YOHANIS 12:47 - Susula Malalaok Hehelu Palak Ma Hehelu Beuk

⁴⁷ Hataholi fo lamanene Au nanoli nga, tehu ana ta tao tunga fan soona, Au ta nde huku nana fa. Nana Au ta mai aketu-ala'di daebafak ia fa, tehu Au mai fo Au fe so'dak neu daebafa ka.

YOHANIS 12:47 ပူးပေါင်းရင်းမြစ်များ

MATEOS 18:10

“I'akouk! Fo boso makamumulu-makamamaek hataholi esa boen neme hataholi kadi'ianak ia la mai. Nanahu mafandendelek te, sila ata nusa so'da nala lahele tataas esa lai Au Amang manai nusa so'da ka matan. [

MATEOS 18:11

Nanahu Ana Hataholi ka Ana mai soaneu Ana fe so'dak neu hataholi mana mopo kala!]

MATEOS 20:28

Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

LUKAS 19:10

Ana Hataholi ka Ana mai soaneu sanga ma soi-tefa hataholi manala'ok sala eno ka.”

LUKAS 9:56

Basa boema ala leu leo nggolok fe'ek leu.

YOHANIS 12:48

Hataholi manatipa Au, ma ta nau lamanene Au dede'a-kokolang fa, hapu mana maketu-mala'di na so. Dede'a-kokolak fo Au afa'da kala, neukose neu fai mate'e ka te, dede'a-kokolak sila la nde laketu-lala'di sala.

YOHANIS 3:17

Nana Manetualain ta haitua Ana na mai, fo naketu-nala'di daebafak ia fa, te Ana mai nini so'dak fe daebafa ka.

YOHANIS 5:45

Emi boso maedaenga, neukose Au fe salak neu emi nai Ama ka matan. Te Musa fo emi mamahena ka, neukose ndia nde fe salak neu emi.

YOHANIS 8:26

Au bei sanga kokolak o emi dede'a ba'u, boema Au afa'da Au nakeketung soaneu emi a. Nana Ndia fo manamadenu Au a, hapu tamahelen. Hu ndia de, Au amanene beek neme Ndia mai soona, Au afa'dan neu daebafa ka.”

2 PETRUS 3:15

Bole tafa'da tae, Lamatua ka ta hae lai namanasa ita ndia nde bee na, Ana fe ita fai loak soaneu ita tuka tei-sale dale, fo daenga ita hapu so'da ka. Paulus, fo ita tolanoo susue na, ana sulak fe emi susulak nae leondia boe. Manetualain fen dudu'a-aafi manatee tenok, de ana sulak susulak ndia.

1 YOHANIS 4:14

Ami mita matam Manetualain Ana na so. Hu ndia de ami tui-benga mae, Ama ka nadenun Ana mai fo Ana da'di daebafa ka Mane Mana Fe So'da na.