YOHANIS 15:14 - Susula Malalaok Hehelu Palak Ma Hehelu Beuk

¹⁴ Metema emi tao hata fo Au paletan soaneu emi soona, Au tolanoong emi.

YOHANIS 15:14 ပူးပေါင်းရင်းမြစ်များ

2RAJA-RAJA 18:6

ma ana lilineka neun. Ana beita la'ban nita Manetualain fa. Hizkia tunga no te'e-te'ek, basa Manetualain paletan lala'en fo Ana fen tunga Musa.

2TAWARIKH 20:7

O nde ami Amam Manetualaim. Lelek O anam-mala, fo leoina Israel-la, mai leo nusak ia mai, O usiheni hataholi-hataholi fo nai lelek ndia ala leo leme ia. Boema O fe nusak ia neu O tia-laim Abraham tititi-nonosin, fo da'di sila dae-oen losa dodoon-na.

KELUARAN 7:6

Musa no Harun tao tunga Manetualain paletan-na.

AMSAL 18:24

Hapu tia-laik fo, ana ta lilineka fa, tehu hapu nggelok malole-na seli, neme tolanook esa mai.

KIDUNG AGUNG 5:1

Au u leo au osing dale u, fa'ding-ngo, au saoinang-ngo, au hehele akabubua au ai daa tuung-ngala, ma au bumbung-ngala; au u'a au fani popolang-nga, ma au inu au fanioeng-nga, au inu kapoe, ma au angol-la. Mi'a-minu leon, tia-laing-ngala lemin, Minu losa mafuk hu kande susue tou-ta'ek.

YESAYA 41:8

Tehu o, Israel, Au atang, fo Au ana heheleng-nga, o tititi-nonosik neme Au tia-laing Abraham mai.

YEREMIA 32:23

Tehu nai lelek ala mai lo nusak ia mai de latona-la boema, ala ta nau tunga O paletam-mala fa, ma ala ta laso'da tunga O nanoli-nafa'dan fa. Basa hata fo O paletak neu sala ala ta tao-no'i esa boen. Hu ndia de O muni fes basa susa-soe iala neu sila.

YESKIAL 12:7

Boema au tao tunga Manetualain paletan neu au-a. Nai faik ndia boe, fo beita le'odae fa, boema au poti au bua-lo'ang neu popotik esa dalek, sama leo hataholi nanatu'u-tapak-kala biasa taon. Lelek le'odae boema, au tao bolok esa neu au umang-nga papala nanadaman-na, boema au kalua tunga bolok ndia. Au tao popotik ndia neu au alung lain, basa boema au la'o, de basa hataholi sila-la, ala mete au.

MATEOS 12:50

Hataholi mana tao tunga Au Amang manai nusa so'da ka hihii-nanau na, hataholi ndia nde da'di Au tolanoo toung, Au tolanoo inang, ma Au ina nga.”

LUKAS 12:4

“Mafandendelek leon tia-lai ngala lemin! Boso bii neu sila fo bisa mana taonisa emi, nanahu ala bisa taolisa ka'da emi ao paa ma, ma ta hapu tao lenak neme ndia mai fa.

YOHANIS 13:17

Makanaema emi bubuluk basa dede'ak ia la lala'ena, boema emi tao tungan soona, maua-manalek neu emi.

YOHANIS 14:15

“Metema emi sue-lai Au, ma emi makalala'ok Au paleta ngala soona,

YOHANIS 14:21

Hataholi fo ana sipok Au paleta ngala fo ana tao tungan soona, ndia nde sue-lai Au a. Boema Au Ama nga sue-lai hataholi manasue-lai Au a. Neukose Au boeo sue-lai hataholi ndia, fo Au atu'du Au aoina nga neu hataholi ndia.”

YOHANIS 14:28

Emi mamanene Au afa'da basa ae, ‘Neukose Au la'o, tehu neukose Au fali ma'i nga leo emi mai’. Metema emi sue-lai Au soona, neukose emi mamahoko Au u leo Ama ka u, nana Ama ka matua ba'ulena Au.

YOHANIS 2:5

Boema Yesus inan nafa'da malalau la nae, “Metema nafa'da emi tao beek soona, ka'da tao tungan.”

YAKOBIS 2:23

Dede'ak ndia nandaa no Susula Malalao ka lalanen esa nde ia nae, “Abraham namahele Manetualain, ma hu ka nde namahehelen ndia de, Manetualain sipo kana, da'dileo hataholi mana tao tunga Manetualain hihii-nanaun.” Hu ndia de loke Abraham lae, “Manetualain tia-lain.”

1 YOHANIS 5:3

Nana metema o sue-lai Manetualain soona, o muse tunga paleta nala. Nana paleta nala ta mabela fa.

RUT SUSULAN-NA 3:6

Boema, Rut neu leo hataholi-la, mamana fepa gandum-ma neu. Nai ndia, ana tao tunga basa hata fo aliinan-na nadenun ana taon.