YOHANIS 11:52 - Susula Malalaok Hehelu Palak Ma Hehelu Beuk

⁵² Boema ta ka'da soaneu leoina Yahudi la mesa kasa fa, tehu soaneu Ana tao nakabubua Manetualain ana mana tapasasala nala.

YOHANIS 11:52 ပူးပေါင်းရင်းမြစ်များ

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

MAZMUR 22:15

Au be'i-balakaing basan, sama leo po'a heni oe-a, basa au duing-ngala latasesu leme sesesun-nala mai, au daleng-nga noe, sama leo lilik-ka.

MAZMUR 22:27

Neukose hataholi nuu-taa hata-taak-ka, na'a losa nakabete; hataholi fo ana mai leo Manetualain mai, neukose ana koa-kion. Sa'di leo been-na, emi tetu-temak losa dodoon-na!

MAZMUR 72:19

Kokoa-kikiok ba'eneu na'den fo matua-madema losa dodoon-na; ela leo been-na, daebafak-ka lalaena, henuk no mandela-masa'an! Da'di leondiak leona. Amin! (Tete'ek-ka)

YESAYA 49:18

Mete ma makanae, leo o boboa-kaisum muu, o laum-mala, lakabubua basa, de ala mai leo o mai so. No Au, Manetualain fo maso'dak-ka, Au afa'da ae, tete'ek-ka, neukose o dalem-ma namatua, nanahu o laum-mala, sama leo ina manaka'bing-nga, dalen-na namatua, nanahu lilo-henun.

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YESAYA 55:5

Neukose emi maloo leoina nusa dea-la, fo no lai-laik, ala mai leo emi mai, hu kande Au, fo emi Manetualaim-ma, Israel Manetualaim malalao-malalafun-na, nana Au amatutua-amadedema basa emi so.”

YESAYA 56:8

Manetualain Fo Mademaina, fo no falik hataholi Israel-la, neme mamana ookak-ka mai, nafa'da nae leoia, “Neukose Au o hataholi fe'ek-kala mai, fo ala da'di esa lo sila fo, nanatao nakabubua basak-kala so.”

YESAYA 60:4

Mitak hata fo, ana da'di nai o boboa-kaisum; laun-na lakabubua, fo ala fali leo o mai. O anatoum-mala, ala mai leme dook-ka mai, o anainam-mala, nanako'ok-kala.

YESKIAL 34:12

sama leo manafoo esa, ana sanga bi'ilopon-nala, fo ana foo nakabubua manatapasasalak-kala, boema nakabobois. Neukose Au foo falik-kasa leme mamanak fo, nai bee ala tapasasala, nai faik fo nasakoko'a ma makahatuk ndia.

HOSEA 1:10

Leoina Israel-la, neukose de'u solokaek manai tasi su'un-na, nalosa ta hapu leke-nala fas. Besak ia, Manetualain nafa'das nae, “Au anang ta emi fa”, tehu neukose fain-na losa soona, nafa'das nae, “Au nde Manetualain fo maso'dak, ma Au anang emi!”

LUKAS 15:8

Basa boema Yesus tui nakandandaak fe'ek esa nae, “Leo uni ka inak esa doi isi lilofulan sanahulu, boema namopo esa. Neukose ana tao beek? Tao leo bee o neukose ana de'de napila banu ka fo ana sasapu uma na, boema ana sanga te'e-te'e no doik ndia losa ana hapu fali kana.

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”

YOHANIS 1:12

Tehu hapu hataholi sipo kana, ma lamahelen boe; Hataholi sila, Ana fes hak fo ala da'di Manetualain anan.

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

YOHANIS 10:16

Boema Au bei anuu bi'ilopo fe'ek boe, tehu bi'i sila ta lakabubua lo bi'ilopo bubuak ia fa. Au muse u foo falik bi'i sila la boe, fo daenga lalelak Au hala nga. Neukose basa bi'i sila la, ala da'di ka'da bubuak esa, boema manafoo ka'da esa boe.

YOHANIS 12:32

Tehu Au ia, metema Au nananamatutua-namadedema basak nai daebafa ka soona, neukose Au hela uni basa hataholi la leo Au mai.”

HATAHOLI 18:10

Nana Au ok o. Ta hapu hataholi esa boen tao mangalauk neu o fa, nana Au hataholing makadotok nai kota ia dalek.”

ROMA 3:29

Do ka'da hataholi Yahudi la mesa kasa Manetualain ndia do? Ade leoina fe'e kala Manetualain ta ndia fa do? Hei, memak tete'e ka leoina fe'e kala Manetualain ndia boe!

ROMA 4:17

Nana Manetualain nafa'da Abraham nae leoia, “Au fe o da'di amak neu basa leoina lala'ena.” Eno na leondiak Manetualain fe hala hehelu na neu Abraham. Boema Abraham namahele neun. Ndia nde Manetualain manatao naso'da falik hataholi manamate kala; Manetualain ndia boeo nde Manetualain fo ka'da Ana kokolak fo hata manada'di beita ka, ana da'di.

EFESUS 1:5

de, naketu basa nakahuluk nae, tunga Yesus Kristus de, neukose Ana so'u ita da'di Ndia anan. Ma memak dede'ak ndia nde, nahiik Ana tao nana.

EFESUS 3:11

Manetualain tao dede'ak ndia, nandaa no dale tutu'u mana ketu basa ta na, fo Ana taon ninik ita Lamatuan Kristus Yesus nde da'di lelete a.

YAKOBIS 1:1

Tolano-tolanoo Salanik fo mana makapepela manai daebafa ka lala'ena lemin! Nate'ak neme au, Yakobis fo Manetualain ma Lamatuak Yesus Kristu sata na.

1 PETRUS 1:1

Tolano-tolanook fo Manetualain hataholi kamahehele susue-lalain fo manai dae sepo-danga nai nusa Pontus, Galatia, Kapadokia, Asia ma Bitinia la lemin! Au, Petrus, fo Yesus Kristus hataholi nadedenu na, au amahena ela leo bee na, Manetualain baba'e-papalan ma so'da-mole mana sasikao-kao na, Ana fen neu emi basa-basa mala. Emi nanahele basak da'di Manetualain hataholi kamahehelen, fo nandaa no Amak Manetualain dale tutu'u na. Ma Manetualain Dula Dale na, nakadada'dik basa emi, da'di hataholi kamahehele malalaok ma susuek, soaneu Manetualain mesa kana, fo ela emi tunga Yesus Kristus, fo manatao nalalao emi ninik daa na.

1 YOHANIS 2:2

No Yesus Kristus tunu-hotu ao ina na, de ita sala-singon hapu do'o do ampon. Tehu ta ka'da ita mesa tala sala-singon hapu do'o do ampon fa te, basa hataholi daebafa ka sala-singon boeo, hapu do'o do ampon.

1 YOHANIS 3:1

Mete mitak Manetualain sue-lai na ita ba'u na seli de, nalosak ita nanaseseik lae, Manetualai nana nala. Ma memak ita nde bee na, Manetualai nana nala. Hu ndia de daebafa mangalauk ia, ana ta nau nalelak ita fa nana, ta nalelak Manetualain fa.

1 YOHANIS 3:10

Manetualai nana nala ma Nitu ana nala ta'du tanan leo iak: see ta tunga Manetualain hihii-nanaun do ana ta sue-lai tolano na fa soona, Manetualai nanan ta ndia fa.

1 YOHANIS 3:2

Tolano susue-lalai ngala lemin! Besak ia, Manetualai nanan ita so, tehu ita heo-hilun beita nandaa fa. Tehu ita bubuluk basan, metema Kristus mai soona, neukose ita da'di sama leo Kristus, nana ita titan nai heo-hilu isi-isi na dalek.

NINITAK 5:9

Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.