelno la, boema natane Yesus nae, “Ade O manek nai hataholi Yahudi la do?” Boema Yesus nataa nae, “Leo o halam ndia,”

MATEOS 27:27

Basa boema Pilatus solda'du nala lo Yesus leo gobelno la uman manen dale neu, de lapadeik okofefeo lan.

MARKUS 15:2

Boema Pilatus natane Yesus nae, “Tete'e ka, hataholi Yahudi la mane na nde O hetu?” Boema Yesus nae, “O nde kokolak mae leondia.”

LUKAS 23:2

Ala losa ndia boema, ala mulai kalaa kana lae, “Ami hapu ma Hataholi ia tao na lau nala latofa-latalak. Ana dudungu-papau hataholi la fo ala boso bae bea leo Kese la neu, nana nafa'da nae, Ndia nde bee na ami Mane ma, Manek Mana Fe So'dak fo Manetualain helu ka.”

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

YOHANIS 12:13

Boema ala ho'i ai palem do de leu solu kana. Ala eki bekao lae, “Koa-kio Manetualain leona! Baba'e-papalak ba'eneu Ndia fo Ana mai no Manetualain na'de na. Baba'e-papalak ba'eneu Mane Israe la!”

YOHANIS 12:15

“Boso bii-mamata'u, ana fe'oana Sio na lemin! Mete leona te, o Mane ma Ana mai, Ana sa'e keledei ana esa!”

YOHANIS 18:34

Yesus nae, “Ade natatanek ia kalua neme o dale ma mai do hataholi nde nafa'dan Au neu o do?”

YOHANIS 18:37

Boema Pilatus natane Yesus nae, “Metema leondiak soona, manek O do?” Yesus nae, “O nde mafa'da mae, Au ia manek. Au ia, nanabongik boema Au mai leo daebafa ka mai, no dudu'ak ka'da esa mesa kana, fo nde Au tui-benga eno ndo sa. Hataholi see da'di neme ndoos ndia mai soona, namanene Au.”

YOHANIS 18:38

Boema Pilatus natanen nae, “Ndoos ndia, sosoa na nae leo bee?” Boema Pilatus leo deak mai seluk de nafa'da hataholi Yahudi la nae, “Au ta hapu hataholi ia salan esa boen.

YOHANIS 19:12

Pilatus namanene dede'ak ndia boema, ana sanga enok fo ana po'i Yesus. Tehu hataholi Yahudi la ala eki ma lae, “Makanaema Tuan po'in soona, Kese la ta nanonoo Tuan so'on! Hataholi fo nafa'da nae, ndia manek soona, Kese la musu noon hataholi ndia!”

YOHANIS 19:3

de ala la'ok neu mai leo mata na leu, de ala hakinonolin lae, “So'dak molek ba'eneu mane Yahudi!” Basa boema ala fapan.

YOHANIS 19:4

Basa ndia boema, Pilatus fali seluk leo deak neu, de nafa'da hataholi makadotok sila la nae, “Mete dei! Te au on leo deak mai, fo au fen leo emi ne'i, fo ela emi bubuluk te au ta hapu hataholi ia salan esa boen.”

YOHANIS 19:9

Tutika ana fali ne'un leo uma manek dale neu de lo Yesus leo dalek neu, boema natanen nae, “O da'di meme bee mai?” Tehu Yesus ta nataa fa.

1 TIMOTIUS 6:13

Ma besak ia, nai Manetualain fo mana fe hahae maso'da ka neu basa hata lala'ena matan, ma nai Kristus Yesus fo mana mafa'da ndoos neme Pontius Pilatus mata na, au oke dede'ak esa nde ia neme o mai: