YOHANIS 16:25 - Susula Malalaok Hehelu Palak Ma Hehelu Beuk

²⁵ “Au afa'da basa ia la neu emi ninik nakandandaak. Tehu neukose fai na losa te, Au ta pake nakandandaak so'on, Au kokolak o emi no mangale'dok la'eneu Ama ka.

YOHANIS 16:25 ပူးပေါင်းရင်းမြစ်များ

MAZMUR 49:4

Neukose au kokolak dede'a-kokolak manatee-tenok, au dudu'a-aafing deman-na seli.

MAZMUR 78:2

Au nau kokolak dede'a lasik ma nakandandaak, ma au afa'da mangalele'do, neneuk tepo lelek makahulun-na,

AMSAL 1:6

No enok ndia, ala hapu lalelak besa-besa loo sosoa-ndandaak, fo nananafunik nai nanoli-nafa'dak-ka dalek, ma ala hapu lalelak besa-besa loo hataholi manatee-tenok-ka hala-kokolan, boema hataholi manatee-tenok-ka fe dede'a mateaina-la.

YESKIAL 20:49

Tehu au fo Yeskial, au afa'da au hahapung-nga nae, “Manetualain Fo Mademaina, boso madenu au afa'da dede'ak ndia! Basa hataholi-la, ala haladoi so, nana au nau kokolak nenik dede'a nakandandaak, nalosa ta lalelak sosoa-ndandaan fa.”

MARKUS 4:13

Basa boema Yesus nafa'das nae, “Makanaema emi ta malelak nakandandaak ndia sosoa-ndandaan fa soona, tao leo beek fo emi hapu malelak nakandandaa fe'e kala?

MARKUS 4:34

Makanaema Yesus nanoli hataholi sila la soona, nanoli ninik nakandandaak nakandoo. Tehu makanaema no ana mana tunga nala mesa kasa soona, nafada basa sila la no mangalele'dok.

MARKUS 8:32

Yesus nafada dede'ak ndia neu ana mana tunga nala no mangale'dok. Boema Petrus hela Yesus leo boboak neu de ana ka'i Yesus.

YOHANIS 10:24

nai lelek fo hataholi Yahudi la mai de lakabubua lai Yesus boboa kaisun. Boema lafa'dan lae, “O po'ilotak ami dale ma, naba'e losa faihi'da? Mafa'da no mangale'dok leona, metema tete'e ka Mane Mana Fe So'da ka nde O.”

YOHANIS 10:6

Yesus tui nakandandaak ndia, tehu ala ta lalelak Yesus dudu'a na leo beek fa.

YOHANIS 16:12

Au sanga afa'da emi dede'ak ba'u ka seluk bai, tehu besak ia, emi beita sipo mabe'i fan.

YOHANIS 16:2

Neukose ala usiheni emi neme uma mamaso kala dalek mai. Boema losa fai na te, hataholi mana taonisa emi a, neukose naedaenga ndia tao malole soaneu Manetualain nde ndia so.

YOHANIS 16:32

Mafandendelek! Te neukose fai na losa, nakalenak ana losa so, te neukose ala tao tapasasala emi. Fo emi esa-esak fali leo uman neu, fo la'oela Au mesa nga. Tehu Au ta mesa nga fa. Nanahu Ama ka no Au.

2 KORINTUS 4:2

Ami ta pake eno-dala makahatuk fo nini bibii-mamaek fa. Ami ta nau maue-male'di no tipu-daik do puputa-papaik Manetualain dede'a-kokolan fa. Ami malalau-maoono Manetualain no dale neuisik tunga hihii-nanaun. Hu ndia de, ami mamahena basa hataholi la tai-dodoo ami no malole, nandaa no dale bobongoana nala.