YOHANIS 18:20 - Susula Malalaok Hehelu Palak Ma Hehelu Beuk

²⁰ Boema Yesus nae, “Au kokolak tataas esa no mangale'dok nai lea matan. Au anoli hataholi la tataas esa nai uma mamaso kala dalek, ma nai Manetualain Uman, nai mamanak fo mandoo fai a hataholi Yahudi la lakabubua. Au beita kokolak ita dede'a nafufunik la'iesa boen.

YOHANIS 18:20 ပူးပေါင်းရင်းမြစ်များ

MAZMUR 22:22

Au ndole-ndaku, de soi-po'i au neme sapi fuik-ka susulan-na, ma neme singa bafan-na mai.

MAZMUR 40:9

Au amahoko tao-no'i O hihii-nanaum, ou Manetualain, au pe'da O hoholo-lalanem nai au daleng dale.”

YESAYA 45:19

Au ta kokolak no nafufunik, do no bibila-babaak fa. Au ta adenu Au anang Israel sanga Au no palsuma fa. Au Manetualain, kokolak hata fo ndoos, ma afa'da hata fo la'en.”

YESAYA 48:16

Mai deka mo Au, fo mamanene leon, neme makahulun-na mai, Au kokolak no le'do-le'dok; ma Au tao Au hala-kokolang, da'di nananitak tataas esa.” Besak ia Manetualain nadenu au, de Ana fe koasan-na neu au.

MATEOS 24:26

Metema hataholi nafa'da emi nae, ‘Mitak, Mesias nai naa fo nai mo maloa!’ Soona boso meu leo naa meu. Do metema lafa'da lae, ‘Mita kana, Ana keke nai kama ia dalek!’ Soona boso mamahele.

MATEOS 26:55

Boema Yesus nafa'da hataholi makadotok sila la nae, “Ade Au ia hataholi mangalauk, de nalosak emi mini tafa ma ai keke'uk fo mai ho'u Au do? Tunga-tunga faik Au anoli nai Manetualain Uman dale, tehu emi ta ho'u Au fa!

MATEOS 26:65

Boema imam matua ina ndia ana sisii-lulu'i papake-ngganggaon ma nae, “Nakamumulu-nakamamaek Manetualain! Ta paluu sakasii so'on. Emi mamanene matan basa dede'a-kokola nakamumulu-nakamamaek Manetualai na so hetu.

MATEOS 4:23

Yesus la'ok okofefeo basa nusak lala'ena de nanoli neme uma mamaso kala dalek. Ana tui-benga Hala Malole nae, ta doo ka so'on te neukose Manetualain paleta so. Boema nakahahaik hataholi kamahe'di sala, hataholi poke pake kala, ma lu'u ei-la'di lima kala.

MATEOS 9:35

Leondiak Yesus la'ok feo neme kota esa leo kota esa neu, ma neme nggolok esa leo nggolok esa neu. Nanoli nai uma mamaso kala dalek, ma Ana tui-benga Hala Malole la'eneu, tao leo beek fo, Manetualain paleta da'dileo Mane ka. Nakahahaik hataholi mana doidoso hu ka nde he'di mata-mata kala, ma lu'u-la'a kala.

MARKUS 8:32

Yesus nafada dede'ak ndia neu ana mana tunga nala no mangale'dok. Boema Petrus hela Yesus leo boboak neu de ana ka'i Yesus.

LUKAS 21:37

Yesus nanoli nai Manetualain Uman nai fai lele'do na, ma nai fai le'odae na, Yesus neu leo Pupuku Setu na neu fo nahele neme ndia.

LUKAS 4:15

Yesus nanoli nai uma mamaso kala dalek, de basa hataholi la koa-kion.

YOHANIS 18:21

Hu ndia de, tao le'e de Tuan natane Au? Matane ka'da hataholi fo lamanene Au nanoli nga. Te tao leo bee o, Au kokolak ae le'e soona, ala bubuluk.”

YOHANIS 6:59

Yesus nafa'da dede'ak sila la ndek lelek fo nanoli neme uma mamaso Kapernau ma dalek.

YOHANIS 7:14

Feta ba'e duak boema, Yesus neu leo Manetualain Uman dale neu de nanoli hataholi la.

YOHANIS 7:26

Mitakana dei, te Ana kokolak pe'daon nai lea matan, tehu ta hapu hataholi kena-ka'i fan! Ade fafa'kama ita manakoasa nala lamahele, Mane Mana Fe So'da ka nde ia so do?

YOHANIS 7:28

Makabui na te, Yesus bei nanoli nai Manetualain Uman dale de nalo napane'e nae, “Da'di emi bubuluk see Au ia, boema Au da'di eme mai so hetu? Au mamaing ia, ta tunga Au hihii-nanau mesa nga fa. Tehu Ndia fo ita tamahele nana, nde nanuu hak nadenu Au a. Tehu emi ta malelak Hataholi ndia fa.

YOHANIS 7:4

Neukose hataholi ta hapu nafuni na tatao-nono'in, metema ana nau da'di hataholi nananita-nalelak. Metema O tao dede'a leo sila kala soona, muse daebafa ka lala'ena ala bubulu kana!” (

YOHANIS 8:2

Balahaa fafaik boema, neu seluk leo Manetualain Uman neu, boema hataholi ba'u ka mai. Tutika Yesus nangatuuk de nanolis.

YOHANIS 8:26

Au bei sanga kokolak o emi dede'a ba'u, boema Au afa'da Au nakeketung soaneu emi a. Nana Ndia fo manamadenu Au a, hapu tamahelen. Hu ndia de, Au amanene beek neme Ndia mai soona, Au afa'dan neu daebafa ka.”

HATAHOLI 26:26

Ama Mane Agripa boeo malelak matalolole dede'ak sila la. Hu ndia de, au apalani kokolak dede'ak sila la nai Ama Manek matan no mangale'dok. Au amahele, Ama Manek malelak basa dede'ak sila la so, nana basa sila la ta da'di nai mamana nafunik fa.