YOHANIS 15:24 - Susula Malalaok Hehelu Palak Ma Hehelu Beuk

²⁴ Leo uni ka, nai sila dalek, metema Au beita tao dede'ak fo hataholi fe'e kala beita tao lita fan soona, ta lasala-lasingo fa. Tehu besak ia, lita basa hata fo Au tao ka so, tehu bei lakamu-lakadau Au o Au Amang.

YOHANIS 15:24 ပူးပေါင်းရင်းမြစ်များ

MAZMUR 81:15

soona no hatematak ndia boe, Au tao-ala sila musun-na, nakatele, ma Au sengi basa sila musu noon-nala.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

AMSAL 8:36

Se ta hapu au fa soona, ana tao nakatutu'dak aoinan-na mesak-kana; hataholi fo manamakamuu-makadau au-a, ana sue mamates-sa.”

MATEOS 11:5

Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.

MATEOS 21:32

Nanahu Yohanis Mana Salani ka ana mai, fo natu'du emi eno-dala maso'dak fo Lamatua ka nahii kana, te emi ta nau mamahele nanoli na fa; tehu mana susu bea la, ma ina mana sosoa-piao kala, lamahelen. Tehu leomae emi malelak basa dede'ak sila la so, tehu emi ta dudu'a masafali emi dudu'a-aafi mala nakalenak bai, emi ta nau mamahele Amak Manetualain fa.”

MATEOS 9:33

Boema Yesus usiheni nitu mangalauk ndia, de no hatematak ndia boe, hataholi hala tak ndia hapu kokolak nalelak leona. Hataholi makadotok sila la, ala dodoo doa kana, de lafa'da lae, “Ami beita mita manda'di matak leo ia ka, nai Israel fa!”

MARKUS 2:12

Boema hataholi ndia fo'a de ana ho'i-na ne'a na lai-lai de ana kalua la'oela mamanak ndia neme hataholi fo manita matan manda'dik ndia, mata na mai leona. Hataholi makadotok sila la dodoo doa kana, boema ala koa-kio Manetualain lae, “Ita beita tita manda'di leoia ka fa!”

LUKAS 24:19

Boema Yesus natanes nae, “Manda'di beek ndia?” Boema lataa lae, “Manda'dik fo ana da'di neu Yesus fo hataholi Nazaret ndia. Hataholi ndia Nabi esa. Hala-kokolan ma tatao-nono'in nanuu koasa matuaina, nau tunga Manetualain mata memete na, do tunga basa hataholi daebafa ka mata memete na boe.

YOHANIS 10:32

Tehu Yesus nafa'das nae, “Ama ka paleta Au fo tao tatao-nono'i malole ba'u ka, de emi mita basan so. De neme basa tatao-nono'ik sila la, bee ka nde tao na emi nau tapa Au?”

YOHANIS 10:37

Metema Au ta tao tatao-nono'ik fo Ama ka paleta ka fa soona, boso mamahele Au.

YOHANIS 12:10

Hu ndia de malanga ima mala sanga taolisa Lasarus boe,

YOHANIS 12:45

Ma hataholi see nita Au soona, nita Ndia fo manamadenu Au a.

YOHANIS 14:9

Tehu Yesus nataa nae, “Au o emi doo-doo basa ia so, ma tao le'e de, o beita malelak Au boen, Felipus? See nita Au soona, nita Ama ka nde ndia so. Tao le'e de, o mafa'da mae, ‘Matu'du Ama ka neu ami leona’?

YOHANIS 15:21

Neukose ala tao emi leondiak, nanahu Au ana manatungang emi, hu ka nde ta lalelak Ndia fo manamadenu Au a fa.

YOHANIS 15:22

Leo uni ka, Au ta mai fo Au afa'das basa sila la soona, ta lasala-lasingo fa. Tehu besak ia, ala ta hapu ne'ek seluk soaneu sala-singo nala so'on.

YOHANIS 15:23

Metema hataholi nakamu-nakadau Au soona, nakamu-nakadau Au Ama nga.

YOHANIS 16:9

Neukose nafa'da nae, metema see ta namahele Au fa soona, sala-singok ndia;

YOHANIS 3:2

Le'odaek esa boema, neu leo Yesus neu, de natanen nae, “Ama Mesen, ami bubuluk Manetualain nde nadenu Ama mai. Nanahu hataholi ta hapu tao manda'di beuk, sama na leo Ama tao kala fa, metema Manetualain ta nok hataholi ndia fa.”

YOHANIS 5:36

Tehu Au sakasii nga ba'u lenaheni Yohanis sakasii na. Au tao-no'i hata nai besak ia soona, Ama ka nde fe Au tatao-nono'ik ndia, fo ela ana da'di ta'du esa nae, Ama ka nde nadenu Au a.

YOHANIS 6:36

Tehu sama na leo Au afa'da basa emi ae, leomae emi mita Au so, tehu emi ta nau mamahele Au fa.

YOHANIS 7:31

Hataholi sila la ba'u ka lamahelen, de nalosa bekola lae, “Metema Mane Mana Fe So'dak ndia ana mai soona, ade Ana hapu tao manda'di beuk de'u lenaheni Hataholi ia do?”

YOHANIS 9:32

Neme daebafa ka ana mulai da'di a, ita beita tamanene la'iesa fo, hapu hataholi nakahahaik hataholi fo bongin te pokek so.

YOHANIS 9:41

Boema Yesus nae, “Leo uni ka emi pokek soona, emi ta tao sala-singok fa. Tehu hu ka nde emi mafa'da mae, ‘Ami mita,’ soona dede'ak ndia sosoa na nae, emi hataholi bei masala-masingo kala.”

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

HATAHOLI 2:22

Tolano-tolanoo Israel ngala lemin! Mamanene hata fo au afa'dak ia la. Manetualain fe basa bela-ba'uk neu Yesus fo hataholi Nazaret ndia, soaneu tolanoo kala so. Ita titan no mangale'dok nai manda'di beu kala ma dede'a matua ina la dalek, fo Manetualain taon nai emi tala'da tunga Yesus ndia. Emi bubuluk basa dede'ak sila la so.

ROMA 1:30

ala hii ka'da tao langgenggeo hataholi na'den; ala koao-ndaeao, ma malela ha'da ta kala, lakamu-lakadau Manetualain, ala kokolak ka'da dede'a-kokola sosoa-ndandaa ta kala. Ala sanga lalelak eno beuk, fo ala tao tatao-nono'i mangalauk. Ala hii ka'da la'ban ina-amak;

ULANGAN 5:9

Boso sene-do'ok neu dodoki-dudulak matak leondiak-ka, nanahu Au fo emi Manetualaim-ma, ta nau nakasasamak-kana o hata esa boen. Hataholi fo nape'da dale nasak neu Au, neukose Au hukun losa bobongi ka telu ma ka haa.

2 TIMOTIUS 3:4

Ala hii ka'da ke'dindiu hataholi, lamatutua-lamadedema ao nala, ma hahae keke'u kala.

YAKOBIS 4:4

Emi nde bee na, hataholi ta mana lilinekak fa! Ade emi ta bubuluk fa te, metema emi tao tia-laik mo daebafak ia soona, emi da'di Manetualain musu noon fa do? Hu ndia de, metema see tao tia-laik noo daebafak ia soona, hataholi ndia tao ao ina na da'di, Manetualain musu noon.