YOHANIS 11:19 - Susula Malalaok Hehelu Palak Ma Hehelu Beuk

¹⁹ Hataholi Yahudi ba'u ka leu donge Marta no Maria, fo ala kokoe-nanasis, nana tolanoo na mamaten ndia.

YOHANIS 11:19 ပူးပေါင်းရင်းမြစ်များ

KEJADIAN 37:35

Basa anan-nala, nau touk do inak boe, ala mai kokoe-nanasin, tehu ana ta nau kokoe-nanasi fan. Nae, “Neukose au kii-makaleleu ahele au anang-nga losa au mate.” Leondiak ana falu nahele nanahu anan Yusuf.

2 SEMUEL 10:2

Boema, Mane Dauk-ka nafa'da nae, “Nahas nde been-na, au tia-lai manalililnekang. Da'di, au muse tao tia-laik o anamanen Hanun boe.” Hu ndia de, nadenu hataholi neu leo nusa Amon-na neu, fo ana kokoe-nanasi Hanun, nanahu aman mamaten-na.

1 TAWARIKH 10:12

sila hataholi palanin-nala leu ko'o-la Saul no anamanen-nala popolan-na, boema lenis leo Yabesh neu. Latoi duin-nala nai ai matuaina esa huun-na, basa boema, ala oka aon-nala faik 7 dalen-na.

AYUB 2:11

Ayub tia-lain telu, lamanene susa-soe fo manatuni la'e Ayub-pa. Ayub tia-lai ka telun sila-la, nde Elifas neme kota Téman-na mai, Bildad fo hataholi Suah, ma Zofar fo hataholi Naama. Ala lalahalak, leu donge-dama Ayub, fo ala kokoe-nanasin.

AYUB 42:11

Basa Ayub ka'an-nala, ma feton-na, boema basa hataholi nalela palaan-nala, ala mai donge-daman, boema ala feta sama-sama lon, nai uman. Lafa'da lae sila boeo, tunga susa neu basa susa-soe lala'en fo, Manetualain fen neu Ayub, boema ala fen kokoe-nanasik. Sila esan-na, fe Ayub doik, ma ndeli lilopilas beke esak.

PENGKHOTBAH 7:2

Malole lenak teu leo uma mamates teu neme teu leo uma feta teu. Nana ita muse tafandele tataas esa tae mamates sa nahani hataholi-a esa-esak.

YESAYA 51:19

Soe matak dua, tuni-ndeni-na o; hu kande, natee-natatik-ka, de o nusam-ma nakalulutuk, ma o laum-mala, mates lo la'as-sa. Ta hapu manasue-lai, ma manakokoe-nanasi o fa.

RATAPAN 1:16

Hu ndia de, au luuoeng-nga titi henin, ta hapu hataholi fe au manggatek ma kokoe-nanasik fa. Au leoinang-nga lamopo hata lala'en-na so, nanahu musu-a koasan-na lena.

RATAPAN 1:2

Le'odae katemak esa dalen-na, ana kii no dale he'dik, luuoen-na titi nai nasebu'un-na. Ta hapu hataholi esa boen, neme basa tou-ta'e susuen-na nau kokoe-nanasik fan. Tia-lain-nala lalelesin de lasafali da'di musu nok.

RATAPAN 1:21

Ou, Manetualain! Mamanene au hoo-nggu'ung leona, ta hapu hataholi kokoe-nanasi au fa. Au musung-ngala lamahoko, nanahu O taom-ma au soe. Faik fo O heluk ndia, mai leona; tao malas doi-doso sama leo au.

RATAPAN 1:9

Manggenggeon-na, nananitak no mangale'dok, tehu ta nafaduli, neukose hata da'di la'eneu aoinan-na fa. Tutu'dan-na ba'un-naseli, tehu ta hapu hataholi esa boen, kokoe-nanasi fan. Boema ana dokodoe susue-lalaik neme Manetualain mai, nanahu musun-nala sengi so.

RATAPAN 2:13

Ou Yerusalem, kota Sion fo susuek, o tutu'dam-ma ba'u tasi maloaina. Hata fo au bisa afa'dan soaneu da'di kokoe-nanasik? Nana, beita la'iesa fo hapu hataholi doi-doso sama leo o fa. Tete'ek-ka, ta hapu hataholi bisa tao matalolole o ha'da-tataom fa.

LUKAS 10:39

Marta tolanoo inan esa na'de Maria. Maria ia nangatuuk deka no Lamatuak Yesus, fo namanene nanoli nala.

LUKAS 10:42

te see ko na fo nanapaluu ka, ka'da dede'ak esa mesa kana. Maria hele basa hata fo malole a, fo neukose ta nanaho'ik neme ndia mai fa.”

YOHANIS 1:19

Basa manakoasa Yahudi manai Yerusalem-mala, ladenu ima mala lo Lewi hataholi nala, leu leo Yohanis leu, fo latanen lae, “O ia see?”

YOHANIS 11:1

Hataholi esa na'de Lasarus, ana leo nai Betania, sama-sama no tolanoo inan Maria ma Marta.

YOHANIS 11:31

Hataholi Yahudi manakokoe-nanasi manai uma, lita Maria fo'a lai-lai leo deak neu boema leu tungan, nanahu laedaenga Maria neu ki nai lates nde ndia.

YOHANIS 11:33

Yesus nita Maria ki boema, hataholi Yahudi manamai sama-sama lo Maria, ala ki beno'u, boema Yesus dale na he'di sa, ninik dale na susa nanseli.

YOHANIS 11:36

Boema hataholi Yahudi manai sila la bekola lae, “Mitakana dei, Ana sue na Lasarus ba'u na seli!”

YOHANIS 11:45

Hataholi Yahudi manadonge-dama Maria, ba'u ka lamahele Yesus nai lelek fo lita manda'dik ndia.

YOHANIS 11:8

Boema lae, “Ama Mesen, fai lai-laianak ia, hataholi Yahudi la sanga tapa Ama ninik batu, tehu besak ia, Ama nau fali seluk leo naa neu bai?”

ROMA 12:15

Mamahoko mo hataholi manamamahoko kala, ma kii mo hataholi manakii kala.

2 KORINTUS 1:4

Ana tao natea-nahele ami dale ma, nai lelek fo ami la'ola'di toto'a-tataa ka, fo ela no be'i-balakaik fo ami sipon neme Manetualain mai ndia, ami boeo hapu tao matea-mahele basa hataholi manai toto'a-tataa ka dalek.

1 TESALONIKA 4:18

Hu ndia de, ela leo bee na, emi esa natetea-nahehele esa dale na, ninik dede'ak ia la.

1 TESALONIKA 5:11

Hu ndia de, ela leo been-na emi esa nanoli-nafa'da esa, ma esa natetea-nahehele esa, sama leo besak ia, emi tao ka.

SEMUEL SUSULAK-KA ESAN-NA 31:13

Ala hehele lakabubua dui-kalun-nala, de latois nai kota ndia, nai ai popo-tamariska huun-na; basa boema, ala oka aon-nala, faik hitu dalen-na.