YOHANIS 10:28 - Susula Malalaok Hehelu Palak Ma Hehelu Beuk

²⁸ Au fes maso'da matetu ka, ma manaketu basa ta ka, fo ala ta mopo-mate losa dodoo na. Ta hapu hataholi esa boen, hapu loso ninis leme Au limang dale mai fa.

YOHANIS 10:28 ပူးပေါင်းရင်းမြစ်များ

AYUB 17:9

Hataholi malole ma sala tak-ka, boetai namahele so'dan-na, eno-dalan nandaa no Manetualain dalen-na.

MAZMUR 31:5

Soi-po'i au neme hihi'ik fo, nanalonak ba'eneu au, nana, O nde au mamana nasulu-nahapang-nga.

MAZMUR 37:28

Nana Manetualain sue-lai tatao-nono'ik fo malole, ma ndoos ma matetuk-ka, hataholi fo, ana lilineka neun-na, Ana ta po'ilotak-kana doi-doso fa. Ana nasulu-nahapas losa dodoon-na, tehu hataholi mangalauk-ka tititi-nonosin, neukose nanatao namopo-namatek.

AMSAL 24:16

Nana leomae hataholi dale ndoos-sa, ana la'o la'di nahenik la'i nono'ik boe, tehu ana fo'a seluk tatas esa. Tehu nasafalin-na, hataholi mangalauk-ka, neukose nakalulutuk, hu kande susa-soe-a.

AMSAL 4:18

Hataholi mangalauk-ka enon-na makahatuk, sama leo makahatuk-ka nai fai le'odaen-na. Ala lakatunu, fo ala tu'u leu, tehu ala ta bubuluk fa. Nasafalin-na, enok fo hataholi malole-a la'ok tungak-ka nde been-na, sama leo le'do-a tii mai; ana boetai mangale'dok-ka, losa mate'en-na, mangale'don-na namatua.

YESAYA 27:3

Au, fo Manetualain nde manamanean-na; tunga faik, Au tee-tee-totolin, Au anean lele'do le'odaen, fo ela boso hapu hataholi neu adu-dodokin.

YESAYA 45:17

Tehu Manetualain soi-tefa-na Israel; so'da-molen-nala, neukose nakatatakak. Neukose emi ta nananakamamaek ma nananakadadaek losa dodoon-na fa.’ ”

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YEREMIA 23:4

Neukose Au so'u mauli-malangan soaneu nakaboboi sila. Au anang-ngala neukose ala ta bii do lamata'u fa; neukose neme sila esa mai boeo ta mopon fa. Au, Manetualain, nde manakokolak-ka.”

YEREMIA 31:3

Au atu'du Au aoinang-nga neus neme dook-ka mai. Hai hataholi Israel-la lemin, lelek makahulun-na Au sue-lai emi tatas esa, ma soaneu losa makandondoo henin Au atu'du ae, Au sue-lai emi tatas esa.

YEREMIA 31:34

Ta hapu sila esa nanoli esa soaneu lalelak Manetualain fa. Nana sila basas, ana do matua, neukose lalelak Au. Sila salan-na lala'en-na neukose Au asanggango henis, sila sala-singon-nala lala'en-na neukose Au fe do'o do ampong neus. Au, Manetualain, nde manakokolak-ka.”

YEREMIA 32:40

Neukose Au tao hehelu-balatak matea-mahelek no sila. Neukose Au ta tao hahae neulauk ba'eneu sila fa. Neukose Au taos ala bii ma ala fe ha'da-holomata neu Au no dale katema-tuak, fo ala boso dook-ka neme Au-a mai.

MARKUS 13:22

Nana manafe so'dak masapepeko kala ma nabi pepeko kala neukose ala mai. Neukose ala tao tatao-nono'i matuaina la, ma manada'di beu kala fo ala ke'dindiu hataholi, fo metema da'di soona, ala ke'dindiu Manetualain hataholi kamahehele nala boe.

LUKAS 23:46

Boema Yesus nggasi napane'e nae, “Ama! Au fe Au ao paa samaneng leo O limam dale neu!” Ana kokolak basa nae leondia boema maten.

YOHANIS 10:29

Au Ama nga, Ana fe basa-basas mai Au, lenaheni basa hata lala'ena. Ta hapu hataholi esa boen, ana loso ninis leme Ama ka liman dale mai fa.

