YOHANIS 15:7 - Susula Malalaok Hehelu Palak Ma Hehelu Beuk

⁷ Metema emi da'di esa mahele mo Au, boema Au nanoli nga nai emi dalem dale, fo emi hii beek soona moke Ama ka, te neukose Ana tao natetu emi nonokem ndia.

YOHANIS 15:7 ပူးပေါင်းရင်းမြစ်များ

1RAJA-RAJA 3:5

Le'odaek ndia boeo, Manetualain natu'du aoinan-na neun nai me'is dale de nafa'da nae, “Salomo, moke hata fo o mahiik-kana leon, te neukose Au o!”

AYUB 22:26

Soona o bole mamahele neu Manetualain, tataas esa, ma o bubuluk, mae Ndia nde da'di oemata, soaneu o ua-nale malolem-ma.

AYUB 23:12

Au tunga Manetualain paletan-nala, tataas esa, au tunga hihii-nanaun, te ta au hihii-nanau mesang-nga fa.

MAZMUR 119:11

Au pe'da O nanolim-ma, nai au daleng dale, fo ela au boso asala-asingo neu O.

MAZMUR 37:4

Sanga o tetu-temam nai Manetualain, neukose Ana tao natetu o dale hihiim-ma.

AMSAL 10:24

Hataholi dale ndoos-sa, hapu hata fo nahiik-kana; hataholi mangalauk-ka, hapu hata fo, ana bii-namata'u nanseli neun.

AMSAL 4:4

au amang nanoli au. Ana nafa'da nae, “Mafandendelek au nanoli-nafa'dang-ngala, fo boso mafandele henis makandondook. Makalala'ok au natutu'dung-ngala, fo ela o so'dam-ma naua-nanale.

YESAYA 58:8

Soona, neukose mangale'dok-ka, ana tii ba'eneu emi, sama leo dulu fula, ma neukose emi bisum-mala, ala lea-hai no lai-laik. Neukose, Au sama-sama o emi, fo Au soi-tefa emi. Neukose Au asulu-ahapa emi, neme bu'u-bu'uk lala'en-na mai.

YEREMIA 15:16

O kokolak mo au, de au amanene basa O hala-kokolam lala'en-na. O num au, ou Amak Manetualain Fo Manakoasa, hu ndia de O hala kokolam neni namahokok ma naua-nanale fe au.

MATEOS 7:7

“Moke leona soona neukose emi sipo. Sanga leona soona neukose emi hapu. Dedelu leona soona neukose lelesu nanasoik soaneu emi.

YOHANIS 14:13

Boema metema emi moke hata esa minik Au na'de nga soona, neukose Au fe emi, fo ela Ama ka nananamatutua-namadedemak tunga Ana ka.

YOHANIS 15:16

Emi ta nde hele Au fa. Te Au nde hele emi, boema Au adenu emi meu, fo maboa ba'u ka, boak fo ta hapu mopo-mate fan. Boema neukose Ama ka fe emi, su'di hata fo emi moken minik Au na'de nga.

YOHANIS 16:23

Nai faik ndia, neukose emi ta matane Au, hata-hata so'on. Mamahele leona: Te hata fo emi moken neme Ama ka minik Au na'de nga soona, neukose Ama ka fe emi.

YOHANIS 8:31

Basa boema Yesus nafa'da hataholi Yahudi kamahehele kala nae, “Metema nai emi maso'da ma dalek, emi tunga Au nanoli nga soona, Au ana manatungang emi te'e-te'e,

YOHANIS 8:37

Memak Au bubuluk emi ia nde bee na, Abraham tititi-nonosin. Tehu emi nau taomisa Au, nanahu emi ta nau sipok Au nanoli nga fa.

GALATIA 5:16

Au dudu'a nga leo iak: Neme na fo Manetualain Dula Dale na hela-nole emi, ma boso maso'da tunga hihii-nanauk ma ha'da-tatao hataholi daebafa ka.

ULANGAN 6:6

Boso mafandele heni paleta fo, faik ia au fen neu emi ndia, makandondook.

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

1 YOHANIS 2:14

Ana ngala lemin! Au sulak fe emi susulak ia, nana emi malelak Amak Manetualain so. Ama ngala lemin! Au sulak fe emi susulak ia, nana emi malelak Hala Kokolak fo ana da'di neme makasososan eli mai a so. Ana muli-solu ngala lemin! Au sulak fe emi susulak ia, nana emi mabe'i-balakaik. Manetualain dede'a-kokolan nai emi dalem dale, de emi sengi Hataholi Mangalau ka so.

1 YOHANIS 2:27

Tehu la'eneu emi soona, Kristus fe basa Dula Dale na neu emi so. Boema metema Dula Dalek ndia bei nahele nai emi dalem dale soona, ta paluu hataholi nanoli emi so'on. Nana Dula Dalek ndia nanoli emi, la'eneu basa hata lala'ena; boema ta hapu masapepeko-masandandalik nai nanolin sila la dalek fa. Hu ndia de ela leo been-na, emi tunga Dula Dale ka nanolin sila la, ma ela leo been-na emi maso'da tataas esa mo Kristus.

1 YOHANIS 3:22

Boema ita token beek soona ita hapun, nana ita tunga paleta na ma ita tatao-nono'in nandaa no dale na.

1 YOHANIS 5:14

Hu ndia de, ita tapalani hule-haladoi neu Manetualain, nana ita tamahele, Ana sipok ita hule-haladoin, metema ita hule-haladoin ndia, nandaa no dale hihii na.