YOHANIS 17:21 - Susula Malalaok Hehelu Palak Ma Hehelu Beuk

²¹ Au dokodoe neu Ama ka, fo ela basa-basas ala da'di esa, sama leo Ama ka da'di esa no Au, ma Au da'di esa o Ama ka. Ela leo bee na, sila da'di esa lo Ita, fo ela daebafa ka lamahele, Ama ka nde nadenu Au.

YOHANIS 17:21 ပူးပေါင်းရင်းမြစ်များ

YEREMIA 32:39

Neukose Au fe sila dudu'ak ka'da esa fo nde, fe ha'da-holomata neu Au neme dodoon losa dodoon-na; dede'ak ndia neukose neni malole ba'eneu sila aopaan-na, ma ba'eneu sila tititi-nonosin.

ZEFANYA 3:9

Tehu basa boema, Au tao asafali leoina sila-la dalen-nala, nalosa ala sene-do'ok ka'da neu Au mesang-nga, te ta neu lamatua daebafa fe'ek-kala fa. Neukose, basa leoina sila-la, ala tunga Au.

ZAKHARIA 14:9

Boema neukose, Manetualain Ana paleta da'dileo manek neu basa daebafak-ka lala'en-na; basa hataholi-a, neukose sene-do'ok neun, da'di leo Manetualain, ma lalelak-kana nenik na'dek sama.

MARKUS 3:24

“Makanaema nusak esa heaba'en da'di bubua-bubua kala fo esa musu no esa, soona neukose nusak ndia ta nakatatakak fa.

YOHANIS 10:16

Boema Au bei anuu bi'ilopo fe'ek boe, tehu bi'i sila ta lakabubua lo bi'ilopo bubuak ia fa. Au muse u foo falik bi'i sila la boe, fo daenga lalelak Au hala nga. Neukose basa bi'i sila la, ala da'di ka'da bubuak esa, boema manafoo ka'da esa boe.

YOHANIS 10:30

Au ma Ama ka nde bee na, esa.”

YOHANIS 10:38

Te hu ka nde Au tao-no'in de, mamahele hata fo Au tao-no'ik ndia leona, leomae emi ta nau mamahele Au fa. No enok ndia, emi bubuluk ma malelak mae, Ama ka da'di esa nahele no Au, ma Au da'di esa ahele o Ama ka.”

YOHANIS 11:42

Au bubuluk O mamanene Au tunga faik, tehu Au afa'dak ia, soaneu hataholi fo manai ia la, fo daenga ela lamahele lae, O nde madenu Au a.”

YOHANIS 13:32

Metema Manetualain nananamatutua-namadedemak tunga Ana Hataholik ndia soona, Manetualain namatutua-namadedema Ana Hataholi ka, tunga Ao inana. Lena-lenak, neukose Manetualain namatutua-namadedeman no laik-laik.

YOHANIS 13:35

Makanaema emi masue-malai ao soona, neukose basa hataholi la bubuluk lae, Au ana manatungang emi.”

YOHANIS 17:11

Besak ia, Au mai leo Ama ka mai. Au ta leo nai daebafa ka so'on, tehu sila bei leo lai daebafa ka. Amak fo malalao ka! Maneas minik Ama ka na'de mana koasa na, fo Ama ka fe basa Au na'dek ndia so, fo ela sila da'di esa sama leo Ama ka ma Au boeo da'di esa.

YOHANIS 17:18

Sama leo Ama ka nadenu Au leo daebafa ka ia mai so, leondiak boe, Au adenus leo daebafa ka leu.

YOHANIS 17:20

Au hule-haladoi ta ka'da soaneu sila mesa kasa fa. Au boe hule-haladoi soaneu hataholi fo lamahele leu Au a, hu ka nde Au ana mana tunga ngala tutui-bebengan.

YOHANIS 17:25

Amak fo matetu ka! Daebafa ka ta nalelak Ama fa, tehu Au alelak Ama, ma hataholi ia la bubuluk basa, Ama ka nde nadenu Au a.

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

YOHANIS 17:8

Ama ka fe Au dede'a-kokola kala, Au afa'da basa-basas neu hataholi la, de ala sipo lalan so. Ala bubuluk basa, tete'e ka Au mai eme Ama ka mai, de lamahele Ama ka nde nadenu Au a.

YOHANIS 3:17

Nana Manetualain ta haitua Ana na mai, fo naketu-nala'di daebafak ia fa, te Ana mai nini so'dak fe daebafa ka.

YOHANIS 5:23

Ama ka tao leondiak, fo ela basa hataholi la fe ha'da-holomata neu Ana ka, sama leo ala fe ha'da-holomata neu Ama ka. See ta fe ha'da-holomata neu Ana ka fa soona, ana ta fe ha'da-holomata neu Amak fo manamadenu Ana ka.

HATAHOLI 2:46

Tunga faik lakabubua tataas esa nai Manetualain Uman dale, ma la'a-linu lakabubua no namahokok, ma lasue-lalai ao nai uma lo nala dalek.

HATAHOLI 4:32

Basa hataholi kamahehelek sila la teikesa-dalekesa ma dudu'a-aafik esa. Ta hapu hataholi esa boen nafa'da nae, ndia hata-heton sila la ndia nuu mesan fa. La'a-pake hata-heto nala leu esa.

ROMA 12:5

Ita leondiak boe. Leomae ita ba'u ka, tehu ita nalupa aok esa nanahu ita da'di esa to Kristus. Boema ita esa natutik no esa da'dileo lima eik neme ao paak esa mai.

1 KORINTUS 1:10

Tolano-tolanoo ngala lemin! No ita Lamatuan Yesus Kristus na'de na, au oke fo ela emi basa-basa mala teikesa dalekesa; fo ela nasi'da-naba'e ka, boso da'di nai emi dalek. Ela leo bee na emi da'di esa, teikesa dalekesa, ma dudu'a-aafik esa.

1 KORINTUS 12:12

Kristus nde bee na, sama leo hataholi daebafa ka ao paa na; fo ao paak ndia ka'da esa, tehu napadeik neme lima-ein ba'u ka. Basa lima-eik sila la leomae ba'u ka, tehu nalupa aok esa.

1 KORINTUS 6:17

Tehu hataholi fo ana dadi esa no Lamatua ka, Lamatua ka Dula Dale na no hataholi ndia da'di esa.

GALATIA 3:28

Nai dede'ak ia dalek, hataholi Yahudi no hataholi ta Yahudi, ata no malanga na, ma tou ka no ina ka, sama so. Emi basa-basa mala da'di esa, hu ka nde Kristus Yesus.

FILIPI 1:27

Na, fo nana paluuk besak ia nde, nae emi so'da ma nandaa no hata fo Hala Malole a nakasetin la'eneu Kristus ndia. No enok ndia, fafa'ka ma au bei atongo o emi do ta, neukose au amanene lae, emi teik esa-dalek esa mahele ma tunga sanga sama-sama soaneu ka'da dudu'a-aafik esa ma hihii-nanauk esa; fo nde soaneu namahehelek fo nandaa no Hala Malole fo maneme Manetualai na mai a.

1 YOHANIS 1:3

Hata fo ami mitan ma ami mamanenen, ndia nde ami tui-bengan neu emi a, fo ela emi sama-sama mo ami, taso'da to Ama ka ma Anan Yesus Kristus.

1 YOHANIS 5:7

Hapu sakasii telu: