YOHANIS 13:10 - Susula Malalaok Hehelu Palak Ma Hehelu Beuk

¹⁰ Yesus nafa'da Petrus nae, “Hataholi fo nadiu basa oe soona, basa ao na lala'ena balisi so. Ta paluu tao balisi hataholi ndia seluk so'on, te ka'da ei na. Emi ia balisi so, tehu ta basa-basan balisi fa.” (

YOHANIS 13:10 ပူးပေါင်းရင်းမြစ်များ

PENGKHOTBAH 7:20

Nai daebafak ia, ta hapu hataholi matetu-mandaak fa; ta hapu hataholi manatao malole tataas esa fa, ma beita nasala-nasingo nita fa.

KIDUNG AGUNG 4:7

O mana'ahiik manseli au susueng-ngo, ta hapu bu'u-ba'ek nai o fa.

YEREMIA 50:20

Nai fain ndia Israel ma Yehuda balisi neme sala-singok-ka mai, hu ka nde Au fes do'o do ampon neu hataholi fo Au tulu-falis-sala, Au, Manetualain de manakokolak-ka.”

IMAMAT 16:26

Hataholi fo neu po'i bi'ihiik-ka ba'eneu Azazel nai moo solokaek-ka, ana beita fali ma'in leo mamana ofuk-ka mai fa, te muse ana safe liman-na, ma nadiu oe.

IMAMAT 16:28

Hataholi manatunun-nana, ana beita fali ma'in leo mamana oofuk-ka mai fa te, muse ana safe bua papaken-na, ma nadiu oe.

MATEOS 6:12

Fe do'o do ampon neu ami sala-singo mala, sama leo, ami fe do'o do ampon neu basa hataholi fo mana tao salak neu ami a.

YOHANIS 13:18

Au afa'da basa dede'ak ia la, ta soaneu emi basa-basa mala fa. Ninik Au bubuluk basa, see ka nde Au hele nana. Tehu hata fo nanasulak nai Susula Malalao ka dalek, muse ana da'di, fo nde ‘Hataholi fo na'a sama-sama no Au a, neukose ana la'ban Au.’

YOHANIS 13:9

Boema Simon Petrus nae, “Makanaema leondiak soona, Lamatua ka boso safe ka'da au ei nga mesa kana, tehu au lima nga no au langa nga boe!”

YOHANIS 15:3

Emi balisi, nanahu nanolik fo Au anolin neu emi a.

2 KORINTUS 5:17

Hataholi fo naso'da da'di esa no Kristu sa, ana da'di hataholi beuk. So'da palaa ka ta kana so. Basa-basan, ana da'di beuk so.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

1 TESALONIKA 5:23

Manetualain nde fe ita mole-dame ndia. Ela leo bee na, Ana tao na emi, te'e-te'e maso'da ka'da soaneu Ndia mesa kana. Ami hule-haladoi, fo ela leo bee na, nanea emi dale nakababale ma, dudu'a-aafim, ma emi tatao-nono'im, ta hapu sala-singok faa anak boen, nai faik fo ita Lamatuan Yesus Kristus fafali ma'i na.

IBRANI 9:10

Nanahu basa ito-atok sila la, nandaa no ka'da nana'a-nininuk, ma tao nalalao ao mata-mata kala mesa kana. Basa sila la ka'da nakanenete ao paak, fo nanapakek ka'da losa fai na Manetualain tao nabebeun.

YAKOBIS 3:2

Nasi'a ita basa tala tao salak. Tehu hataholi fo ana beita tao nita salak ninik hala-kokola na, hataholi ndia, hataholi matetu-mandaak, nana ana hapu koasa na, ao ina na lala'ena.