YOHANIS 14:31 - Susula Malalaok Hehelu Palak Ma Hehelu Beuk

³¹ Tehu basa sila la muse ala da'di, fo ela daebafa ka bubuluk lae, Au sue-lai Ama ka de Au tao basa hata lala'en, fo Ama ka paletan soaneu Au a. Naa, mai fo ata la'oela mamanak ia leona.”

YOHANIS 14:31 ပူးပေါင်းရင်းမြစ်များ

MAZMUR 40:8

Boema au afa'da ae, “Au nde ia, nai susula nanalunuk fo nanasulak la'eneu au.

YESAYA 50:5

Manetualain fe au malelak; au ta la'ban, do lepos la'oela fan.

MATEOS 26:39

Basa boema Ana la'ok leo uluk neu doo-doo ana faa, de Ana senek boema Ana hule-haladoi nae. “Ama, metema Ama nau soona, madok doidosok fo Au muse lu'a-lepan ia neme Au a mai. Tehu boso tunga Au hihii-nanaung, te tunga ka'da Ama hihii-nanaun.”

MATEOS 26:46

Fo'a fo ata la'o leona. Mete mitak hataholi fo neukose ana ke'dindiu Au a, ana mai so!”

LUKAS 12:50

Bei hapu doidoso matuaina, fo Au muse la'ola'din. Ma Au dale nga ta tesa tama nanseli, metema dede'ak ndia beita da'di fa.

YOHANIS 10:18

Ta hapu hataholi esa boen, hapu ho'i fali kana neme Au mai fa. Nana Au fen tunga Au hihii-nanau mesa nga. Au anuu koasa soaneu Au feheni Au maso'da nga, ma anuu koasa soaneu ho'i fali kana. Bela-ba'uk ndia, Au sipon neme Ama ka mai.”

YOHANIS 12:27

“Au dale nga to'a-sota. Besak ia Au muse ae le'e bai? Ade Au muse afa'da ae, ‘Ama, fali ma Au neme hatematak ia mai leona do’? Te hu ka nde doidosok ia de Au mai.

YOHANIS 12:49

Nanahu Au ta kokolak unik Au hihi-nanau mesa nga fa, te Amak fo manamadenu Au a, Ndia nde paleta Au, hata fo Au muse afa'dan, ma anduku-alosa kana.

YOHANIS 13:1

Bei ela ka'da faik esa bai soona, besa ka Fai Matua Paskah losa, tehu Yesus bubuluk basa, fai na losa soaneu Ana la'oela daebafak ia, fo Ana fali ne'un leo Aman neu. Ana sue-lai Ndia hataholin manai daebafa ka. Ana sue-lai naheles, losa mate'e na.

YOHANIS 15:9

Sama na leo Ama ka sue-lai Au, leondiak boe Au sue-lai emi. Ela leo bee na, emi maso'da mahele da'dileo hataholi fo Au sue-lai kala.

YOHANIS 18:11

Boema Yesus nafa'da Petrus nae, “So'dok falik o tafaina ma leo mamanan dale neu! Ade tunga o dale dodoo ma, neukose Au ta inu nggalaa doidosok fo Ama ka fen neu Au ndia fa do?”

YOHANIS 4:34

Tehu Yesus nafa'das nae, “Au nana'a-nininung nde Au tunga Hataholi mana madenu Au a, hihii-nanaun, boema Au tao akababasak ue-le'dis fo Ana fen neu Au a.

FILIPI 2:8

Nakaloe-nakadae ao ina na, boema naso'da tunga Manetualain paleta na, losa Ana mate neme ai nggangek lain.