YOHANIS 10:33 - Susula Malalaok Hehelu Palak Ma Hehelu Beuk

³³ Boema hataholi Yahudi la lataa lae, “Ta hu ka nde O tatao-nono'i malolem sila la fa, de ami nau tapa O ninik batu, te hu ka nde O makamumulu-makamamaek Manetualain. O hataholi daebafak esa boe na, O nau tao aoina ma da'di neu Manetualain.”

YOHANIS 10:33 ပူးပေါင်းရင်းမြစ်များ

1RAJA-RAJA 21:10

Madenu hataholi manatao tatao-nono'i mangalauk dua langatuuk lasasalematak loon, fo kalaa kana mae ana soo-supa basa Manetualain ma manek-ka so. Soona moon leo kota deak neu fo tapan nenik batu losa maten!”

MAZMUR 82:6

Au afa'da, ae emi hataholi salanik emi basa-basam-mala nde bee-na, Manetualain Fo Mademaina, anan-nala.

IMAMAT 24:14

“Moo hataholi ndia leo mamana ofuk-ka deak neu. Basa hataholi fo lamanenen ana soo-supa, muse ala lalaa liman-nala neu hataholi ndia langan lain, fo ala sakasii, lae hataholi ndia nasala. Soona basa hataholi-la tapan nenik batu, losa maten.

IMAMAT 24:16

ma hukunisan. Su'di see, fo ana soo-supa Manetualain soona, basa salanik-kala lala'en-na tapan nenik batu losa maten. Hoholo-lalanek ndia nanapakek soaneu hataholi Israel-la, ma hataholi nusa dea manaleo lahele nai Israel-la boe.

YOHANIS 10:24

nai lelek fo hataholi Yahudi la mai de lakabubua lai Yesus boboa kaisun. Boema lafa'dan lae, “O po'ilotak ami dale ma, naba'e losa faihi'da? Mafa'da no mangale'dok leona, metema tete'e ka Mane Mana Fe So'da ka nde O.”

YOHANIS 10:30

Au ma Ama ka nde bee na, esa.”

YOHANIS 10:32

Tehu Yesus nafa'das nae, “Ama ka paleta Au fo tao tatao-nono'i malole ba'u ka, de emi mita basan so. De neme basa tatao-nono'ik sila la, bee ka nde tao na emi nau tapa Au?”

YOHANIS 19:7

Tehu hataholi Yahudi la lae, “Tunga ami hoholo-lalanem soona, muse hukunisa hataholi ndia, nana nafa'da aon nae, Manetualain Anan ndia.”

YOHANIS 5:18

Dede'a-kokolak sila la nde tao la basa manakoasa Yahudi la sanga enok lakandoo, fo ala taolisa Yesus. Ala tao enok ndia, nana ta ka'da Yesus la'olena agama nakanenete na la'eneu fai Saba ta fa, te hu ka nde Yesus nafa'da nae, Ndia Aman nde Manetualain, fo dede'ak ndia sosoa na nae, Yesus nakasasamak aoina na no Manetualain.

ROMA 13:1

Hataholi lala'ena muse tunga manapaleta paleta na, nana ta hapu manapaleta sa boen fo ana hapu koasa neme Manetualain mai fa. Manapaleta besak ia la, lakalala'ok paleta nala tunga Manetualain paleta na.

FILIPI 2:6

Tunga matetu na soona, Yesus sama leo Manetualain, tehu leomae leondiak boe, Ana ta name'da nae, heheo-hihilun ma ha'da-tataon fo sama leo Manetualain ndia, muse Ana ho'u nahele fan.