YOHANIS 11:25

Tehu Yesus nafa'da Marta nae, “Au nde manafe maso'da ka, ma manatao naso'da falik hataholi manamate kala. Hataholi fo namahele neu Au a, neukose naso'da, leomae ana mate so.

YOHANIS 14:19

Bei ela ka'da ba'ihanak mesa kana fo daebafa ka ta nita Au so'on. Tehu emi mita Au. Ma hu ka nde Au aso'da, de emi boeo maso'da.

YOHANIS 17:2

Ama ka fen koasa fo Ana koasa basa hataholi daebafa ka lala'ena, fo ela Ana ka fe maso'da matetu ka ma manaketu basa ta ka neu basa hataholi fo Ama ka fen neu Au a.

YOHANIS 18:9

Yesus nafa'da nae leondia, fo ela hata fo makahulu na nafa'da ka, ana da'di leon nae, “Ama, basa hataholi fo Ama ka fes leu Au a, ta mopo-mate esa boen.”)

YOHANIS 3:36

Hataholi fo namahele neu Anak ndia, neukose ana hapu so'da matetu ka, ma manaketu basa ta ka. Tehu hataholi fo ta namahele Anak ndia, ana ta hapu maso'da ka fa. Te Manetualain hukun losa dodoo na.

YOHANIS 4:14

tehu metema see ninu oe fo Au fe ka soona, neukose ana ta maa ma'da so'on, losa dodoo na. Nanahu Au fe oe ndia, neukose ana da'di oe mata nai aon dale, fo ana faa leo deak mai. Oe ndia nde nini so'da matetu ka, ma manaketu basa ta ka.”

YOHANIS 5:24

Au dede'ang ia la tete'e ka la'en: See taoafik neu Au hala-kokolang, boema namahele Ndia fo manamadenu Au a soona, ana hapu maso'da matetu ka ma manaketu basa ta ka. Neukose ana ta hapu huhukuk fa, te nanapo'i basak neme mamate sa mai so, boema ana hapu maso'da ka.

YOHANIS 6:27

Boso sanga ka'da nana'a kabook fo hapu basan. Te sanga nana'a kaboo ta ka, ma nana'a manini maso'da matetu ka, ma manaketu basa ta ka. Fo Ana Hataholi ka nde fe emi nana'ak ndia. Nanahu Amak Manetualain so'u basa Ana Hataholik ndia so.”

YOHANIS 6:37

Ama ka fe basa Au hataholi la, neukose ala mai leo Au mai. Boema see mai leo Au mai soona, Au ta tipa esa boen.

YOHANIS 6:47

Fo ela emi bubuluk te: Hataholi see namahele soona, ana hapu maso'da matetu ka, ma manaketu basa ta ka.

YOHANIS 6:68

Boema Simon Petrus nae, “Lamatuak, ami meu leo see meu bai? Nanahu Manetualain dede'a-kokolan nini maso'da matetuk ma manaketu basa ta ka,

HATAHOLI 7:59

Ala bei pia-pia lo Stefanus, te Stefanus nalo ma nae, “Lamatuak Yesus, sipok ma au samane nga!”

ROMA 5:17

Nana hu ka nde hataholi esa sala-singon de mamate sa nafeo basa mamanak lala'ena, tunga hataholi kisak ndia. Tehu hataholi esa, fo Yesus Kristus, Ana tao ba'ulena seluk ndia bai. Manetualain fe basa susue-lalai matuainan ndia, neu hataholi makadotok boema Ana fe hiik susue-lalain ndia fo ala malole falik lo Manetualain; neukose ala hapu koasa nai daebafak ia, tunga Kristus.

ROMA 5:2

Hu ka nde ita tamahele Yesus de Ana fe ita Manetualain susue-lalain, de no susue-lalaik ndia de besa ka ita taso'da. Hu ndia de ami mamahoko nana ita tamahena, neukose ita taso'da nai Manetualain fe ua-nale ka dalek!

ROMA 5:21

Naa, ita muse mate, nana ita tao sala-singok. Tehu Manetualain sue-lai ita de Ana fe ita enok fo ata malole falik ton. Boema hu ka nde ita tututi-nanaton to Manetualai na, malole falik, boema Ana fe ita so'da matetu ka ma manaketu basa ta ka, tunga ita Lamatuan Yesus Kristus.

ROMA 5:9

Besak ia ita malole falik to Manetualain, tunga Kristus mamate na so. Hu ndia de tao leo beeo Kristus soi-tefa nala ita teme Manetualain nasa-melun mai.

ROMA 6:23

Nana sala-singo ka ngga'di na nde mamate sa; tehu Manetualain baba'e-babatin nde so'da manaketu basa ta ka nai Yesus Kristus dalek.

ROMA 8:1

Besak ia, ta hapu huhukuk soaneu hataholi fo laso'da lo Kristus Yesu sa so'on.

ROMA 8:29

Hataholi fo Manetualain hele basa kala, naketu basan neme makasososa na mai a, hataholi sila sama leo Ana na, fo nde Yesus Kristus. No enok ndia de, Anak ndia, nde da'di puleuluk neu basa tolanoo kala lala'ena.

ULANGAN 33:3

Tete'ek-ka, Manetualain sue-lai leoinan. Nasulu-nahapa basa Ndia hataholin-nala. Mai fo, ata sene-do'ok neu ein-na, matan-na, ma ata tunga paletan-nala.

FILIPI 1:6

Manetualain nde mulai tatao-nono'i malole ndia, neu emi a, de au amahele, neukose Ana tao-no'i nakandoo tatao-nono'ik ndia, losa nakababasa kana nai Kristus Yesus Fai fafali ma'i na.

2 TESALONIKA 2:13

Tolano-tolanook fo Lamatua ka sue-lai ka lemin! Ami muse moke makasi makandoo neu Manetualain soaneu emi, nana neme makasososa na mai, Manetualain hele basa emi, fo Ana soi-tefa na emi. Dede'ak ndia ana da'di neme hata fo, Manetualain Dula Dale na tao-no'in neu emi, fo Ana tao emi da'di Manetualain hataholi kamahehelen fo malalaok, ma hu ka nde emi mamahele hala ndoos, fo maneme Manetualai na mai.

1 TIMOTIUS 1:16

Tehu neme enok ndia mai de, Manetualain sue-lai au, fo ela basa hataholi la lita, Kristus Yesus ta haelai namanasa au fo, hataholi masala-masingok ia. Fo dede'ak ia, ana da'di natutu'duk esa, soaneu basa hataholi fo, neu fai makabuin besa ka lamahele neun na, ala hapu so'da matetu ka, ma mana ketu basa ta ka.

2 TIMOTIUS 1:12

Hu ndia de, au lu'a-lepa basa doidosok ia la, tehu au amahele ahele, nanahu au bubuluk te'e-te'e, see hataholi fo au amahelek ndia. Au amahele, hata fo Ana fe basan neu au ndia, nanea nabe'in, losa Fai Mate'e ka.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

1 YOHANIS 1:2

Lelek fo maso'dak ndia natu'du ao ina na, ami mitan. Hu ndia de ami da'di sakasii la'eneu maso'dak ndia. Ami tui-benga fe emi, so'da matetu ka ma mana ketu basa ta ka, fo hapun sama-sama no Ama ka, boema Ama ka natu'dun neu ami de ami mitan so.

1 YOHANIS 2:19

Kristus musu noon sila la nde, hataholi mana la'oela ita, fo memang tunga ndo na soona, ita hataholin ta sila fa. Nana metema ita hataholin sila soona, tao leo beeo, lakabubua lahele lo ita. Tehu ala la'oela ita, fo ela ana da'di nafafa'dak esa nae, tete'e ka ita hataholin ta sila so'on.

1 YOHANIS 2:25

Kristus helu basa, Ana fe ita so'da matetu ka ma mana ketu basa taa ka so.

1 YOHANIS 5:11

Sakasii ndia nae leo ia, Manetualain fe basa ita so'da matetu ka ma mana ketu basa ta ka, fo Ana na nde da'di maso'dak ndia huu na.

YUDAS 1:1

Tolano-tolanook fo, Manetualain nalo basak, ma sue-lai ma naneas soaneu Yesus Kristus. Da'dileo Yesus Kristu satan, au – Yudas – fo Yakobis tolanoo na,

YUDAS 1:21

ma maso'da nai Manetualain susue-lalain dalek tataas esa, bei dai emi bei mahani ita Lamatuan Yesus Kristus susue-lalain, fo neukose ana fe emi so'da matetu ka, ma mana ketu basa ta ka.

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.

SEMUEL SUSULAK-KA ESAN-NA 2:9

Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.