YOHANIS 12:15 - Susula Malalaok Hehelu Palak Ma Hehelu Beuk

¹⁵ “Boso bii-mamata'u, ana fe'oana Sio na lemin! Mete leona te, o Mane ma Ana mai, Ana sa'e keledei ana esa!”

YOHANIS 12:15 ပူးပေါင်းရင်းမြစ်များ

2 SEMUEL 15:1

Basa ndia boema, Absalom sadia-na kaleta musun esa no ndalan-na, boema hataholi limahulu fo ala tungan.

2 SEMUEL 16:2

Boema, mane Dauk-ka natanen nae, “Basa ia-la, sosoa-na beek?” Boema Ziba nataa nae, “Keledei ia-la, soaneu Ama Manek teidalen-nala sa'e, boema loti ma ai boak ia-la, soaneu Ama Manek atan-nala, ma angol ia, soaneu sila manasota-manguk manai moo solokaek-ka.”

1RAJA-RAJA 1:33

manek-ka nafa'das nae, “Maloo ma basa au malanga solda'du matuaina ngala, fo meu leo au ana maneng Salomo meu. Makasasa'e kana leo au kaleta maneng lain neu fo moon leo oemata Gihon na neu.

YESAYA 41:14

Manetualain nafa'da nae, “Israel, boso bii, leomae o anak-ka, ma tapandoes. Au nde Manetualain, fo manatulu-fali o, Fo Israel Manetualain Malalao-malalafun nanseli-a, nde been-na, o manasoi-manatefam.

YESAYA 62:11

Manetualain fe hala heheluk-ka nde ia, neu basa daebafak-ka bu'u-bu'un lala'en-na nae, “Mafa'da Sion laun-nala mae, ‘Mete Manetualain fo Manasoi-manatefak-ka, Ana mai! Hataholi fo, Ana soi-po'i basak-kala, ala tungan.’

MIKHA 4:8

Ma o Yerusalem, mamanak fo Manetualain nanea anan-nala, sama leo manafoo nanea bi'ilopon-nala, neukose o da'di falik o nusam-ma polon-na, sama leo makasososan-na.

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

MATEOS 21:5

“Mafa'da Sion mae, emi Mane ma Ana mai so, te Ana beita losa fa. Dale na dale taidaek, ma Ana sa'e keledei esa, fo keledei ana esa.”

YOHANIS 12:14

Ala fe Yesus keledei ana esa de Ana sa'e. Hu ndia de, hata fo nanasulak nai Susula Malalaok dale, ana da'di nae,

ULANGAN 17:16

Manek-ka, ta bole nanuu ndala ba'uk-ka, fo ana fe solda'dun-nala, ma ana ta bole nadenu leoina ia fo, leu asa ndala nai Masir fa, nanahu Manetualain nafa'da, nae Ndia anan-nala, ala ta bole fali-le'us leo nusak ndia leu so'on.

HAKIM-HAKIM 12:14

Anatoun haahuluh, ma upu toun teluhulu. Sila esa-esak, nanuu keledei sasa'ek esa. Teuk falu dalen-na, Abdon nauli-nalanga hataholi Israel-la.

HAKIM-HAKIM 5:10

Hai emi fo manasa'e keledei fulak-kala lemin, emi fo manamangatuuk nai ne'a madulak lain, ma basa emi, fo manala'o eik-kala lemin, tui-benga tutui sesengik ia!