YOHANIS 18:32 - Susula Malalaok Hehelu Palak Ma Hehelu Beuk

³² Dede'ak ia da'di, fo ela ala tao latetu hata fo Yesus nafa'dan la'eneu eno-dalan tao leo beek, nai lelek Ana sanga mate.

YOHANIS 18:32 ပူးပေါင်းရင်းမြစ်များ

MAZMUR 22:16

Au botolii koko'dong-nga namatuu sama leo fale fangik-ka, au maang-nga nakadita-na, au tanalaing-nga. Manetualain, O la'oela au nai daesopuk lain, sama leo hataholi manamate basak-ka so.

MATEOS 20:19

basa soona, ala fen leo hataholi ta Yahudi la neu. Neukose ala hakinonolin, ala fepa-li'un, ma ala lona-nggangen. Tehu neu fai ka telu na soona, naso'da falik.”

MATEOS 26:2

“Emi bubuluk bei faik dua seluk soona Fai Malole Paskah, fo neukose Ana Hataholi ka nanafe henik soaneu nanalona-nggangek!”

MARKUS 10:33

Yesus nae, “Mamanene leona, te besak ia ita teu leo Yerusalem teu ia so. Nai naa, Ana Hataholi ka neukose nanafek leo malanga ima mala, ma mese agama la. Neukose ala hukulisan, fo basa soona ala fen leo hataholi ta Yahudi la neu.

YOHANIS 10:31

Boema hataholi Yahudi la hele seluk batu fo ala tapa Yesus.

YOHANIS 10:33

Boema hataholi Yahudi la lataa lae, “Ta hu ka nde O tatao-nono'i malolem sila la fa, de ami nau tapa O ninik batu, te hu ka nde O makamumulu-makamamaek Manetualain. O hataholi daebafak esa boe na, O nau tao aoina ma da'di neu Manetualain.”

YOHANIS 13:18

Au afa'da basa dede'ak ia la, ta soaneu emi basa-basa mala fa. Ninik Au bubuluk basa, see ka nde Au hele nana. Tehu hata fo nanasulak nai Susula Malalao ka dalek, muse ana da'di, fo nde ‘Hataholi fo na'a sama-sama no Au a, neukose ana la'ban Au.’

YOHANIS 18:31

Boema Pilatus nafa'das nae, “Mo fali kana, fo maketu-mala'din tunga emi hoholo-lalanem!” Tehu hataholi Yahudi la lataa lae, “Ami ta bole hukumisa hataholi fa.”

YOHANIS 21:19

(Yesus dede'an ndia, ana da'di natutu'duk esa nae, neukose Petrus ana mate tao leo beek, fo soaneu namatutua-namadedema Manetualain.) Basa ndia boema, Yesus nafa'da Petrus nae, “Tunga Au leona!”

YOHANIS 3:14

Sama na leo Musa nakasasa'ek menge liti neu ai ndanak esa lain, neme mo maloa, leondiak boe, Ana Hataholi ka muse nanaso'uk,

YOHANIS 8:28

Hu ndia de, Yesus nafa'das nae, “Neme na fo metema emi so'u mamadema Ana Hataholi ka soona, besa ka emi bubuluk mae, ‘Au Nde Ndia, fo lafa'da lae, AU NDE NDIA’, boema besa ka emi bubuluk, te Au ta hapu tao hata esa boen, tunga Au hihii-anau mesa nga fa. Au afa'da ka'da hata fo Ama ka nanolin neu Au a.

HATAHOLI 7:59

Ala bei pia-pia lo Stefanus, te Stefanus nalo ma nae, “Lamatuak Yesus, sipok ma au samane nga!”

GALATIA 3:13

Tehu Kristus soi-po'i ita teme agama hoholo-lalanen soo-supan mai so. Ana tao dede'ak ndia tunga, Ana po'i lotak ao ina nanasoo-supak, hu ka nde ita. Nana nai Susula Malalaok dale, nanasulak nae, “Sosoo-susupak ba'eneu hataholi fo maten nanalonak nai dii ai lai na.”

ULANGAN 21:23

soona ta bole po'ilotak popolak ndia, lona-lona nahele neme dii ndia lain, le'odae katemak esa, te muse natoi-natonon nai faik ndia dalen-na boe. Popolak fo nanalonak nai dii ndia lain-na, neni Manetualain soo-supan fe nusak ndia. Da'di matoi-matono popolak ndia, fo ela emi boso tao manggenggeo, emi MANETUALAIM-ma fe emi nusak-ka.