YOHANIS 12:50 - Susula Malalaok Hehelu Palak Ma Hehelu Beuk

⁵⁰ Ma Au bubuluk basa paletan ndia nini so'da matetu ka ma manaketu basa ta ka. Hu ndia de, Au anduku-alosa kana, sama leo Ama ka nanoli basan neu au a so.”

YOHANIS 12:50 ပူးပေါင်းရင်းမြစ်များ

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

YOHANIS 20:31

Tehu ala sulak basa ia la, fo daenga ela emi mamahele mae, Yesus nde been-na Mane Mana Fe So'dak fo Manetualain Anan, boema hu ka nde emi mamahelen, de emi hapu maso'da ka.

YOHANIS 5:19

Boema Yesus nataa hataholi sila la nae leo ia, “Mamahele leona te, Ana ka ta hapu tao-no'i hata esa boen, ninik koasa na mesa kana fa. Ka'da ka Ana tao-no'i hata fo nita Aman tao-no'i nana. Nana hata fo Ama ka tao-noin soona, ndia nde Ana ka tao-no'in boe.

YOHANIS 6:63

Manetualain Dula Dale na, nde ana fe hataholi daebafa ka naso'da. Nanahu hataholi daebafa ka be'i-balakain sosoa-ndandaan ta. Au afa'da emi dede'a-kokolak sila la nde bee na, Manetualain Dula Dale na dede'a-kokolan, fo dede'a-kokola manafe maso'da ka.

YOHANIS 6:68

Boema Simon Petrus nae, “Lamatuak, ami meu leo see meu bai? Nanahu Manetualain dede'a-kokolan nini maso'da matetuk ma manaketu basa ta ka,

YOHANIS 8:28

Hu ndia de, Yesus nafa'das nae, “Neme na fo metema emi so'u mamadema Ana Hataholi ka soona, besa ka emi bubuluk mae, ‘Au Nde Ndia, fo lafa'da lae, AU NDE NDIA’, boema besa ka emi bubuluk, te Au ta hapu tao hata esa boen, tunga Au hihii-anau mesa nga fa. Au afa'da ka'da hata fo Ama ka nanolin neu Au a.

ULANGAN 18:18

Neukose, Au fes nabi esa sama leo o, neme sila leoinan mai. Neukose, Au afa'dan hata fo, muse ana nafa'dan, boema neukose, ana nanduku-nalosak-kana neu leoina ndia, basa hata lala'en fo, Au paleta neun-na.

1 TIMOTIUS 1:16

Tehu neme enok ndia mai de, Manetualain sue-lai au, fo ela basa hataholi la lita, Kristus Yesus ta haelai namanasa au fo, hataholi masala-masingok ia. Fo dede'ak ia, ana da'di natutu'duk esa, soaneu basa hataholi fo, neu fai makabuin besa ka lamahele neun na, ala hapu so'da matetu ka, ma mana ketu basa ta ka.

1 YOHANIS 2:25

Kristus helu basa, Ana fe ita so'da matetu ka ma mana ketu basa taa ka so.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.