YOHANIS 12:13 - Susula Malalaok Hehelu Palak Ma Hehelu Beuk

¹³ Boema ala ho'i ai palem do de leu solu kana. Ala eki bekao lae, “Koa-kio Manetualain leona! Baba'e-papalak ba'eneu Ndia fo Ana mai no Manetualain na'de na. Baba'e-papalak ba'eneu Mane Israe la!”

YOHANIS 12:13 ပူးပေါင်းရင်းမြစ်များ

YESAYA 44:6

Manetualain Fo Manakoasa, Manek, ma Israel manamasalu-mahapan-na, halan-na nde ia nae, “Au Manetualain, Fo Ka'da Kisak esa, fo makasososak ma mate'ek.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

IMAMAT 23:40

Nai fai makasososak-ka, emi muse seu ai boa neulauk-kala neme emi osim dale mai, boeo ketu ai palma doon-nala, ma helu ai manaleloaka-kala ndanan-nala, fo mulai tao feta namahoko-setelek soaneu fe ha'da-holomata neu emi Manetualain.

ZEFANYA 3:15

Nana, Manetualain Ana hahae huku emi. Ana usi heni basa emi musum-mala lala'en-na so, Mane Israel, fo emi Manetualaim-ma, nananasulu-nahapa emi. Besak ia, ta paluu emi mame'da bibii-namata'uk so'on.

MATEOS 23:39

Bubuluk leon te, mulai besak ia, neukose emi ta mita Au so'on losa emi mafa'da mae, ‘Nanaba'e-palak ba'eneu Ndia fo Ana mai no Manetualain na'de na.’ ”

MATEOS 27:42

“Ana soi-tefa hataholi fe'ek, te se'ko na ta nalak soi-tefa na ao ina na fa! Metema hataholi Israe la mane na nde ndia soona, besak ia boe, Ana kona neme ai nggangek ndia lain mai, fo besa ka ami mamahelen.

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

YOHANIS 12:14

Ala fe Yesus keledei ana esa de Ana sa'e. Hu ndia de, hata fo nanasulak nai Susula Malalaok dale, ana da'di nae,

YOHANIS 12:15

“Boso bii-mamata'u, ana fe'oana Sio na lemin! Mete leona te, o Mane ma Ana mai, Ana sa'e keledei ana esa!”

YOHANIS 19:15

Tehu ala eki lakandoo lae, “Tao misan! Tao misan! Lona-nggangen!” Boema Pilatus natanes nae, “Ade au muse lona-nggange emi mane ma do?” Tehu malanga ima mala lataa lae, “Ami manem ka'da esa mesa kana, fo nde Kese la!”

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”

NINITAK 7:9

Basa ndia boema au mete seluk, boema au ita hataholi makadotok nanseli. Ta hapu hataholi esa boen hapu leke na dede'u nala fa. Hataholi sila la nde bee na leme basa leoina mata-mata kala, leoanak, nusaina, ma dede'a-dede'a kala mai. No ala pake ba'du manalu fulak ma ho'u ai palem ndanak nai lima nala, hataholi makadotok sila la lapadeik lasasale matak lo kandela mane ka ma lasasale matak lo Bi'ilopo Ana ndia.