YOHANIS 15:25 - Susula Malalaok Hehelu Palak Ma Hehelu Beuk

²⁵ Tehu muse ana da'di tao leondiak, fo ela hata fo nanasulak nai sila Susula Hoholo lalane na dalek, ana da'di leona nae: ‘Lakamu-lakadau Au, tehu ne'en ta.’

YOHANIS 15:25 ပူးပေါင်းရင်းမြစ်များ

MAZMUR 109:3

Ala sapu-la au, nenik dede'ak fo, henuk no nakamumulu-nakamamaek, ma ala musu loo au, tehu ne'ek ta.

MAZMUR 35:19

Boso po'ilotak au nananakamiminak neme hataholi fo manamusu loo au-a no sosoa-taak. Boso po'ilotak au nanaeki-natadalek, neme hataholi fo lakamuu-lakadau au ta no enon-na fa.

MAZMUR 69:4

Au aloo bou-bou, losa au sota-mangu ma au botolii koko'dong-nga, namatuu. Au matang-nga nakete nana au ahani, au Manetualaing-nga, tutulu-fafalin.

MAZMUR 7:4

Ou Manetualain fo au Manetualaing-nga, leouni'ka au ta tao tunga ndoos ma matetuk-ka, ma tao mangalauk soaneu au tia-laing, do akatutu'dak musu nok-ka, tehu ne'ek ta, metema au tao leondiak soona,

MATEOS 10:8

Boema makahahaik hataholi kamahe'di kala; tao maso'da falik hataholi mana mate kala; tao mahai hataholi he'di lou mangalau kala, mai usiheni dula dale mangalau kala. Emi sipo hiik basa sila la lala'ena, da'di fe hii kana neu hataholi la boe.

LUKAS 24:44

Basa ndia boema, Yesus nafa'das nae, “Dede'ak ia la nde Au afa'da basan neu emi, nai lelek Au bei sama-sama o emi a. Basa dede'ak fo nanasulak la'eneu Au nai Musa susula na, nai basa nabi la susula na, ma nai Mazmur susula na dale ka, muse ana da'di.”

YOHANIS 10:34

Boema Yesus nae, “Ade nai emi Susula Hoholo lalanem dale, ta nanasulak nae, Manetualain nafa'da nae, ‘Emi ia lamatua daebafak hetu’?

YOHANIS 13:18

Au afa'da basa dede'ak ia la, ta soaneu emi basa-basa mala fa. Ninik Au bubuluk basa, see ka nde Au hele nana. Tehu hata fo nanasulak nai Susula Malalao ka dalek, muse ana da'di, fo nde ‘Hataholi fo na'a sama-sama no Au a, neukose ana la'ban Au.’

YOHANIS 19:36

Dede'ak ndia anda'di, fo ela ana tao natetu hata fo nanasulak nai Susula Malalaok dale nae “Ala ta helula'di duin esa boen.”

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.

ROMA 3:24

Hu ka nde Manetualain fe hiik susue-lalain neu hataholi daebafa ka, de hataholi daebafa ka tututi-nanaton malole falik lo Manetualain; eno na nde, Kristus Yesus soi po'i hataholi daebafa ka.

2 KORINTUS 11:7

Nai lelek au tui-benga Hala Malole maneme Manetualain neu emi ndia, au ta oke emi se'ba-bae au faa anak boen. No enok ndia, au tao au aoina nga nai daeanak. Au tao leondiak soaneu au amadedema emi. Ade ndia sosoa na nae, au asala neu emi do?

GALATIA 2:21

Au ta akadadaek Manetualain baba'e-papalan fa. Tehu metema hataholi a tututi-nanaton no Manetualain malole falik, hu ka nde hataholi a tao tunga agama hoholo-lalanen soona, ndia sosoa na nae, Kristus mamate na sosoa-ndandaan ta!

2 TESALONIKA 3:8

Ami ta mi'a-minu hiik hataholi nana'a-nininun fa. Te lele'do-le'odaen, ami puse ma titi no ue-le'di sa, fo daenga ami boso tao susa emi esa boen.

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.