YOHANIS 16:20 - Susula Malalaok Hehelu Palak Ma Hehelu Beuk

²⁰ Mamahele leona, te neukose emi kii-makaleleu, tehu neukose daebafa ka namahoko-setelee. Neukose emi dale ma he'di sa, tehu emi dale he'dim ndia, nasafali da'di namahoko-seteleek.

YOHANIS 16:20 ပူးပေါင်းရင်းမြစ်များ

AYUB 20:5

hataholi mangalauk-ka, namahoko-seteleen ta doo bee ana esa boen, ma hataholi malelesik-ka, namahokon-na, ka'da hatematak esa mesak-kana do ta?

MAZMUR 30:11

Mamanene leon, ou Manetualain, fo sue-lai au. Manetualain, tulu-fali au leona!”

MAZMUR 30:5

Makamee nakamee kokoa-kikiok ba'eneu Manetualain, hai Manetualain anan fo manalilinekak-kala lemin, ma moke makasi neu Ndia Fo Malalao-malalafuk nanseli.

MAZMUR 97:11

Mangale'dok-ka, ana tii mai so, ba'eneu hataholi dale ndoos-sa, ma namahokok, soaneu hataholi, manatao tunga ndoon-na.

YESAYA 12:1

Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

YEREMIA 31:25

Sila fo manasotak-kaneukose Au tao balakais, ma manamalek nanahu la'as-sa neukose Au to akabetes.

MATEOS 21:38

Tehu hataholi mana'a ngga'di la lita dae lamatuak ndia ana na boema, esa kokolak no esa nae, ‘Na, manoo nuu ka, ana mai nde ia so. Tao tisan leona, fo daenga ita hapu pusaka nala!’

MATEOS 5:4

Maua-manalek neu hataholi fo dale na he'di sa; nanahu neukose Manetualain kokoe-nanasis!

MARKUS 14:72

No hatematak ndia boe, manu kokoa la'i telu. Boema Petrus nafandele na Yesus nafada basan nae, “Manu beita kokoa la'i dua fa te, o malelesi Au la'i telu.” Boema Petrus kii-nasakeke'du.

MARKUS 16:10

Boema Maria Magdalena neu nafa'da manda'dik ndia neu Yesus tia-lai nala. Ndia te Yesus tia-lai nala bei falu ma ala kii makaleleu.

LUKAS 22:45

Yesus hule-haladoi basa boema Ana fali seluk leo ana mana tunga nala neu. Ana hapu nas ala sungu, nanahu dale nala he'di lanseli.

LUKAS 22:62

Boema Petrus kalua neme ndia mai de ana kii ke'du-ke'du.

LUKAS 23:27

Hataholi makadotok la'ok lai Yesus dea na, fo nai dalek hapu inak de'ubee boe. Inak sila la kii makaleleu Yesus.

LUKAS 24:17

Boema Yesus natanes nae, “Emi dua kokolak beek ndia?” Tutika late'e tehu mata-pana nala manasusak.

LUKAS 24:21

Te se'ko na ami mamahena mae, neukose Hataholi ndia nde soi-po'i leoina Israe la! Dede'ak ndia ana da'di basa faik katelu ia so.

LUKAS 6:21

Maua-manalek neu emi, fo mamala'a besak ia; neukose emi nakabetek! Maua-manalek neu emi, fo emi kii-makaleleu besak ia; neukose emi hika!

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

YOHANIS 16:6

Lena-lenak besak ia, emi dale ma he'di sa, hu ka nde Au afa'da dede'ak ndia neu emi.

YOHANIS 20:20

Nafa'da basa nae leondia boema, natu'dus lima na ma kaisu na. Lita Lamatua ka boema, lamahoko laanseli.

HATAHOLI 5:41

Hataholi nadedenun sila la la'oela Mana Maketu-Mala'di Agama Matua Ina sila la no namahokok, nana Manetualain nafa'da basa nae, sila landaa hapu nakamumulu-nakamamaek, hu ka nde Yesus.

ROMA 5:11

Lenak neme ndia mai, ita boeo tamahoko nai Manetualain dalek, tunga ita Lamatuan Yesus Kristus. Nana besak ia ita hapu mole-dame ndia tunga Kristus.

2 KORINTUS 6:10

Leomae ami dale ma nananakahehe'dik, tehu ami mamahoko tataas esa boe. Ami nananitak hataholi nuu ta-hata tak, tehu ami tao ma hataholi ba'u ka lamasu'i so. Ami nananitak ta manuu hata esa boen, tehu tunga ndo na ami manuu basa-basan lala'ena.

GALATIA 5:22

Dede'a nasafali na nae, metema Manetualain Dula Dale na hela-nole hataholi soona, buna-boan nde: ala lasue-lalai ao, ala lamahoko-setelee, ala lanuu dale mana tesa-tamak, ala ta haelai lamanasa, ma ha'da-tataon malole, ala malole lo hataholi fe'ek, ala lilineka,

1 TESALONIKA 1:6

Emi tunga ami heheo-hihilum, ma Lamatua ka heheo-hihilun. Leomae emi doidoso manseli, tehu emi sipok no namahokok, halak fo ami tui-bengan neu emi a. Namahokok ndia, nanafek neme Manetualain Dula Dale na mai.

YAKOBIS 1:2

Tolano-tolanoo ngala lemin! Metema emi la'oladi sosoba-susu'di mata-mata kala soona, mafa'da mae, emi hapu nanalak ndia.

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.

NINITAK 11:10

Laun manai daebafa ka, neukose lamahoko sakasii kaduak sila la mamate na. Neukose ala tao feta, ma esa haitua fe esa palsen, nana nabi kaduak sila la lini doidoso ba'u fe hataholi daebafa ka so.

NINITAK 18:7

Fen doidosok ma dale he'dik dede'u na sama no matua-madema ma so'da manadailenak fo nanafek neu aoina na. Nana ana ka'da nafa'da tataas esa neu aoina na nae, ‘Au ia, ina manek fo mana paleta! Au ta inafalu fa; neukose au ta la'ola'di dale he'dik fa!’